Pawan Kalyan: 21 సీట్ల వ్యూహం అసెంబ్లీ ఎన్నికలకే.. స్థానిక ఎన్నికల్లో జనసేన కొత్త వ్యూహం
- Follow Us :
-
-
Add as a preferred
source on google
Pawan Kalyan: జనసేన అధినేత, డిప్యూటీ సీఎం పవన్ కల్యాణ్ అధ్యక్షతన జరిగిన జనసేన శాసనసభాపక్ష సమావేశంలో స్థానిక సంస్థల ఎన్నికలపై కీలక చర్చ జరిగింది. కార్యకర్తల పోరాట పటిమ, ఆత్మగౌరవాన్ని కాపాడేలా ఎన్నికల్లో పోటీ చేయాలని పార్టీ నిర్ణయించింది. కూటమి ధర్మాన్ని పాటిస్తూ, స్థానిక పరిస్థితులకు అనుగుణంగా ఎన్నికల వ్యూహాన్ని రూపొందించాలని పవన్ కల్యాణ్ పార్టీ శ్రేణులకు దిశానిర్దేశం చేశారు. 2024 ఎన్నికల్లో జనసేన 21 అసెంబ్లీ స్థానాల్లో పోటీ చేసిన వ్యూహం అప్పటి పరిస్థితులకు, సార్వత్రిక ఎన్నికలకే పరిమితమని పవన్ స్పష్టం చేశారు. స్థానిక సంస్థల ఎన్నికల్లో మాత్రం నియోజకవర్గాల వారీగా రాజకీయ, సామాజిక పరిస్థితులను అంచనా వేసి పార్టీ బలంగా ఉన్న ప్రాంతాలను గుర్తించి పోటీ చేయాలని సూచించారు.
పొత్తు విషయం నేను చూసుకుంటా
కూటమి పొత్తులకు సంబంధించి పార్టీ నాయకులు ఎవరూ సొంతంగా వ్యాఖ్యలు చేయవద్దని పవన్ కల్యాణ్ స్పష్టం చేసినట్లు తెలుస్తోంది. పొత్తు అంశాన్ని తాను చూసుకుంటానని, పార్టీ లైన్కు భిన్నంగా ఎవరూ మాట్లాడవద్దని ఎమ్మెల్యేలు, నాయకులకు సూచించారు. అదే సమయంలో కూటమి ధర్మానికి భిన్నంగా వ్యవహరిస్తున్న ప్రాంతాల్లో జనసేన శ్రేణులు ఎదుర్కొంటున్న సమస్యలను ఎమ్మెల్యేలు పవన్ దృష్టికి తీసుకెళ్లారు. క్షేత్రస్థాయి కార్యకర్తల అభిప్రాయాలను తప్పనిసరిగా పరిగణనలోకి తీసుకుంటామని పవన్ హామీ ఇచ్చారు.
Also Read
- Cyclone Akwan: దూసుకొస్తున్న అక్వాన్ తుఫాన్.. అధికారులకు సీఎం చంద్రబాబు కీలక ఆదేశాలు..
- ZP Chairman Elections: జెడ్పీ చైర్మన్ పదవులపై ఉత్కంఠ.. టీడీపీ, జనసేన, బీజేపీ మధ్య ఇంకా రాని క్లారిటీ..!
- CM Chandrababu Delhi Tour: మరోసారి ఏపీ సీఎం హస్తిన బాట.. కేంద్ర మంత్రులతో కీలక సమావేశాలు
- Cyclone Akwan Alert: అతి తీవ్ర తుఫాన్గా అక్వాన్.. తీర ప్రాంత ప్రజలకు హెచ్చరికలు జారీ
స్థానిక పరిస్థితులే ప్రాతిపదిక
నియోజకవర్గాల్లో జనసేన బలాబలాలను అంచనా వేసి, పార్టీకి తగిన స్థానాలను గుర్తించి నివేదిక అందించాలని ఎమ్మెల్యేలను పవన్ ఆదేశించారు. స్థానిక ఎన్నికల్లో జనసైనికులు, వీర మహిళల ఆత్మగౌరవాన్ని కాపాడేలా పార్టీ వ్యూహం ఉండాలని సూచించారు. స్థానిక ఎన్నికల విధివిధానాలను రూపొందించేందుకు 9 నుంచి 11 మంది ఎమ్మెల్యేలు, సీనియర్ నేతలతో ప్రత్యేక కమిటీని ఏర్పాటు చేయాలని నిర్ణయించారు. క్షేత్రస్థాయి జనసేన శ్రేణుల అభిప్రాయాలకు ఈ కమిటీ ప్రాధాన్యం ఇవ్వనుంది.
కార్యకర్తల సమస్యలపై దృష్టి
కార్యకర్తల సమస్యలను ఎమ్మెల్యేలు స్వయంగా విని, వాటి పరిష్కారానికి కృషి చేయాలని పవన్ కల్యాణ్ సూచించారు. 2019–24 మధ్య జనసేన శ్రేణులు ఎదుర్కొన్న పరిస్థితులను ఆయన ఈ సందర్భంగా గుర్తు చేశారు. 2021 స్థానిక ఎన్నికల్లో పార్టీ కార్యకర్తలు ధైర్యంగా నిలబడ్డారని, 2024లో కూటమి విజయానికి వారి కృషి కీలకమని పేర్కొన్నారు. గత పోరాట అనుభవాలను దృష్టిలో ఉంచుకుని స్థానిక ఎన్నికలకు సిద్ధం కావాలని పవన్ పిలుపునిచ్చారు. జనసేన శ్రేణులను రాజకీయంగా మరింత బలోపేతం చేయడమే లక్ష్యంగా ముందుకు సాగాలని సూచించారు.
స్థానిక ఎన్నికల్లో మెరుగైన ప్రదర్శనపై ధీమా
ప్రాంతాల వారీ పరిస్థితులను బట్టి జనసేన పోటీ చేసే స్థానాలను నిర్ణయించనుంది. పార్టీకి అనుకూలమైన స్థానాలను గుర్తించి బలమైన అభ్యర్థులను సిద్ధం చేయాలని నాయకత్వం భావిస్తోంది. స్థానిక ఎన్నికల్లో జనసేన ప్రభావశీలంగా, గతంతో పోలిస్తే మెరుగైన స్థాయిలో నిలబడుతుందని ధీమా వ్యక్తం చేశారు జనసేన అధినేత, ఆంధ్రప్రదేశ్ డిప్యూటీ సీఎం పవన్ కల్యాణ్..
తాజావార్తలు
-
Death Threat: బిగ్ బీ కుటుంబానికి మరో బిగ్ వార్నింగ్.. అమితాబ్, అభిషేక్లను టార్గెట్ చేశామంటూ గ్యాంగ్స్టర్ సంచలనం.!
-
ASEAN Summit 2026: ప్రపంచానికి ఇప్పుడు శాంతి, స్థిరత్వమే అత్యవసరం.. ఆసియాన్ సదస్సులో ప్రధాని మోడీ కీలక వ్యాఖ్యలు
-
Rahul Gandhi Reveals Dating Story: తన తల్లిదండ్రులు ప్రేమలో పడిన రెస్టారెంట్కే గర్ల్ఫ్రెండ్ను తీసుకెళ్లిన రాహుల్ గాంధీ.. ఆసక్తికర విషయాలు!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
IPL 2027 Retention Live: రిటెన్షన్ లిస్ట్ ఎప్పుడు ప్రకటిస్తారు?.. లైవ్ స్ట్రీమింగ్ డీటెయిల్స్ ఇవే!
ట్రెండింగ్
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!