ఏపీలో టీడీపీ కుదేలైపోయిందని, ఫ్యాన్ గాలికి కొట్టుకుపోవడం గ్యారంటీ అన్నారు ఏపీ మంత్రులు మేరుగ నాగార్జున, ఆదిమూలపు సురేష్. అచ్చెన్నాయుడు ఏ గాలి పార్టీలో ఉన్నాడు.. మాది గాలి పార్టీనో.. మంచి పార్టీనో.. మా ప్రభుత్వాన్ని ఎలా నడుపుతున్నామో..అచ్చెన్నాయుడుకి ఆయన గురువుకి బాగా తెలుసు. టీడీపీ రాష్ట్రంలో పూర్తిగా కుదేలైపోయింది.. వాళ్ళేదైనా మాట్లాడుతారు..
రాష్ట్రంలో భావి తరాల భవిష్యత్తు కోసం స్ట్రెయిట్ లైన్ లో వెళ్తున్నాం. మా నాయకుడు బ్రహ్మాండమైన పరిపాలన చేస్తున్నాడు. రాష్ట్రంలో సామాజిక విప్లవానికి తెర తీసిన సీఎం జగన్. అది చెప్పటానికే మంత్రుల బస్సు యాత్ర. రాబోయే రోజుల్లో ఏ ముఖ్యమంత్రి పరిపాలన బాగా చేశారో ప్రజలు చెప్పుకుంటారు. టీడీపీ మహానాడు గురించి ప్రజలు పట్టించుకునే పరిస్థితిలో లేరన్నారు మంత్రి మేరుగ నాగార్జున.
మంత్రి ఆదిమూలపు సురేష్ టీడీపీ నేతలపై మండిపడ్డారు. వైసీపీ నిరంతరం ప్రజల్లో ఉండే పార్టీ. ప్రజలకు ఇచ్చిన వాగ్దానాలకు అనుగుణంగా ప్రభుత్వ పాలన సాగుతోందన్నారు. ఎవరో ఏదో పార్టీ కార్యక్రమాలు పెట్టుకుంటే మాకేంటి.. మా పని మేము చేసుకుంటూ పోతాం. ప్రజలకు సామాజిక న్యాయాన్ని అందిస్తాం. 75 ఏళ్లలో బీసీ,ఎస్సీ,ఎస్టీలకు అధిక ప్రాధాన్యత ఇచ్చిన వైసీపీ ప్రభుత్వం. సామాజిక న్యాయాన్ని టీడీపీ మాటలకే పరిమితం చేసిందన్నారు. బీసీలు, ఎస్సీలకు టీడీపీ అధికారంలో ఉన్నప్పుడు ఎలా మాట్లాడారో అందరూ చూసారు. ప్రాణవాయువు అయిన గాలిని విమర్శిస్తే వాళ్ళే మా ఫ్యాను గాలికి కొట్టుకు పోతారన్నారు మంత్రి ఆదిమూలపు సురేష్.
Panchayati Funds: పంచాయతీ రాజ్ ఛాంబర్, సర్పంచ్‌ల ఫిర్యాదు