నాగ్ ‘బిగ్బాస్ సీజన్ -5’ ప్రొమో వచ్చేసింది!
టెలివిజన్ చరిత్రలోనే అత్యధికంగా వీక్షించిన రియాల్టీ షోలలో బిగ్బాస్ తెలుగు కూడా ఒకటి. గత సంవత్సరం 15 వారాల పాటు జరిగిన సీజన్, తెలుగు రాష్ట్రాలలో ప్రతి ఇంటినీ చేరువయింది. బిగ్బాస్ సీజన్ ముగిసిన వెంటనే తరువాత సీజన్ ఎప్పుడు ఆరంభమవుతుందోనంటూ ఆసక్తిగా ఎదురుచూస్తూ, చర్చలు చేస్తోన్న అభిమానులూ ఎంతో మంది ఉన్నారు. ఈ నిరీక్షణకు తెరదించుతూ బిగ్ బాస్ సీజన్ 5 ప్రొమోను విడుదల చేసింది స్టార్ మా. షో తిరిగి ఎప్పుడు ప్రారంభమవుతుందోననే ఎదురుచూపులు… ఈసారి ఎవరు హౌస్లో ఉండబోతున్నారనే చర్చలు… చేస్తున్న నయా విశ్లేషకులలో ఆసక్తిని రేపుతూ పూర్తి చమత్కారంగా ఈ ప్రొమో తీర్చిదిద్దారు.
Read Also: ఆగస్ట్ 22 నుంచీ ఎన్టీఆర్ ‘ఎవరు మీలో కోటీశ్వరులు’!
మొట్టమొదటిసారిగా ఓ మ్యూజిక్ వీడియో రూపంలో విడుదల చేసిన ఈ ప్రొమోలో కింగ్ నాగార్జున, వినోదమనే బుల్లెట్లను నింపిన గన్తో ‘విసుగు’ను చంపే సెక్సీ, సరసపు కిల్లర్గా కనిపించ నున్నారు. మిస్టర్ విసుగు, బిగ్బాస్ నడుమ జరిగిన ముఖాముఖిలో ఈ విసుగును నాగార్జున తన వినోదపు బుల్లెట్తో చంపడంతో ప్రతి ఒక్కరూ ఆనంద కేళిలో మునిగిపోతారు. ఈసారి బిగ్బాస్ షో యాక్షన్, డ్రామా, రొమాన్స్, వినోదం, ఆహ్లాదం సమ్మేళనంగా ఉండటమే కాదు గత సీజన్లతో పోలిస్తే మరింత పెద్దగా, ఉత్తమంగా ఉంటుందనే వాగ్ధానమూ చేశారు.
Read Also: విశ్వక్ ఓవర్ యాక్షన్ తగ్గించు!?
బిగ్బాస్ సీజన్ 5 ప్రొమోకు ప్రశాంత్ వర్మ దర్శకత్వం వహించగా, ఫోటోగ్రఫీ డైరెక్టర్గా జె. యువరాజ్ ఉన్నారు. ఈ ప్రొమో సాంగ్ కు సంగీతాన్ని యశ్వంత్ నాగ్ అందిస్తే, రాహుల్ సిప్లిగంజ్ ఆలపించారు. కొద్ది రోజుల క్రితమే బిగ్బాస్ లోగో విడుదలైంది. దారి తెలియని ఓ చిట్టడవి నుంచి బయటకు రావడానికి ఎలాగైతే యుక్తిని ప్రదర్శించాలో అదే రీతిలో బిగ్బాస్ హౌస్ నుంచి విజేతగా బయటకు రావడానికి చూపాల్సిన యుక్తిని గుర్తుకు తెచ్చే రీతిలో ఈ లోగో రూపుదిద్దుకుంది. సో… ఇక అధికారికంగా బిగ్ బాస్ మొదలయ్యేది ఎప్పుడో చెప్పడమే మిగిలి ఉంది.