Sankranti Holidays : సంక్రాంతి 2026 సెలవులు.. ఇలా..!

Sankranti Holidays : సంక్రాంతి దగ్గరపడ్తుంటేనే తెలుగు రాష్ట్రాల్లో పండుగ వాతావరణం మొదలైపోతుంది. కుటుంబం అంతా ఒకేచోట చేరి సందడిగా జరుపుకునే ఈ పండగ కోసం పెద్దలు, చిన్నలు, ముఖ్యంగా విద్యార్థులు ఎంతో ఆతృతగా ఎదురుచూస్తారు. ఈసారి ఆంధ్రప్రదేశ్‌, తెలంగాణలో కూడా స్కూళ్లకు పెద్దఎత్తున సంక్రాంతి సెలవులు ఉండటంతో పండుగ ఉత్సాహం మరింత పెరిగింది. ఈసారి కూడా ఆంధ్రప్రదేశ్ ప్రభుత్వం విడుదల చేసిన అకడమిక్ క్యాలెండర్ ప్రకారం జనవరి 10 నుంచి జనవరి 18, 2026 వరకు మొత్తం 9 రోజులపాటు పాఠశాలలు మూసివేయనున్నారు. రాష్ట్రంలోని ప్రభుత్వ, ప్రైవేట్ విద్యాసంస్థలకు ఇదే షెడ్యూల్ వర్తిస్తుంది. తిరిగి జనవరి 19న స్కూల్లు తిరిగి ప్రారంభమవుతాయి.

Off The Record: కేసీఆర్ విషయంలో రేవంత్ రివర్స్ వ్యూహం అమలు ?

అదే సమయంలో, తెలంగాణలో కూడా జనవరి 10 నుంచి 15 వరకు సంక్రాంతి సెలవులను ప్రకటించే అవకాశం ఉంది. దీనిపై అధికారిక ప్రకటన త్వరలో వెలువడనుంది. సంక్రాంతి సెలవులు వచ్చిన వెంటనే పిల్లలు అమ్మమ్మలు, నానమ్మలు ఉన్న సొంతూళ్లకు వెళ్లి పండగను ఘనంగా జరుపుకోవడం ఆనవాయితీ. అందుకే తల్లిదండ్రులు ముందుగానే బస్సు, రైలు టికెట్లు బుక్ చేస్తూ ప్లాన్లు సిద్ధం చేసుకుంటున్నారు. పెద్ద ఎత్తున ప్రయాణాలు ఉండటంతో రాష్ట్ర ప్రభుత్వాలు ప్రత్యేక సర్వీసులను కూడా నడుపుతున్నాయి. అదనంగా, జనవరి 23న వసంత పంచమి, సరస్వతి పూజ, సుభాష్ చంద్రబోస్ జయంతి.. జనవరి 26న గణతంత్ర దినోత్సవం సందర్భంగా కూడా పాఠశాలలకు వరుస సెలవులు రానున్నాయి.

SS Rajamouli: టెస్టింగ్‌ కోసం ప్లే చేసిన వీడియో లీక్‌.. ఈవెంట్లో రాజమౌళి అసహనం