స్వచ్ఛంద సంస్థలకు చాలా మంది డబ్బులను, లేదా ఏదైనా వస్తువులను డొనేట్ చేస్తుంటారు.. అవి మహా అయితే వరకు ఉంటాయి.. కానీ అమెరికాలోని ఓ స్వచ్ఛంద సంస్థ మాత్రం బంగారంతో తయారు చేసిన ఖరీదైన బూట్లను అందుకుంది.. ప్రముఖ దర్శకుడి కోసం ప్రత్యేకంగా తయారు చేసిన నైక్ బూట్లను విరాళాన్ని అందుకుంది.ఈ స్వచ్ఛంద సంస్థ త్వరలో బూట్లను వేలంలో విక్రయించనుంది. ఈ స్వచ్ఛంద సంస్థను పోర్ట్‌ల్యాండ్ రెస్క్యూ మిషన్ అని పిలుస్తారు.. ఇక్కడ నిరాశ్రయులు అయినవారు, మధ్యానికి బానిస అయినవారికి ఆశ్రయం కల్పిస్తారు..
డొనేషన్ కోసం యాడ్ ఇవ్వగా వారికి ఈ ఖరీదైన నైక్ గోల్డెన్ షూస్ వచ్చినట్లు తెలిపారు.. తర్వాత దీని గురించి కొంత పరిశోధన చేసి, షూలను నైక్‌లో పనిచేస్తున్న ప్రముఖ షూ డిజైనర్ టింకర్ హాట్‌ఫీల్డ్ రూపొందించినట్లు తెలుసుకున్నారు. అకాడమీ అవార్డును గెలుచుకున్న దర్శకుడు స్పైక్ లీ కోసం అతను ఈ బూట్లు తయారు చేశాడు. 2019లో జరిగిన ఆస్కార్ వేడుకలకు లీ బూట్లు ధరించారు. ఈ షూలను నైక్ ఎయిర్ జోర్డాన్ 3 రెట్రో స్పైక్ లీ ఆస్కార్స్ అని పిలుస్తారు..వీటి ఖరీదు దాదాపు 15000- 20000 డాలర్ల మధ్య ఉంటుందని అంటే మన కరెన్సీలో దాదాపు రూ.12 – రూ.16 లక్షలు ఉంటుంది..
ఆ బూట్లను స్వచ్ఛంద సంస్థకు ఎవరు విరాళంగా ఇచ్చారో తనకు తెలియదన్నారు. స్వచ్ఛంద సంస్థ నిధుల సమీకరణలో భాగంగా వేలంలో బూట్లు విక్రయించాలని నిర్ణయించుకుంది.. దానిలో భాగంగా ఫైన్ ఆర్ట్, ఇతర వస్తువులను విక్రయించే సోథెబైస్ కంపెనీని సంప్రదించారు. వీటిని ఆన్లైన్లో వేలం వేయడానికి సోత్‌బైస్ అంగీకరించింది. డిసెంబర్ 11న ప్రారంభమైన వేలం డిసెంబర్ 18న ముగుస్తుంది. ఇప్పటివరకు అత్యధికంగా 7,000 డాలర్లు ( రూ. 6 లక్షలు) పలికింది.. నైక్ ఒరిజినల్ కంపెనీ లోగో ముద్ర ఉన్నట్లు చెబుతున్నారు.. ఇప్పటికి ఆ షూలను ఎవరు ఇచ్చారో తెలియడం లేదని చెబుతున్నారు..