Mulberry Fruits Farming : తక్కువ ఖర్చుతో ఎక్కువ లాభాలను పొందే మల్బరీ సాగులో మెళుకువలు..

ఈ పండ్లను ఈ మధ్య ఎక్కువగా వింటున్నాము.. వీటిలో ఎక్కువ పోషకాలు ఉండటం వల్ల మార్కెట్ లో డిమాండ్ కూడా ఎక్కువగా ఉంది.. చాలామంది రైతులు ఈ పండ్లను సాగు చేసి మంచి ఆదాయం పొందుతున్నారు. ఈ పంటను ఎలా సాగు చేయాలో పూర్తి మెలకువలను ఇప్పుడు వివరంగా తెలుసుకుందాం..

ఈ మల్బరీ పండ్లను సాగు చేయడానికి విత్తనాలు అనేవి ఉండవు. మల్బరీ చెట్ల కొమ్మలను కత్తిరించి, ఆ కొమ్మలను నాటుకొని సాగు చేయాలి. మల్బరీను రెండు రకాలుగా సాగు చేస్తారు. ఒకటి పట్టుపురుగులకు ఆహారంగా మల్బరీను సాగు చేస్తారు. రెండవది మల్బరీ పండ్ల కోసం సాగు చేస్తారు. పట్టు పురుగులకు ఆహారంగా మల్బరీని సాగు చేయాలనుకుంటే మొక్కల మధ్య ఒక అడుగు దూరం ఉండాలి. అలా కాకుండా మల్బరీ పండ్ల కోసం నాటుకునే మొక్కల మధ్య 15 అడుగుల దూరం ఉండాలి. ఒక ఎకరం పొలంలో 240 మొక్కల వరకు నాటుకోవాలి. ఈ మొక్కలు నాటిన పది నెలల తర్వాత పండ్లు వస్తాయి. ఈ పండ్లు ప్రతి కాలంలో వస్తాయి. ఎలాంటి వాతావరణం లో అయినా తట్టుకొని దిగుబడి ఇస్తాయి..

అయితే ఈ పంటను అధిక వర్షాలు పడే సమయంలో మాత్రం అస్సలు వెయ్యకూడదు.. వర్షాలకు దిగుబడి తగ్గే అవకాశం ఎక్కువగా ఉంటుంది..చెట్లకు ప్రతి 45 రోజులకి ట్యూనింగ్ చేసుకోవాలి.అంటే ఆకులు మొత్తం కత్తిరించాలి. అలాగే మళ్లీ 45 రోజులకి పూత వస్తుంది.ఇక పక్షులు, పిట్టలు ఈ పండ్లను అధికంగా ఆశిస్తాయి. ఇక వాటి నుండి సంరక్షించుకోవడం కోసం చేపల వల పొలం చుట్టు, చెట్టు పై భాగంలో కట్టుకోవాలి. ఈ చెట్లకు చీడపీడల బెడద ఉండదు.. ఎక్కువగా నీటిని పెట్టవలసిన అవసరం కూడా లేదు.. ఇక ఎరువులు ఒకేసారి వేసుకుంటే సరిపోతుంది.ఒక ఎకరం పొలం నుంచి ప్రతిరోజు 100 కిలోల పండ్లు పొందవచ్చు.మార్కెట్లో కిలో దాదాపుగా ధర రూ.250 వరకు ఉంది.అంటే రోజుకు రూ.15 నుంచి రూ.20 వేల వరకు సంపాందించుకోవచ్చు.. ఈ పంట గురించి మరింత సమాచారాన్ని తెలుసుకోవాలంటే దగ్గరలోని వ్యవసాయ నిపుణులను అడిగి తెలుసుకోవడం మంచిది..