చాట్-జీపీటీ అనేక విధాలుగా ప్రజలకు ప్రయోజనకరంగా ఉంటుంది. అయితే దీనిని జాగ్రత్తగా ఉపయోగించాలి లేకపోతే చెడు పరిణామాలను ఎదుర్కోవలసి ఉంటుంది. ఢిల్లీకి చెందిన ఒక సీఈవో తన పోస్ట్‌లలో.. చాట్‌జీపీటీ సహాయంతో వ్రాసిన తర్వాత కూడా ప్రూఫ్ రీడింగ్ ఎందుకు అంత ముఖ్యమైనదో ఉదాహరణతో ప్రజలకు వివరించారు. ఎంట్రేజ్‌ సంస్థ సీఈఓ అనన్య నారంగ్‌ ఉద్యోగ దరఖాస్తుదారుకి చెందిన కవర్ లెటర్ స్క్రీన్‌షాట్‌ను పోస్ట్ చేసి, అందులోని ఓ తప్పుడు హైలైట్ చేశారు. ఇది వినియోగదారులను షాక్‌కు గురి చేసింది. స్క్రీన్ షాట్ చూస్తుంటే బహుశా అప్లికేషన్ పంపే వ్యక్తి తొందరపడి కవర్ లెటర్ ను సరిగ్గా చదవకుండా కాపీ పేస్ట్ చేసి ఉంటాడని తెలుస్తోంది. స్క్రీన్‌షాట్‌లో కవర్ లెటర్‌లో వ్యక్తిగత సమాచారం స్థానంలో టెంప్లేట్ ప్లేస్‌హోల్డర్‌లు ఉన్నాయి. ఈ లేఖ కంటెంట్ సంబంధిత స్థానం కోసం పంపబడింది. చాలా చోట్ల, వ్యక్తిగత సమాచారానికి బదులుగా, టెంప్లేట్‌లు మాత్రమే కనిపిస్తున్నాయి.
READ MORE: Kejriwal: జైల్లో చంపేందుకు బీజేపీ కుట్ర.. కేజ్రీవాల్ సంచలన ఆరోపణలు
అభ్యర్థి చాట్‌జీపీటీ సాయంతో తన సీవీని ఆసక్తికరంగా రూపొందించి కంపెనీకి పంపించాడు. ఈ దరఖాస్తును చూసిన ఎంట్రేజ్‌ సంస్థ సీఈఓ అనన్య నారంగ్‌కు కంగుతిన్నారు. సాధారణంగా, “చాట్‌జీపీటీకి ఫలానా ఉద్యోగం కోసం దరఖాస్తు రూపొందించు” అని చెబితే, ఆ ఏఐ ప్లాట్‌ఫామ్‌ సంబంధిత టెంప్లేట్‌ను చిటికెలో తయారుచేస్తుంది. అయితే, అభ్యర్థి చాట్‌జీపీటీ రూపొందించిన అప్లికేషన్‌ను కంపెనీకి పంపించాడని ఆమె గమనించారు. అందులో నైపుణ్యాలు, అనుభవం వంటి విషయాలను చూసి ఆమె ఆశ్చర్యపోయారు. దరఖాస్తు కోసం అభ్యర్థి చాట్‌జీపీటీని ఉపయోగించాడనే విషయం స్పష్టంగా తెలుస్తోందన్నారు. ఈ విషయానికి సంబంధించిన స్క్రీన్‌షాట్‌ను ఆమె ‘ఎక్స్‌’ వేదికపై పోస్ట్ చేశారు.
READ MORE:Sajjala Ramakkrishna Reddy: తప్పుడు కేసులతో భయపడేది లేదు.. లుకౌట్ నోటీసులపై..!
అనన్య నారంగ్‌ పోస్ట్ నెట్టింట వైరల్
“నిరుద్యోగం ఉందని చెప్పడంలో ఆశ్చర్యం లేదు” అంటూ ఆమె తన వ్యాఖ్యలు జోడించారు.
“ఇలాంటి ఉద్యోగ దరఖాస్తులపై ఎలా స్పందించాలి?” అని ఎక్స్‌ వేదికలో సలహాలు అడిగారు. ”చాలామంది అభ్యర్థుల మాదిరిగా ఈ వ్యక్తి కూడా చాట్‌జీపీటీ సాయంతో ఉద్యోగానికి దరఖాస్తు చేసుకున్నారు. అయితే, పంపేముందు మరోసారి దాన్ని చదవలేదు” అని ఆమె అసహనం వ్యక్తం చేశారు. అంతే కాకుండా.. ఆమె పెట్టిన పోస్ట్ నెట్టింట వైరల్‌గా మారింది. చాట్‌జీపీటీ అందుబాటులోకి వచ్చిన తర్వాత ఇలాంటి దరఖాస్తులు సాధారణమైపోయాయని కొందరు రిక్రూటర్లు వెల్లడించారు.