ప్రపంచంలోనే అత్యంత సంపన్నుడిగా సుదీర్ఘ కాలం మొదటి స్థానంలో కొనసాగాడు మైక్రోసాఫ్ట్ వ్యవస్థాపకుడు బిల్గేట్స్. సాఫ్ట్వేర్ ఇండస్ట్రీకి ఆయన కొత్త దిశను చూపడమే కాకుండా ఐటీతో ప్రపంచ గమనాన్నే మార్చేశాడు. వ్యాపార వ్యవహారాల్లో ఎంత బిజీగా ఉన్నా పుస్తకాలు చదివే అలవాటును బిల్గేట్స్ మానుకోలేదు. రెగ్యులర్గా రకరకాల పుస్తకాలను ఆయన చదువుతూనే ఉంటారు. అందులో బాగా నచ్చినవి, ఆ పుస్తకాలు చదివితే ప్రయోజనం చేకూరుతుందని నమ్మేవాటిని మనకు సూచిస్తుంటారు. తాజాగా మరికొన్ని పుస్తకాలను ఆయన మనకు సూచించారు. వాటిని చదవడం ఎంతో మంచిదంటున్నారు. ఆ పుస్తకాలు ఏంటో.. వాటిన చదవడం వల్ల మనకు కలిగే లాభాలను కూడా ఆయన వివరించారు. అవేంటో చూద్దాం.
- “ది పవర్” పుస్తకాన్ని బ్రిటీష్ రచయిత నయోమీ అల్డర్మ్యాన్ రాశారు. ఈ నవల ఫిక్షన్ విభాగంలో 2017లో రిలీజైన ఈ పుస్తకం విమర్శకుల ప్రశంసలు దక్కించుకుంది. ఈ పుస్తకం చదవాలంటూ గేట్స్కి ఆయన కూతురు సూచించారట. నేటి సమాజంలో మహిళలు ఎదుర్కొంటున్న సమస్యలు, పైకి కనిపించని ఇబ్బందులు తదితర అంశాలను ఇందులో బలంగా చెప్పే ప్రయత్నం చేశారు.
- అమెరికన్ జర్నలిస్టు రాసిన మరో పుస్తకం “వై వీ ఆర్ పోలరైజ్డ్”. అమెరికా రాజకీయాలు ప్రధాన ఇతివృత్తంగా ఉండే ఈ ఫిక్షన్ నవల సైకాలజీ మీద కూడా ఫోకస్ చేస్తుంది.
- అమోర్ టవెల్స్ రాసిన “ది లింకన్ హైవే” పుస్తకం కూడా చదవాల్సిందేనని బిల్గేట్స్ సూచించారు. గతంలో అమోర్ టవెల్స్ రాసిన ‘ఏ జెంటిల్మెన్ ఇన్ మాస్కో’కి కొనసాగింపుగా ఈ పుస్తకం వచ్చింది. మొదటిదాని కంటే ఈ పుస్తకం చాలా బాగుందంటూ గేట్స్ కితాబిచ్చారు.
- కిమ్ స్టాన్లీ రాబిన్సన్ రాసిన సైన్స్ ఫిక్షన్ నవల “ది మినిస్ట్రీ ఫర్ ది ఫ్యూచర్”. వాతావరణ మార్పులు, తీసుకోవాల్సిన జాగ్రత్తలు, ప్రస్తుతం నిర్లక్ష్యంగా ఉంటే భవిష్యత్ ఎలా ఉంటుందనే అంశాలను ఈ పుస్తకంలో లోతుగా వివరించిన పుస్తకం ఇది. ప్రకృతి పట్ల మన బాధ్యతను ఈ పుస్తకం గుర్తు చేస్తుందంటూ గేట్స్ తెలిపారు.
- ప్రముఖ రచయిత వాక్లవ్ స్మిల్ రాసిన మరో మాస్టర్ పీస్ “హౌ ది వరల్డ్ రియల్లీ వర్క్స్”. జీవితానికి సంబంధించిన కొన్ని ప్రాథమిక అంశాలు మన జీవితంపై ఎలాంటి ప్రభావం చూపుతాయని.. వాటి ఆధారంగానే మన జీవనశైలి ఏలా మారుతుందనే అంశాలను ఇందులో విపులంగా చర్చించారు.