అభినేత్రి రేవతి
- Follow Us :
-
-
Add as a preferred
source on google
(జూలై 8న రేవతి పుట్టినరోజు)
చూడగానే బాగా పరిచయం ఉన్న అమ్మాయిలా కనిపిస్తుంది. కాసింత పరిచయం కాగానే యెద చుట్టేసుకుంటుంది. కళ్ళతోనే కోటి భావాలు పలికిస్తుంది. పెదాలు విప్పితే ఆమె ముత్యాల పళ్ళు పలకరిస్తాయి. వెరసి నటి రేవతి నవ్వు ఆకర్షిస్తుంది. అభినయం ఆకట్టుకుంటుంది. భారతీరాజా దర్శకత్వంలో రూపొందిన ‘మణ్ వాసనై’ తమిళ చిత్రం ద్వారా రేవతి తొలిసారి నటిగా గుర్తింపు సంపాదించారు. అనతికాలంలోనే మాతృభాష మళయాళంతో పాటు, తెలుగు, కన్నడ, హిందీ చిత్రాల్లోనూ నటించేసి ప్రేక్షకుల మదిలో ప్రత్యేక స్థానం సంపాదించారు రేవతి.
Also Read
- Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
- Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
- Sun Transit : రేపు సూర్యుడి రాశి మార్పుతో అదృష్టం.. ఈ 8 రాశులకు శుభ ఘడియలు!
- Kondagattu Temple : 60 ఏళ్ల నిరీక్షణకు తెర.. కొండగట్టులో అంజన్న నిజరూప దర్శనం
రేలంగి నరసింహారావు దర్శకత్వం వహించిన ‘మానసవీణ’ చిత్రంతో తెలుగునాట అడుగుపెట్టింది రేవతి. అదే సమయంలో బాపు తెరకెక్కించిన ‘సీతమ్మ పెళ్ళి’ కూడా రేవతికి మంచి పేరు సంపాదించింది. మణిరత్నం ‘మౌనరాగం’తో రేవతికి మరింత మంచి పేరు లభించింది. తెలుగులో అనువాదమైన ఈ సినిమాతో ఇక్కడి ప్రేక్షకులనూ ఆకట్టుకుంది రేవతి. అప్పటి నుంచీ తమిళంలో రేవతి నటించిన పలు చిత్రాలు తెలుగువారినీ అనువాదరూపంలో పలకరించాయి. ఏయన్నార్ ‘రావుగారిల్లు’లో నటించిన రేవతి తెలుగువారికి మరింత దగ్గరయింది. వెంకటేశ్ తో కలసి ఆమె నటించిన ‘ప్రేమ’ నటిగా మరిన్ని మార్కులు సంపాదించి పెట్టింది. ‘అంకురం’ చిత్రంలో రేవతి నటనకు ఫిలిమ్ ఫేర్ అవార్డు లభించింది. రామ్ గోపాల్ వర్మ’గాయం’లోనూ రేవతి తనదైన అభినయంతో ఆకట్టుకున్నారు. ప్రభాస్ తొలి చిత్రం ‘ఈశ్వర్’ తర్వాత దాదాపు ఎనిమిదేళ్ళు తెలుగు చిత్రాల్లో కనిపించలేదు రేవతి. అయితే మధ్యలో ఆమె నటించిన అనువాద చిత్రాలు మాత్రం బాగానే జనాన్ని ఆకట్టుకొనేవి. నవతరం కథానాయకుల చిత్రాల్లో తన వయసుకు తగ్గ పాత్రలు పోషిస్తున్నారు రేవతి. “అనుక్షణం, లోఫర్, సైజ్ జీరో, బ్రహ్మోత్సవం, యుద్ధం శరణం, మేజర్” వంటి చిత్రాలలో కనిపించి అలరించారు రేవతి.
కేవలం నటిగానే కాదు, దర్శకురాలిగానూ రేవతి తనదైన బాణీ పలికించారు. ఆమె దర్శకత్వంలో రూపొందిన తొలి చిత్రం ‘మిత్ర్, మై ఫ్రెండ్’ ఇంగ్లిష్ సినిమా కావడం విశేషం. ఈ చిత్రానికి బెస్ట్ ఫీచర్ ఫిలిమ్ ఇన్ ఇంగ్లిష్ కేటగిరీలో నేషనల్ అవార్డు లభించింది. శోభన ప్రధాన పాత్ర పోషించిన ఈ చిత్రాన్ని రేవతి భర్త, ప్రముఖ సినిమాటోగ్రాఫర్ సురేశ్ చంద్ర మీనన్ నిర్మించారు. రేవతి, సురేశ్ మీనన్ కొన్నాళ్ళకే అభిప్రాయభేదాల కారణంగా విడిపోయారు. సల్మాన్ ఖాన్, శిల్పా శెట్టి, అభిషేక్ బచ్చన్ తో ‘ఫిర్ మిలేంగే’ హిందీ చిత్రాన్ని రూపొందించారు రేవతి. ఈ సినిమా ఆట్టే ఆకట్టుకోలేకపోయింది. ‘ముంబై కటింగ్’ అనే హిందీ చిత్రం కూడా రేవతి దర్శకత్వంలోనే రూపొందింది. ‘కేరళ కేఫ్’ అనే మళయాళ సినిమాకు కూడా రేవతి దర్శకత్వం వహించారు. అయితే ఇవేవీ ‘మిత్ర్, మై ఫ్రెండ్’ లాగా ఆకట్టుకోలేకపోయాయి. కొన్ని తమిళ, మళయాళ చిత్రాలకు రేవతి వాయిస్ ఓవర్ కూడా వినిపించారు. ‘తిరుప్పావై’ అనే వీడియో ఆల్బమ్ లో నటించడమే కాదు, గాయనిగానూ తన గొంతు సవరించుకున్నారు రేవతి. తన బహుముఖ ప్రజ్జను చాటుకుంటూ సాగుతున్న రేవతి ప్రస్తుతం ‘ఇట్లు అమ్మ’ అనే తెలుగు చిత్రంలో నటిస్తున్నారు.
తాజావార్తలు
-
Dhanush : ‘పొగరు’ అన్న ట్రోల్స్కు ధనుష్ కౌంటర్.. అసలు నిజం చెప్పి షాకిచ్చిన స్టార్ హీరో!
-
IPL Retentions 2027: నరైన్ కోసం టాప్ ట్రేడ్.. ఆర్ఆర్ ఆఫర్ను తిరస్కరించిన కేకేఆర్!
-
Missile Attack on LPG Tanker: హార్మూజ్ జలసంధిలో గ్యాస్ ట్యాంకర్పై క్షిపణి దాడి.. నౌకలో 24 మంది భారతీయులు..!
-
క్యాబ్ డ్రైవర్ ముసుగులో మిక్సింగ్ లిక్కర్ దందా.. ఇద్దరి అరెస్ట్.!
-
Mahindra XEV 9S: మహీంద్రా XEV 9S కు భారత్ NCAPలో 5 స్టార్ సేఫ్టీ రేటింగ్.. 7 సీటర్ SUVలో సరికొత్త రికార్డు!
ట్రెండింగ్
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..