Tata Punch EV Facelift: పాత పంచ్ EVతో పోలిస్తే ఫేస్‌లిఫ్ట్‌లో 5 కీలక మార్పులు..

Tata Punch EV Facelift: ఎంతో కాలంగా ఎదురుచూస్తున్న పంచ్ ఈవీ ఫేస్‌లిఫ్ట్ (Tata Punch EV Facelift) వెర్షన్ లాంచ్‌ను టాటా మోటార్స్(Tata Motors) లాంచ్ చేసింది. పాత మోడల్ పంచ్ ఈవీలో పోలిస్తే ఫేస్‌లిఫ్ట్ మరింత స్టైలిష్‌గా, టెక్ లోడెడ్‌గా ఉంది. ధరలో కూడా టాటా కీలక మార్పును తీసుకువచ్చింది. ఎంట్రీ లెవల్ ఈవీలో టాప్ పొజిషన్‌లో ఉండేందుకు టాటా మోటార్స్ పంచ్ ఈవీని తీసుకువచ్చింది. పాత పంచ్ ఈవీ, కొత్తగా విడుదలైన ఫేస్ లిఫ్ట్ వెర్షల్‌లో ముఖ్యంగా 5 కీలక అప్‌గ్రేడ్స్ చోటుచేసుకున్నాయి.

ధర విధానం:

ఇటీవల కాలంలో చాలా కంపెనీలు తమ ఈవీ కార్లను BaaS (బ్యాటరీ-యాజ్-ఎ-సర్వీస్) ఆప్షన్‌తో తీసుకువస్తున్నాయి. టాటా కూడా పంచ్ ఈవీ ఫేస్‌లిఫ్ట్‌లో ఈ విధానాన్ని తీసుకువచ్చింది. ఈవీ కార్లలో సగం ధర దాని బ్యాటరీ ప్యాక్‌కే ఉంటుంది. ఈ నేపథ్యంలో వినియోగదారులపై ఎక్కువ భారం పడకుండా కారును మాత్రమే కొనుగోలు చేసి, బ్యాటరీని అద్దెకు ఇచ్చే విధానాన్ని తీసుకువచ్చింది. దీంతో కారు ధరలు భారీగా తగ్గుతాయి. ఇప్పటికే ఎంజీ విండ్‌సర్ ఈవీకి ఈ విధానాన్ని తీసుకువచ్చింది. ఇటీవల మార్కెట్‌లోకి విడుదలైన మారుతి సుజుకి ఈ -విటారా కూడా ఇదే విధానాన్ని తెచ్చింది.

ఫ్రంట్ స్టైలింగ్:

పాత దానితో పోలిస్తే కొత్త పంచ్ ఈవీలో ముందు భాగం పూర్తిగా మారింది. మరింత బోల్డ్‌గా ఫేస్‌లిఫ్ట్ ఉంది. పూర్తి-వెడల్పు స్ట్రిప్‌తో అనుసంధానించబడిన సీల్డ్ గ్రిల్, స్లిమ్ LED DRLలతో క్లీనర్ ఫాసియాను కలిగి ఉంది. ఏరో 16-ఇంచ్ ఏరోడైనమిక్ అల్లాయ్ వీల్స్‌తో వస్తోంది.

పెద్ద బ్యాటరీ, ఎక్కువ రేంజ్:

పాత మోడల్ పంచ్ ఈవీతో పోలిస్తే, కొత్తగా ఫేస్‌లిఫ్ట్ మోడల్‌లో బ్యాటరీ సామర్థ్యం పెరిగింది. పాత వెర్షన్‌లో 25 kWh మరియు 35 kWh ప్యాక్‌లు మాత్రమే ఉండేవి. ఇప్పుడు ఫేస్‌లిఫ్ట్‌లో 40 kWh కూడా అందుబాటులో ఉంది. ఇది 468 కి.మీ ARAI పరిధిని ఇస్తుందని కంపెనీ చెబుతోంది. అయితే రియల్ లైఫ్ లో 350 కి.మీ వరకు రేంజ్ ఇస్తుంది. 15 నిమిషాల డీసీ ఫాస్ట్ ఛార్జ్‌తో 135 కి.మీ పరిధి వస్తుంది. ఇక 65 kW ఛార్జర్‌లో 20-80% నుండి పూర్తి రీఛార్జ్ 26 నిమిషాలు పడుతుంది.

టెక్ లోడెల్ ఫీచర్లు-క్యాబిన్ మార్పులు:

టెక్నాలజీ పరంగా పాత దానితో పోలిస్తే కొత్తది మరింత ప్రీమియంగా కనిపిస్తుంది. లోపల రీడిజైన్ చేసిన ఏసీ వెంట్లు, కొత్త లెథరెట్ అప్హోల్స్టరీ , పియానో ​​బ్లాక్ కన్సోల్ క్యాబిన్‌కు ఫ్రెష్ లుక్ ఇస్తాయి. 10.25-అంగుళాల టచ్‌స్క్రీన్ 10.25-అంగుళాల డిజిటల్ క్లస్టర్, వెంటిలేటెడ్ సీట్లు, వైర్‌లెస్ ఛార్జింగ్ మరియు యాంబియంట్ లైటింగ్‌ ఉన్నాయి. 360 డిగ్రీ కెమెరా, కనెక్టెడ్ టెక్నాలజీ ఉన్నాయి.

మెరుగైన భద్రతా:

భద్రతాపరంగా ఫేస్ లిఫ్ట్ మరింత సేఫ్టీ ఫీచర్లతో వస్తోంది. స్టాండర్డ్ 6-ఎయిర్ బ్యాగ్స్, హైబీమ్ అసిస్ట్, ఎలక్ట్రానిక్ స్టెబిలిటీ కంట్రోల్, హిల్ హోల్డ్ అసిస్ట్, టైర్ ప్రెజర్ మానిటరింగ్ సిస్టమ్, ఐసోఫిక్స్ చైల్డ్ సీట్ మౌంట్‌లు ఉన్నాయి.