Amazon Layoffs: భారత్లోనూ అమెజాన్ ఉద్యోగాల కోతలు.. కార్పొరేట్ టీమ్స్ దెబ్బ.. ఫ్రంట్లైన్ జాబ్స్ సేఫ్!
Amazon Layoffs: అమెజాన్లో భారీగా ఉద్యోగ కోతలు విధిస్తున్న విషయం తెలిసిందే. ఇప్పటికే ఈ వార్తతో ప్రపంచ టెక్ రంగం కుదేలైంది. ఈ వారం అమెజాన్ భారీగా ఉద్యోగాలు తగ్గిస్తున్నట్లు అధికారికంగా ప్రకటించింది. ప్రపంచవ్యాప్తంగా సుమారు 16 వేల మందిని ఉద్యోగాల నుంచి తొలగిస్తున్నట్లు ప్రకటించారు. భారత్లోనూ అమెజాన్ ఉద్యోగాల కోతలు ఉండనున్నాయి. బెంగళూరు, చెన్నై, హైదరాబాద్ వంటి నగరాల్లో వందల మంది ఉద్యోగులు ఈ నిర్ణయంతో ఇబ్బందిపడుతున్నారు. ఉద్యోగ కోతలకు సంబంధించి తాజాగా అమెజాన్ బాధిత ఉద్యోగులకు అధికారిక ఈమెయిల్స్ పంపడం మొదలుపెట్టింది. ఉద్యోగం ముగిసే తేదీ, పరిహారం, తదితర సౌకర్యాల వివరాలు ఆ మెయిల్స్లో ఉన్నాయి. ఆశ్చర్యకరమైన విషయం ఏంటంటే.. గత మూడు నెలల్లో ఇంత పెద్ద ఎత్తున ఉద్యోగాలు తొలగించడం ఇదే తొలిసారి. ఇప్పటికే 2025 ఏడాది ముగింపులో దాదాపు 14 వేల మందిని ఉద్యోగం నుంచి తొలగించింది. ఇప్పుడు రెండో సీజన్లో దాదాపు 16 వేల కోతలు విధిస్తూ నిర్ణయం తీసుకుంది. కేవలం మూడు నెలల్లో 30 వేల ఉద్యోగ కోతలు విధించింది.
READ MORE: స్క్వేర్ సెన్సార్ సెల్ఫీ కెమెరా.. యాపిల్ ట్రెండ్ను ఫాలో అవుతున్న Oppo Find X10, హువావే
Also Read
ఈ ఉద్యోగాల కోతను అమెజాన్ తన చీఫ్ పీపుల్ ఆఫీసర్ బెత్ గాలెట్టి అధికారికంగా ప్రకటించారు. జనవరి 28న విడుదల చేసిన బ్లాగ్లో ఆమె ఈ నిర్ణయం గురించి వివరించారు. సంస్థ పనితీరును మరింత సరళంగా మార్చాలనే ఉద్దేశంతో ఈ చర్య తీసుకున్నామని చెప్పారు. అమెరికాలో ప్రభావితమైన ఉద్యోగులకు మరో 90 రోజుల సమయం ఇచ్చారు. ఈ సమయంలో వారు సంస్థలోనే ఇతర ఉద్యోగాలకు అప్లై చేసుకునే అవకాశం ఉంటుంది. అయితే ఇతర దేశాల్లో మాత్రం స్థానిక చట్టాల ప్రకారం ఈ ప్రక్రియ మారుతుంది. ఈసారి ఉద్యోగాల కోత ప్రధానంగా కార్పొరేట్ విభాగాల్లోనే జరిగింది. టెక్నాలజీ, రిటైల్, అమెజాన్ వెబ్ సర్వీసెస్, ప్రైమ్ వీడియో, మీడియా విభాగాలు, అలాగే హెచ్ఆర్ లాంటి అంతర్గత సపోర్ట్ టీమ్స్ ఇందులో ఉన్నాయి. గోదాములు లేదా డెలివరీ లాంటి ఫ్రంట్లైన్ ఉద్యోగాలు మాత్రం ఎక్కువగా ప్రభావితంకాలేదని సమాచారం. దేశాల వారీగా వివరాలు ఇవ్వకపోయినా, భారత్ సహా అంతర్జాతీయ టీమ్స్ ఈ గ్లోబల్ మార్పుల్లో భాగమయ్యాయని అమెజాన్ స్పష్టం చేసింది. ఉద్యోగాలు కోల్పోయిన వారికి అమెజాన్ కొంత మద్దతు అందిస్తోంది. ఉద్యోగం ముగిసిన తర్వాత కూడా కొంతకాలం పని చేయనవసరం లేని మార్పిడి సమయం ఇస్తోంది. ఈ సమయంలో జీతం, కొన్ని ప్రయోజనాలు కొనసాగుతాయి. అదనంగా పరిహారం, కొత్త ఉద్యోగం వెతుక్కోవడానికి సహాయం, అలాగే ఏడాది పాటు ఉచితంగా AWS స్కిల్ బిల్డర్ యాక్సెస్ ఇస్తోంది. ఇక ముందూ ఉద్యోగాల కోతలు ఉంటాయా అన్న ప్రశ్నకు అమెజాన్ ప్రస్తుతం మాత్రం సరైన సమాధానాన్ని వెల్లడించలేదు. రాబోయే కొన్ని నెలల్లో మరిన్ని కోతలు ప్రకటించే ఆలోచన లేదని చెప్పింది.
READ MORE: World Cancer Day 2026: ఈ ఆహారం తినండి.. క్యాన్సర్కు దూరంగా ఉండండి..!
తాజావార్తలు
-
RTC Conductor Jobs: ఆర్టీసీ కండక్టర్, డ్రైవర్ పోస్టులకు దరఖాస్తుల ఆహ్వానం..
-
Ukraine: ట్రంప్ను ప్రసన్నం చేసుకునేందుకు ఉక్రెయిన్ మాస్టర్ ప్లాన్!
-
Vaibhav Sooryavanshi: లక్నోపై చేసిన పరుగులు 8.. అయినా అరుదైన రికార్డు సాధించిన వైభవ్ సూర్యవంశీ..
-
Pune: పెళ్లి కోసం యువకుడి ఆరాటం.. ఏకంగా పోలీస్ శాఖలో ఉద్యోగం వచ్చినట్లు పోస్టర్లతో ప్రచారం..
-
LSG vs RR: పొదుపుగా బౌలింగ్ చేసిన లక్నో.. టార్గెట్ ఎతంటే?
ట్రెండింగ్
-
Kitchen Cleaning Hacks: మెరిసే పాత్రల కోసం చిట్కాలు.. పింగాణీ పాత్రలపై పసుపు మరకలను వదిలించుకోండిలా.!
-
Mirchi Bajji Recipe: పర్ఫెక్ట్ గా, బండిమీద టేస్ట్ రావాలంటే మిరపకాయ బజ్జీ పిండి ఇలా కలిపి వేయండి.. లొట్టలేసుకుంటూ తినాల్సిందే.!
-
భారీ బ్యాటరీ + స్లిమ్ డిజైన్, రఫ్ & టఫ్ ఫోన్ Motorola Edge 70 Pro లాంచ్.. ధర ఎంతంటే.?
-
200MP+200MP కెమెరాలు, IP66, IP68, IP69 రేటింగ్స్, 7025mAh బ్యాటరీతో ప్రీమియం ఫోన్ OPPO Find X9s Pro లాంచ్.. ధర ఎంతంటే.?
-
కాంపాక్ట్ డిజైన్, 8000mAh బ్యాటరీతో OPPO Pad Mini లాంచ్.. ధర ఎంతంటే.?