Lamp : మీ పనులు విజయవంతం కావాలంటే ఇలా దీపాన్ని పెట్టాల్సిందే..!

ఏదైనా పనిని మొదలు పెడితే పూర్తి కావడం లేదని కొందరు అంటున్నారు… పనుల్లో ఆటంకాలు ఏర్పడుతున్నాయని దిగులు చెందుతూ ఉంటారు. అలాగే మానసిక ఇబ్బందులతో పాటు ఆర్థిక ఇబ్బందులు కూడా తలెత్తుతూ ఉంటాయి.. అలా అవ్వడానికి వాస్తు దోషాలు, గ్రహ దోషాలు కారణం కావొచ్చు.అలాగే తెలిసి తెలియక వాస్తు విషయంలో మనం చేసే చిన్న చిన్న పొరపాటున కూడా మనం ఎదుర్కొనే సమస్యలకు కారణం అవుతాయి. అయితే అలాంటప్పుడు డబ్బులు చేతిలో నిలవాలని, ఆర్థిక పరిస్థితి మెరుగుపడాలని ప్రతి ఒక్కరు కోరుకుంటూ ఉంటారు.. దానికోసం ఏం చెయ్యాలో ఇప్పుడు వివరంగా తెలుసుకుందాం..

భగవద్గీతలో శ్రీకృష్ణుడు పేర్కొన్న వృక్షం రావిచెట్టు దీన్నే అశ్వత్థ వృక్షం అని కూడా అంటారు. ఈ చెట్టుకు ఆధ్యాత్మికతకు అనేక రహస్యాలు దాగిఉన్నాయి. రావిచెట్టు విశేషాలతో కూడుకున్నది. పూర్వ జన్మ కర్మలను ఈ రావిచెట్టు తొలగించగలదు. సకల దోషాలను, గ్రహాల భాధలను కూడా తగ్గిస్తుంది..అయితే పనుల్లో విజయం పొందాలంటే ఆ రావి చెట్టును పూజించాలి.. ఎలా పూజించాలో ఇప్పుడు తెలుసుకుందాం..

మీరు ఇంట్లో రావిచెట్టు ఆకులను ఉంచి దానిపై దీపం వెలిగించడం ద్వారా శాప,దోష్కకర్మ ఫలితాలు ఉండవు. పూర్వజన్మల పాపాలు కూడా తొలగిపోతాయి. రావిచెట్టు ఆకులను తీసుకొచ్చి దానిపై ప్రమిదలను వుంచి నువ్వుల నూనెతో దీపమెలిగించే వారికి అనుకున్న కార్యాలు దిగ్విజయంగా పూర్తవుతాయి. రావి ఆకులను భగవత్ స్వరూపంగా భావించి, విష్ణునామస్మరణ అంటే ఓం నమో భగవతే వాసుదేవాయనమః అనే మంత్రాన్ని పఠిస్తే మంచి ఫలితాలు కొన్ని రోజుల్లోనే చూస్తారని పండితులు చెబుతున్నారు..