ఏపీలో ప్రభుత్వ ఉద్యోగులకు గుడ్ న్యూస్ అందింది. రాష్ట్రంలో ప్రభుత్వ ఉద్యోగుల సాధారణ బదిలీలకు సీఎం జగన్ గ్రీన్ సిగ్నల్ ఇచ్చారు. ఈ మేరకు ఉద్యోగుల బదిలీ ఫైలుపై ఆయన సంతకం చేశారు. ఈ క్రమంలో బదిలీల్లో ఉద్యోగుల అర్హత, ఖాళీల వివరాలు, ఇతర నిబంధనలతో రేపు లేదా ఎల్లుండి ప్రభుత్వం నుంచి అధికారికంగా ఉత్తర్వులు జారీ అయ్యే అవకాశాలు కనిపిస్తున్నాయి.
CM Jagan: రేపు గుంటూరు, పల్నాడు జిల్లాలలో సీఎం జగన్ టూర్ షెడ్యూల్
ఉద్యోగుల బదిలీలకు సంబంధించిన ఫైలుపై సీఎం జగన్ సంతకం చేసిన సమయంలో అధికార యంత్రాంగానికి పలు సూచనలు చేసినట్లు తెలుస్తోంది. ఉద్యోగుల బదిలీల ప్రక్రియను ఈ నెల 17లోగా పూర్తయ్యేలా చూడాలని అధికారులకు సీఎం జగన్ కీలక సూచనలు చేశారు. అంతేకాకుండా ఎలాంటి వివాదాలు, ఆరోపణలు లేకుండా ఉద్యోగుల బదిలీల ప్రక్రియను ముగించాలని సూచించారు.
