1 Crore Investment Plan: రూ. కోటి సంపాదించడానికి ఎంత సమయం పడుతుంది.? SIPలో ఎంత పెట్టుబడి పెట్టాలి?

1 Crore Investment Plan: షేర్ మార్కెట్‌లో గత కొన్ని నెలలుగా ఎక్కువ హెచ్చుతగ్గులు కనిపిస్తున్నాయి. దీని వల్ల చాలా మంది పెట్టుబడిదారుల పోర్ట్‌ఫోలియో పెరగడం లేదు. కొందరికి మాత్రం భారీ నష్టాలు కూడా ఎదురయ్యాయి. దీనితో చాలా మందికి SIP (సిస్టమాటిక్ ఇన్వెస్ట్‌మెంట్ ప్లాన్) ఒక్కటే ఉత్తమ ఎంపికగా కనిపిస్తోంది. నిజానికి దీనికి కారణం లేకపోలేదు.

SIP దీర్ఘకాలంలో మంచి సంపద సృష్టించడానికి, రిటైర్మెంట్ లేదా ఇతర లక్ష్యాల కోసం ఆర్థిక సహాయం సమకూర్చుకోవడానికి మంచి మార్గంగా పరిగణించబడుతుంది. సాధారణ పెట్టుబడిదారులకు దీర్ఘకాలంలో 1 కోటి రూపాయల కార్పస్ ఒక పెద్ద లక్ష్యం. అయితే ఈ 1 కోటి ఎలా సాధించాలి? ప్రతి నెలా ఎంత SIP చేయాలి? సాధారణ SIP చేస్తే ఎంత సమయం పడుతుంది? స్టెప్-అప్ SIP ఎంచుకుంటే లక్ష్యం ఎంత త్వరగా పూర్తవుతుంది? అనేక ప్రశ్నలు ఉంటాయి.

మ్యూచువల్ ఫండ్స్‌లో దీర్ఘకాలిక సగటు రాబడి సంవత్సరానికి 12% అని సాధారణంగా పరిగణిస్తారు. ఈ ఆధారంగా చూస్తే, 20 సంవత్సరాల పాటు ప్రతి నెలా రూ.10,000లు SIP చేస్తే మీ మొత్తం పెట్టుబడి 24 లక్షలు అవుతుంది. అలాగే 12% వార్షిక రాబడితో మీకు సుమారు 91.98 లక్షల నిధి ఏర్పడుతుంది. అందులో రాబడి నుంచి వచ్చే ఆదాయం సుమారు 67.98 లక్షలు.
15 సంవత్సరాలకు లక్ష్యం పెట్టుకుంటే ప్రతి నెలా 20,000 రూపాయలు SIP చేయాలి. ఆలా చేస్తే మొత్తం పెట్టుబడి 36 లక్షలు అవుతుంది. 12% రాబడితో సుమారు 95.18 లక్షల నిధి ఏర్పడుతుంది. రాబడి నుంచి వచ్చే ఆదాయం సుమారు 59.18 లక్షలు
.
మరోవైపు స్టెప్ అప్ SIP వల్ల మరింత బలమైన లాభం వస్తుంది. మీరు రూ.10,000ల SIPతో ప్రారంభించి ప్రతి సంవత్సరం 10% పెంచుకుంటే 1 కోటి రూపాయల నిధి కేవలం 13 సంవత్సరాల్లోనే పూర్తవుతుంది. అదేవిధంగా 5,000 రూపాయల చిన్న SIPతో ప్రారంభించి ప్రతి సంవత్సరం 10% పెంచుకుంటే 1 కోటి రూపాయల కార్పస్ సుమారు 15 సంవత్సరాలు కొన్ని నెలల్లోనే సాధ్యమవుతుంది. మార్కెట్ హెచ్చుతగ్గుల మధ్య SIP దీర్ఘకాలికంగా క్రమశిక్షణతో పెట్టుబడి చేయడానికి అనువైన మార్గం. సాధారణ SIPతో పాటు స్టెప్-అప్ SIP ఎంచుకుంటే మీ లక్ష్యాలు మరింత త్వరగా చేరుకోవచ్చు.