Bigg Boss 7 Telugu : ఈ వారం కూడా అమ్మాయినే ఎలిమినేట్.. ఎవరో తెలిసిపోయింది..?

తెలుగు టాప్ రియాలిటీ షో బిగ్ బాస్ సీజన్ 7 ఏడో వారం చివరకు వచ్చేసింది.. వీకెండ్ అంటే నాగ్ ఎంట్రీతో పాటుగా ఎలిమినేషన్ కూడా ఉండటంతో ఈ ఎపిసోడ్ పై జనాలు ఆసక్తి చూపిస్తుంటారు.. అయితే గత ఆరు వారాల్లో ఆరుగురు మహిళా కంటెస్టెంట్లు ఎలిమినేట్ అయ్యారు. మొదటి వారంలో కిరణ్ రాథోడ్‌, రెండో వారంలో షకీలా, మూడో వారంలో సింగర్ దామిని, నాలుగో వారంలో రతిక, ఐదో వారంలో శుభ శ్రీ, ఆరో వారంలో నయని పావని లు ఎలిమినేట్ అయ్యారు.. అయితే ఈవారం కూడా అమ్మాయినే అనే వార్తలు సోషల్ మీడియాలో తెగ చక్కర్లు కొడుతున్నాయి..

ఇక ఈ వారం నామినేషన్లలో భోలే షావలి, టేస్టీ తేజ, అశ్విని శ్రీ, పూజా మూర్తి, పల్లవి ప్రశాంత్, అమర్ దీప్ చౌదరి, గౌతమ్ కృష్ణ లు ఉన్నారు.. ఆరు వారాల్లో ఆరుగురు అమ్మాయిలు ఎలిమినేట్ చేయడంతో ఈ సారి ఖచ్చితంగా అబ్బాయే ఎలిమినేట్ కానున్నారని కొందరు అంటున్నారు. ఇప్పటి వరకు వచ్చిన ఓటింగ్‌ను బట్టి చూస్తే ప్రశాంత్, అమర్ దీప్‌, బోలే షావళి లు సేఫ్ జోన్‌లో ఉన్నట్లు తెలుస్తోంది. డేంజర్ జోన్‌లో అశ్విని శ్రీ, పూజా మూర్తి ఉన్నారు. ఓటింగ్‌లో ఎటువంటి మార్పు లేకపోతే ఈ వారం కూడా అమ్మాయే ఎలిమినేట్ అయ్యే అవకాశం ఉందనే వార్త చక్కర్లు కొడుతుంది..

ఇదిలా ఉండగా.. హౌస్ లోని పెద్దగా వ్యవహారిస్తున్న శివాజీ చేతికి గాయమైన సంగతి తెలిసిందే. గత మూడు వారాలు నొప్పిని భరిస్తూనే హౌస్‌లో ఉంటున్నారు శివాజీ. దీంతో టాస్క్‌లో అతడు ఆడలేకపోవడంతో సంచాలక్‌కే పరిమితం చేశారు బిగ్‌బాస్‌. ఆయన చేతి నొప్పి ఎక్కువ కావడంతో కన్ఫెషన్ రూంకి పిలిచి గాయం ఎలా ఉందని బిగ్‌బాస్ అడిగారు.. గాయం నొప్పి బాగా తీవ్రంగా ఉందనే చెప్పారు శివాజీ.. శివాజీ గాయంతో బాధపడుతుండడంతో ఈ వారం ఆయన్ను ఇంటికి పంపిచేయాలని బిగ్‌బాస్ భావిస్తున్నట్లు ఇంటర్నెట్ లో వార్తలు వినిపిస్తున్నాయి.. మరి ఏమౌతుందో చూడాలి..