Viral Video: పట్టపగలే ఓ యువకుడు రెచ్చిపోయిన ఘటన నగరంలో తీవ్ర కలకలం రేపుతోంది. మద్యం మత్తులో మారణాయుధాన్ని వెంటేసుకుని రోడ్డుపై తిరుగుతున్న దృశ్యాలు ప్రస్తుతం సోషల్ మీడియాలో వైరల్గా మారాయి. యువకుడు చేతిలో కొడవలి లాంటి ఆయుధంతో తిరుగుతున్న ఈ దృశ్యాలు స్థానికుల్లో తీవ్ర ఆందోళన కలిగిస్తున్నాయి. అతడి ప్రవర్తనపై స్థానికులు వెంటనే పోలీసులకు సమాచారం అందించారు. రంగంలోకి దిగిన పోలీసులు అతన్ని పట్టుకోగా, వారిని కూడా బూతులతో తిట్టుతూ, రెచ్చిపోయినట్లుగా కింది వీడియోలో కనిపిస్తుంది. అతనితో పాటు ఉన్న ఓ యువతిని కూడా అతడు అసభ్య పదజాలంతో తిట్టడమే కాకుండా, “చంపేస్తా” అంటూ బెదిరింపులకు దిగాడు.
Read Also: Prabhas: ‘ది రాజా సాబ్’ ఫస్ట్ సింగిల్ కోసం కౌంట్డౌన్ మొదలైంది!
అయితే, పోలీసులు వెంటనే అతని దగ్గర ఉన్న వేట కొడవలిని స్వాధీనం చేసుకున్నారు. ఇక, ఈ ఘటనకు సంబంధించిన వీడియో నెట్టింట వైరల్ కావడంతో సోషల్ మీడియాలో నెటిజెన్స్ తీవ్రంగా మండిపడుతున్నారు. మద్యం మత్తులో ఇష్టం వచ్చినట్లు ప్రవర్తించిన ఆ యువకుడిపై కఠిన చర్యలు తీసుకోవాలని పోలీసులను డిమాండ్ చేస్తున్నారు. ఇలాంటి వారి వల్ల సమాజంలో మహిళలకు రక్షణ లేకుండా పోతుందని నెటిజన్స్ భయాందోళన వ్యక్తం చేస్తున్నారు.
వీడు పోలీసుల చేతిలో ఉంటేనే వాడి ప్రవర్తన అలా ఉంటే మామూలు ప్రజల పరిస్థితి ఏంటి…అదే ఒక ఆడపిల్లని ఏమన్నా చేస్తే ఏమవుతుంది…పోయిన ప్రాణాలు మళ్ళీ వెనక్కి తీసుకురాగలమా…
మళ్ళీ వీళ్ళని కోర్టుకి తీసుకువెళ్ళి …లా ప్రకారం శిక్షించాలి అంటారు కొంత మంది మేధావులు…ఎక్కువ మాట్లాడితే… pic.twitter.com/vRCeVO0jR8
— 🚲 𝓓𝓲𝓵𝓮𝓮𝓹 🚲 (@dmuppavarapu) July 15, 2025