Daily Horoscope: గురువారం దిన ఫలాలు.. ఆ రాశుల వారికి ఆకస్మిక ధనయోగం!

Thursday Horoscope October 8 2026: కుంభ రాశి వారికి ఈరోజు పరిచయాల పరిధి పెరుగుతుంది. వ్యాపార విస్తరణ దిశగా ఆలోచనలు చేస్తారు. సాంకేతిక పరిజ్ఞానాన్ని పెంపొందించుకోవడానికి కృషి చేస్తారు. ఆకస్మిక ధనయోగం ఉంది. దూర ప్రయాణాలకు అవకాశం ఉంది. ఆదిత్య హృదయం పారాయణం చేయడం అనుకూలిస్తుంది. తులా రాశి వారికి వ్యాపార భాగస్వామ్యాలు, పెట్టుబడుల విషయంలో అనుకూలతలు ఉంటాయి. కుటుంబ జీవనం మెరుగ్గా ఉంటుంది. స్నేహితులను కలుసుకుంటారు, విందుల్లో పాల్గొంటారు. గౌరీ అష్టోత్తర శతనామ స్తోత్రం పారాయణం చేయడం శ్రేయస్కరం.

కన్యా రాశి వారు ఈరోజు చేపట్టిన పనులను ప్రణాళికాబద్ధంగా పూర్తి చేస్తారు. ఆర్థిక వ్యవహారాలు కలిసివస్తాయి. డబ్బు రాక ఉంటుంది. ఆరోగ్య సమస్యల నుంచి ఉపశమనం లభిస్తుంది. కుటుంబ వేడుకల్లో పాల్గొంటారు. శ్రీ నరసింహ కవచం పారాయణం చేయడం అనుకూలిస్తుంది. మిథున రాశి వారు ఉద్యోగ, వ్యాపార రంగాల్లో నూతన పద్ధతులను అవలంబించి ప్రయోజనాలు పొందుతారు. సమావేశాల్లో చురుకుగా పాల్గొంటారు. విద్యార్థులకు, పరిశోధకులకు అనుకూల సమయం. సుబ్రహ్మణ్య స్వామి మంగళాష్టకాలు పారాయణం చేయడం మంచిది. భక్తి టీవీలో ప్రముఖ జ్యోతిష్య నిపుణులు శ్రీ రాయప్రోలు మల్లికార్జున శర్మ గారు 8 అక్టోబర్ 2026 నాటి ద్వాదశ రాశుల దినఫలాలు అందించారు.