Gold Adulteration Alert: బంగారం కొనేవారికి బిగ్ అలర్ట్.. పసిడిలో రీనియం పౌడర్ కల్తీ?.. 24 క్యారెట్స్ పరీక్షలోనూ పాస్!
- Follow Us :
-
-
Add as a preferred
source on google
Gold Adulteration Alert: బంగారం కొనుగోలు చేసే వినియోగదారులకు షాకింగ్ న్యూస్. భారతదేశంలో బంగారంలో కల్తీ చేసేందుకు కొత్త పద్ధతిని కొందరు అక్రమ వ్యాపారులు ఉపయోగిస్తున్నట్లు తాజాగా ఓ మీడియా నివేదిక వెల్లడించింది. చైనా నుంచి దిగుమతి చేసుకుంటున్న ‘రీనియం పౌడర్’ (Rhenium Powder)ను బంగారంలో కలుపుతూ దాని బరువును పెంచుతున్నట్లు పేర్కొంది. ఆశ్చర్యకరమైన విషయం ఏమిటంటే.. ఈ విధంగా కల్తీ చేసిన బంగారం కొన్ని సందర్భాల్లో సాధారణ పరీక్షల్లో 24 క్యారెట్ల స్వచ్ఛత కలిగిన బంగారంగా కూడా గుర్తింపు పొందినట్లు నివేదిక వెల్లడించింది. సాధారణంగా బంగారం స్వచ్ఛతను నిర్ధారించేందుకు ఉపయోగించే పరీక్షా యంత్రాలు, కొన్ని హాల్మార్కింగ్ కేంద్రాలు కూడా ఈ కల్తీని గుర్తించలేకపోయినట్లు ఆరోపణలు రావడం వినియోగదారుల్లో ఆందోళన కలిగిస్తోంది.
మీడియా నివేదిక ప్రకారం.. చైనాలోని షెన్జెన్కు చెందిన ఓ ఏజెంట్ తన సంస్థ రీనియం పౌడర్ తయారు చేస్తుందని, భారత్లోని పలు నగరాల్లో తమకు డీలర్లు ఉన్నారని వెల్లడించినట్లు పేర్కొంది. ఈ పౌడర్ను బంగారంలో కలపడం ద్వారా అసలు బంగారం పరిమాణం పెంచకుండానే మొత్తం మిశ్రమం బరువును పెంచుతున్నట్లు ఆరోపణలు ఉన్నాయి. ఒక ఉదాహరణలో 7.83 గ్రాముల 24 క్యారెట్ల బంగారానికి ఒక గ్రాము రీనియం పౌడర్ కలిపారు. దీంతో మొత్తం మిశ్రమం బరువు 8.83 గ్రాములకు చేరింది. అనంతరం నిర్వహించిన పరీక్షలో ఈ మిశ్రమం 24 క్యారెట్ల బంగారంగా గుర్తించబడినట్లు నివేదిక పేర్కొంది.
Also Read
- Gold Purity Test: మీ నగలు అసలైనవేనా? మార్కెట్లో 'చైనా పౌడర్' కల్తీ కలకలం.. ఈ టెస్టులతో సింపుల్గా పట్టేయండి!
- Stock Market Crash: దలాల్ స్ట్రీట్లో రక్తపాతం.. ఒక్క దెబ్బతో రూ.6 లక్షల కోట్లు ఆవిరి.. కుప్పకూలిన సెన్సెక్స్, నిఫ్టీ!
- India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
- Gold and Silver Price Crash: మళ్లీ కుప్పకూలిన బంగారం, వెండి ధరలు.. వెండి రూ.6 వేలు, బంగారం రూ.3 వేలు పతనం..!
ఈ కల్తీ వ్యవహారంలో మరో విస్తుపోయే విషయం వెలుగులోకి వచ్చింది. రీనియం పౌడర్ కలిపిన మిశ్రమానికి మరో లోహాన్ని జోడించి 22 క్యారెట్ల ఆభరణంగా తయారు చేసినట్లు నివేదిక వెల్లడించింది. అనంతరం ఈ ఆభరణాన్ని హాల్మార్కింగ్ కేంద్రానికి పంపించగా, అది 22 క్యారెట్ల బంగారంగా ధ్రువీకరణ పొందినట్లు పేర్కొంది. అయితే ఆ ఆభరణంలో వాస్తవంగా ఉన్న బంగారం శాతం కేవలం 81.73 శాతమేనని నివేదిక వెల్లడించింది. అంటే అది దాదాపు 20 క్యారెట్ల స్వచ్ఛతకు సమానం. అయినప్పటికీ 22 క్యారెట్లుగా గుర్తింపు పొందడం హాల్మార్కింగ్ పరీక్షల విశ్వసనీయతపై ప్రశ్నలు లేవనెత్తుతోంది.
బంగారం కొనుగోలు చేసే వినియోగదారులకు స్వచ్ఛతపై భరోసా కల్పించేందుకు ప్రభుత్వం హాల్మార్కింగ్ విధానాన్ని అమలు చేస్తోంది. అయితే కల్తీ బంగారం కొన్ని పరీక్షల్లోనూ పాస్ అవుతున్నట్లు ఆరోపణలు రావడం ఆందోళన కలిగిస్తోంది. ఇదిలా ఉండగా, కాగ్ (CAG) ముసాయిదా నివేదికలో మరో కీలక విషయం వెల్లడైనట్లు మీడియా కథనం పేర్కొంది. 2024-25 ఆర్థిక సంవత్సరంలో నమోదైన జువెలర్లలో 81 శాతం మందిని తనిఖీ చేయలేదని ఆ నివేదికలో పేర్కొన్నట్లు తెలిపింది. ఈ పరిస్థితులు బంగారం నాణ్యత తనిఖీలు, హాల్మార్కింగ్ కేంద్రాల పర్యవేక్షణను మరింత పటిష్టం చేయాల్సిన అవసరాన్ని సూచిస్తున్నాయి. నిపుణుల అభిప్రాయం ప్రకారం.. ఇలాంటి సంక్లిష్టమైన లోహాల కల్తీని గుర్తించేందుకు సాధారణ పరీక్షలతో పాటు ఆధునిక సాంకేతిక పరిజ్ఞానాన్ని ఉపయోగించాల్సిన అవసరం ఉంది.
XRF పరీక్ష: బంగారంతో పాటు ఇతర మూలకాల ఉనికిని గుర్తించేందుకు ఉపయోగపడుతుంది. అయితే ఉపరితల పరీక్ష కావడంతో కొన్ని సందర్భాల్లో పూర్తి స్వచ్ఛతను నిర్ధారించలేకపోవచ్చు.
ఎలక్ట్రాన్ మైక్రోస్కోపీ: లోహాల నిర్మాణం, వాటిలో కలిసిన ఇతర పదార్థాలను మరింత వివరంగా పరిశీలించేందుకు ఉపయోగపడుతుంది.
అధునాతన లోహ విశ్లేషణ: ఆభరణంలోని మొత్తం లోహ కూర్పును తెలుసుకోవడానికి అవసరమైన సందర్భాల్లో ప్రత్యేక ప్రయోగశాల పరీక్షలు నిర్వహించాలి.
అందువల్ల ఒకే రకమైన సాధారణ పరీక్షపై ఆధారపడకుండా, అనుమానం ఉన్నప్పుడు గుర్తింపు పొందిన ప్రయోగశాలలో మరింత సమగ్ర పరీక్ష చేయించుకోవడం మంచిది.
ఈ తరహా కల్తీ ఆరోపణల నేపథ్యంలో వినియోగదారులు బంగారం కొనుగోలు చేసేటప్పుడు కొన్ని జాగ్రత్తలు పాటించాలి.
నమ్మకమైన, విశ్వసనీయమైన జువెలరీ షోరూమ్లలోనే బంగారం కొనుగోలు చేయాలి.
BIS హాల్మార్క్, 6 అంకెల HUID గుర్తింపు వివరాలను పరిశీలించాలి.
BIS Care యాప్ ద్వారా HUID నంబర్ను ధ్రువీకరించాలి.
కొనుగోలు చేసిన ఆభరణానికి సంబంధించిన బిల్లు, GST ఇన్వాయిస్ తప్పనిసరిగా తీసుకోవాలి.
అనుమానం వచ్చినప్పుడు గుర్తింపు పొందిన పరీక్షా కేంద్రంలో అదనపు పరీక్షలు చేయించుకోవాలి.
తాజావార్తలు
-
Gold Adulteration Alert: బంగారం కొనేవారికి బిగ్ అలర్ట్.. పసిడిలో రీనియం పౌడర్ కల్తీ?.. 24 క్యారెట్స్ పరీక్షలోనూ పాస్!
-
Bangladesh Violence: హింస గుప్పిట్లో బంగ్లాదేశ్.. మహ్మద్ యూనస్ ఇంటికి నిప్పు.. దేశవ్యాప్తంగా బాంబు పేలుళ్లు!
-
Cheyutha Pensions: చేయూత పెన్షన్లు, ఇందిరమ్మ చీరల పంపిణీకి తేదీ ఫిక్స్..
-
Koti Deepotsavam 2026 Day 6: కార్తీక శుద్ధ దశమి.. కోటి దీపోత్సవంలో నేటి విశేష కార్యక్రమాలు ఇవే..!
-
AP Panchayat Elections: తొలి దశలో బరిలో 21 వేల మందికి పైగా సర్పంచ్ అభ్యర్థులు.. 87 వేల వార్డు అభ్యర్థులు
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..