Tata Nexon.ev Facelift: స్టన్నింగ్స్ లుక్స్‌తో కొత్త నెక్సాన్ ఈవీ.. ఫీచర్లలో తగ్గేదేలే..

Tata Nexon.ev Facelift: టాటా తన నెక్సాన్ ఫేస్‌లిఫ్ట్ వెర్షన్ ను లాంచ్ చేసింది. గతంలో పోలిస్తే టెక్ లోడెడ్ ఫీచర్లతో, మోర్ అట్రాక్షన్ తో మార్కెట్ లోకి తీసుకువచ్చింది. ఇదే విధంగా టాటా నెక్సాన్ ఈవీ ఫేస్‌లిఫ్ట్ కూడా అంతే స్టైలిష్ లుక్స్‌తో, మోర్ ఫీచర్లతో మార్కెట్ లోకి ఎంట్రీ ఇచ్చింది. ఇండియాలో కాంపాక్ట్ SUV సెగ్మెంట్‌లో నెక్సాన్ రారాజుగా ఉంటే, ఇదే విధంగా ev కార్ల అమ్మకాల్లో నెక్సాన్ ఈవీ టాప్ పొజీషన్ లో ఉంది.

ఫీచర్స్, డిజైన్:

తాజాగా లాంచ్ అయిన నెక్సాన్ ఈవీ , Tata.ev బ్రాండింగ్‌కు అనుగుణంగా Nexon.ev పేరుతో వస్తోంది. ఈ కొత్త ఫేస్‌లిఫ్ట్ వెర్షన్ లో కారు ఎక్స్‌టీరియర్స్ చాలా వరకు మార్చారు. చూడటానికి నెక్సాన్ ఫేస్‌లిఫ్ట్, నెక్సాన్ ఈవీ ఫేస్‌లిఫ్ట్ కవల సోదరుల్లా ఉన్నాయి. గతంలో పోలిస్తే కొత్త నెక్సాన్ ఈవీలో ఎరోడైనమిక్స్ మెరుగయ్యాయి.నెక్సాన్ ఈవీ సింగిల్ టోన్ బాడీ కలర్ గ్రిల్ తో వస్తోంది. ముందు భాగంలో పూర్తిగా పొడవైన LED లైట్స్ తో మరింత అట్రాక్టివ్ గా ఉంది. సీక్వెన్షియల్ LED DRL కలిగి ఉంది. అల్లాయ్ వీల్స్ డిజైన్ మారింది.

లోపల ఇంటీరియర్స్ విషయానికి వస్తే 10.25 ఇన్‌స్ట్రుమెంట్ డిస్‌ప్లేతో వస్తోంది. ఆపిల్ కార్‌ప్లే, ఆండ్రాయిడ్ ఆటోని సపోర్ట్ చేస్తుంది. 360-డిగ్రీ కెమెరా, వైర్‌లెస్ ఛార్జర్, వెంటిలేటెడ్ ఫ్రంట్ సీట్లు, ఎయిర్ ప్యూరిఫైయర్, టైప్-సి పోర్ట్‌లు, సన్‌రూఫ్, JBL ఆడియో, వాయిస్ కమాండ్‌ మరిన్ని ఫీచర్లు ఉన్నాయి.

బ్యాటరీ, రేంజ్:

గతంలో నెక్సాన్ ఈవీలో ప్రైమ్, మ్యాక్స్ స్థానాల్లో మీడియం రేంజ్, లాంగ్ రేంజ్ వెర్షన్లుగా వస్తున్నాయి. మీడియం రేంజ్(MR) 30 KWh బ్యాటరీతో 325 కి.మీ రేంజ్ ఇస్తే, లాంగ్ రేంజ్( LR) 40.5KWh బ్యాటరీతో 465 కి.మీ రేంజ్ వస్తుంది.గతంలో ఉన్న నెక్సాన్ ఈవీతో పోలిస్తే 12 కి.మీ అదనం. మోటార్ కూడా గతంతో పోలిస్తే 20 కిలోలు తేలికగా ఉంటుంది. లాంగ్ రేంజ్ మోటార్ 144 బీహెచ్‌పీ 215 ఎన్ఎం టార్క్ ప్రొడ్యూస్ చేస్తే, మీడియం రేంజ్ 129 బీహెచ్‌పీ సామర్థ్యంతో 215 ఎన్ఎం టార్క్ ను జనరేట్ చేస్తుంది.

ధర, ఛార్జింగ్ ఆప్షన్స్:

కొత్త నెక్సాన్ ఈవీ 7.2 KW ఏసీ చార్జర్ తో మీడియం రేంజ్ ఈవీని 10 నుంచి 100 శాతం ఛార్జ్ చేయడానికి 4.3 గంటల సమయం పడుతుంది. అదే లాంగ్ రేంజ్ ఈవీకి 6 గంటల సమయం పడుతుంది. డీసీ చార్జర్ తో కేవలం 56 నిమిషాల్లో ఛార్జ్ చేయవచ్చు. నెక్సాన్ ఈవీ ఫేస్‌లిఫ్ట్ క్రియేటివ్, ఫియర్ లెస్, ఎంపవర్డ్ ట్రిమ్స్ లో అందుబాటులో ఉంది. దీని ధర రూ. 15 లక్షల-21లక్షల(ఎక్స్ షోరూం) మధ్య ఉంది. ఇది నేరుగా మహీంద్రా XUV 400కి పోటీనిస్తుంది.