Reels: ఎవర్రా మీరంతా.. రీల్స్ కోసం యువతి ప్రాణాలతో చెలగాటం

ఈ మధ్య యువత రీల్స్ కోసం ఎంతటి రిస్క్ తీసుకునేందుకైనా సిద్దమవుతున్నారు. కొన్ని సార్లు ప్రాణాలు పణంగా పెట్టి రీల్స్ తీస్తున్నారు. రైళ్ల కింద పడుకోవడం, వేగంగా వెళ్తున్న రైళ్ల పక్కన నడవడం, నదుల్లో దూకడం వంటి ప్రమాదకరమైన పనులు చేస్తున్నారు. ఇలాంటి వీడియో ప్రస్తుతం సోషల్ మీడియాలో వైరల్ అవుతుంది.

రీల్స్‌ పిచ్చితో యువత ఏం చేస్తున్నారో వారికి కూడా అర్థం కావడం లేదు. రీల్స్ కోసం ప్రాణాలను లెక్కచేయకపోవడం ఆందోళన కలిగిస్తుంది. సోషల్‌ మీడియాలో ఫేమస్‌ అవ్వాలని, ఫాలోవర్లను సంపాదించుకోవాలని వారు చేస్తున్న వీడియోలు కొందరికి ఆనందాన్ని కలిగిస్తున్నప్పడికి.. చాలా మందికి భయాన్ని.. ఒకింత ఆందోళనకు గురి చేస్తున్నాయి. ఇంత జరుగుతున్న రీల్స్ పిచ్చితో యువత చేస్తున్న ఆగడాలు ఆగడం లేదు సరికదా.. మరింత ఎక్కువవుతున్నాయి. . ఇటీవల, ఒక అమ్మాయి ప్రాణాలతో చెలగాటం ఆడిన వీడియో ప్రస్తుతం వైరల్ అయింది.

కొంతమంది అబ్బాయిలు వంతెనపై నిలబడి ఉన్నారు. వారందరూ కలిసి ఏదో స్టంట్ కోసం సిద్ధమవుతున్నారు. అప్పుడు కెమెరా వంతెన నుండి తలక్రిందులుగా వేలాడుతున్న బాలుడిని చూపిస్తుంది. ఒక తాడు అతని పాదాలకు గట్టిగా కట్ట, కిందికి వదిలారు. క్రింద నదిలో ఓ అమ్మాయి ఉంది. ఆమె మునిగిపోతున్నట్లు నటిస్తుంటే.. అతను కాపాడుతున్నట్లు నటిస్తున్నాడు. ఇదంతా ఒక రీల్ షూటింగ్ అని స్పష్టంగా తెలుస్తుంది. నీటిలో మునిగిపోతున్న అమ్మాయి, ఆమెను రక్షించడానికి సాహసం చేస్తున్న అబ్బాయి కాన్సెప్ట్‌తో ఈ పిచ్చి రీల్స్‌ చేశారు. పొరపాటునా ఆ తాడు తెగినా, ప్రవాహం పెరిగినా.. ఇద్దరు ప్రాణాలు నీటిలో కలిసినట్లే. దీంతో ఈ వీడియోను నెటిజన్లు తీవ్రంగా విమర్శిస్తున్నారు. ఈ వీడియోను @ChapraZila అనే ఖాతా ద్వారా Instagramలో షేర్ చేశారు.

वीडियो बनाने के लिए इतना रिस्क ले रहे है आजकल के युवा 😱 pic.twitter.com/HNy5NfcqhZ

— छपरा जिला 🇮🇳 (@ChapraZila) September 15, 2025