Ayushi’s Startup Journey: కోటి రూపాయల ఉద్యోగం వదిలి.. కంపెనీని స్థాపించిన యువతి.. కట్ చేస్తే…

వ్యాపారాన్ని ప్రారంభించడం అంత తేలికైన విషయం కాదు. కానీ ధైర్యం, అభిరుచి ఉంటే ఏదైనా సులభమే అవుతుంది. ఉత్తరప్రదేశ్‌కు చెందిన ఓ అమ్మాయి దీన్ని నిరూపించింది. ఆమె కోటి రూపాయల ఉద్యోగాన్ని వదిలి స్టార్టప్ ప్రారంభించింది. ఈ రోజు తన కంపెనీ ఆదాయం రూ.40 కోట్లకు పైగా ఉంది. ఆమె విజయవంతమైన వ్యాపారవేత్తగా మారింది. ఉత్తరప్రదేశ్‌లోని మొరాదాబాద్‌కు చెందిన ఆయుషికి స్టార్టప్ ప్రయాణం చాలా ఆసక్తికరంగా మారింది. మొదట కోటి రూపాయల ఉద్యోగాన్ని తిరస్కరించడంతో అనేక సమస్యలు ఎదుర్కోవాల్సి వచ్చింది. కుటుంబసభ్యులు, పరిచయస్తులు ఆమె నిర్ణయాన్ని వ్యతిరేకించారు. కానీ కష్టపడి తన కలను నెరవేర్చుకుంది.

కంపెనీ ఎలా ప్రారంభమైంది?
ఆరుషి తెలిపిన వివరాల ప్రకారం.. కంప్యూటర్ సైన్స్‌లో ఇంజనీరింగ్ డిగ్రీ పూర్తి చేసిన తర్వాత.. చాలా మంది కళాశాల విద్యార్థులు ఉద్యోగ ఇంటర్వ్యూలు ఇస్తున్నారు. ఆరుషికి చాలా కంపెనీల నుంచి జాబ్ ఆఫర్లు వచ్చాయి. దేశంలోని ఓ పెద్ద కంపెనీ నుంచి అత్యధిక ప్యాకేజీతో రూ. కోటి జాబ్ ఆఫర్ వచ్చింది. కానీ ఆ యువతి దానిని తిరస్కరించింది. ఎందుకంటే ఆమె స్టార్టప్ ప్రారంభించాలనుకుంది. ఉద్యోగాలు రాని యువతను చూసి.. ఆమె మదిలో ఒక ఆలోచన వచ్చింది. దీంతో టాలెంట్ డిక్రిప్ట్ ప్లాట్‌ఫారమ్ ప్రారంభించింది.

ఏటా రూ.40 కోట్ల ఆదాయం..
ఈ ప్లాట్‌ఫారమ్‌లో ఐటీ కంపెనీలను చేర్చుకోవడం అతిపెద్ద సవాలుగా మారింది. ఆయుషి, ఆమె సహ వ్యవస్థాపకులకు ఏ కంపెనీ గురించి అవగాహన లేదు. అప్పుడు తానే స్వయంగా కంపెనీల వద్దకు వెళ్లి తన ప్లాట్ ఫామ్ గురించి చెప్పడం ప్రారంభించారు. మొదటి రోజు వారు 30 కంపెనీలను సందర్శించారు. కాని ఎవరూ వారిని లోపలికి కూడా రానివ్వలేదు. వారం రోజుల పాటు ప్రయత్నిస్తూనే ఉన్నారు. తర్వాత తండ్రితో కలిసి వెళ్లి ఓ ఐటీ కంపెనీకి సాఫ్ట్‌వేర్‌ చూపించారు. దీంతో ఒకదాని తర్వాత ఒకటి కంపెనీలు వారితో చేరాయి. నేడు ఈ స్టార్టప్ ఏటా రూ.40 కోట్ల ఆదాయాన్ని ఆర్జిస్తోంది.

ఈ కంపెనీ ఏం చేస్తుంది?
Talent Decrypt అనేది ప్రపంచంలోని ఏ మూల నుండి అయినా తమ అభ్యర్థులను ఎంపిక చేసుకునేందుకు ఏ కంపెనీకి అయినా యాక్సెస్‌ని ఇచ్చే వేదిక అని ఆరుషి చెప్పారు. అభ్యర్థుల అనుభవం, ఇతర సామర్థ్యాలను పరిగణనలోకి తీసుకుని ఎంపిక చేసుకోవచ్చు. అంతేకాకుండా, ఈ ప్లాట్‌ఫారమ్ యువతకు ఉద్యోగాలు కల్పించడంలో కూడా సహాయపడుతుందని నిరూపించబడింది.