కావాలనే వైరల్ అవ్వాలనో లేక పెళ్ళి వేడుకలో ఏదైనా ఒక మూవ్‌మెంట్ కలకాలం గుర్తుండిపోవాలనో తెలీదు కానీ.. ఈమధ్య కాలంలో పెళ్ళిళ్ళలో వినూత్నమైన పనులకు పాల్పడుతున్నారు జనాలు. ఈమధ్యే ఓ వరుడు గజమాల తొడుగుతున్నప్పుడు, అతడి ప్యాంట్ జారిపోవడంతో అందరి ముందు పరువు పోయింది. మరికొన్ని వ్యవహారాల్లో స్వీట్స్ తినలేదని వధువరులు కొట్టేసుకోవడాన్ని చూశాం. ఇప్పుడు లేటెస్ట్‌గా మరో విచిత్రమైన ఘటన చోటు చేసుకుంది. పెళ్ళికొడుక్కి సర్‌ప్రైజ్ ఇద్దామని వధువు తరఫు బంధువులు ఓ విచిత్రమైన పనికి పాల్పడ్డారు.
ఆ వివరాల్లోకి వెళ్తే.. వరుడు అందంగా ముస్తాబై గుర్రం ఎక్కాడు. ఊరేగింపుగా వేదిక దగ్గరకు తీసుకొచ్చారు. ఇంకేముంది, దిగిపోదాం అని ఆ వరుడు అనుకుంటుండగా, వద్దు అంటూ అలాగే కూర్చోబెట్టారు. సంప్రదాయం ప్రకారం ఏదైనా కార్యం చేస్తారేమోనని ఆ వరుడు అనుకున్నాడు. కానీ, అతనికి ఊహించని ట్విస్ట్ ఇచ్చాడు. ముందుగా వరుడు తరఫు బంధువులు మంచం తెప్పించారు. బహుశా అందులో కూర్చోవాలేమోనని ఆలోచిస్తుండగానే.. అనూహ్యంగా వాళ్ళు గుర్రాన్ని ఆ మంచం ఎక్కించారు. అంతటితో ఆగకుండా.. ఆ మంచాన్ని పైకెత్తి గిరగిరా తిప్పేశారు. ఈ దెబ్బతో వరుడు బిత్తరచూపులు చూస్తూ ఉండిపోయాడు. ప్రస్తుతం ఈ ఫన్నీ వీడియో నెట్టింట వైరల్‌గా మారింది.