భారత్ మొబిలిటీ గ్లోబల్ ఎక్స్ పో 2025లో దిగ్గజ ఆటోమొబైల్ కంపెనీలన్నీ తమ సరికొత్త మోడల్స్ ను ఆవిష్కరించాయి. కార్లు, బైక్స్, ఎలక్ట్రిక్ వెహికల్స్ ను పరిచయం చేశాయి. ఈ సందర్భంగా ప్రముఖ టూవీలర్ తయారీ సంస్థ సుజుకీ తన పవర్ ఫుల్ స్కూటర్ ను ఆవిష్కరించింది. సుజుకి యాక్సెస్ 125 పేరిట నయా స్కూటర్ ను పరిచయం చేసింది. యాక్టివాకు పోటీగా తీసుకొచ్చిన ఈ స్కూటర్ స్టన్నింగ్ డిజైన్, మైలేజ్ ఫ్రెండ్లీగా ఉండనున్నది. బడ్జెట్ ధరలో అధునాతన ఫీచర్లు కావాలనుకునే వారికి సుజుకి యాక్సెస్ 125 బెస్ట్ ఆప్షన్ గా చెప్పొచ్చు.
సుజుకి యాక్సెస్ 125 మూడు వేరియంట్లలో అందుబాటులో ఉంది. స్టాండర్డ్ ఎడిషన్, స్పెషల్ ఎడిషన్, రైడ్ కనెక్ట్ ఎడిషన్ అనే మూడు వేరియంట్లలో వస్తుంది. మెటాలిక్ మ్యాట్ స్టెల్లార్ బ్లూ, పెర్ల్ గ్రేస్ వైట్, మెటాలిక్ మ్యాట్ బ్లాక్ నంబర్ 1, సాలిడ్ ఐస్ గ్రీన్, పర్ల్ షైనీ కలర్ ఆప్షన్లలో లభించనున్నది. కొత్త సుజుకి యాక్సెస్ 125 స్టాండర్డ్ వేరియంట్ ధర రూ. 81,700(ఎక్స్-షోరూమ్)గా కంపెనీ నిర్ణయించింది. స్పెషల్ ఎడిషన్ ధర రూ. 88,200(ఎక్స్-షోరూమ్), రైడ్ కనెక్షన్ ఎడిషన్ ధర రూ. 93,300(ఎక్స్-షోరూమ్)గా ఉంది. సుజుకీ 125 సీసీ ఇంజిన్తో వస్తుంది. సింగిల్-సిలిండర్ ఎయిర్ కూల్డ్ యూనిట్ 8.4 హెచ్పీ 10.2 ఎన్ఎం గరిష్ట టార్క్ను ఉత్పత్తి చేస్తుంది. ఈ స్కూటర్ సీవీటీ గేర్బాక్స్ ద్వారా పని చేస్తుంది.
ఇందులో స్టైలిష్ హెడ్ ల్యాంప్స్, క్రోమ్ యాక్సెంట్స్, ఎల్ఈడీ లైటింగ్, ఎల్సీడీ డిజిటల్ ఇన్ స్ట్రుమెంట్ క్లస్టర్ ఉన్నాయి. బ్లూటూత్ కనెక్టివిటీకి సపోర్ట్ చేస్తుంది. స్మార్ట్ ఫోన్ ను కనెక్ట్ చేసుకోవచ్చు. టర్న్-బై-టర్న్ నావిగేషన్, కాల్, ఎస్ఎంఎస్ నోటిఫికేషన్స్, వాతావరణ సమాచారం, ఈటీఏ అప్ డేట్స్, బ్యాటరీ, స్పీడ్ అలర్ట్ ల గురించిన వివరాలు తెలుసుకోవచ్చు. పొడవాటి సీటు, ఫ్లాట్ ఫుడ్ బోర్డ్, యూఎస్బీ ఛార్జింగ్ సాకెట్, డ్యుయల్ స్టోరేజ్ స్పేస్ ను కలిగి ఉంది.
