కేఎంసీలో మూడురోజుల్లో 29మందికి కరోనా

వరంగల్ కాకతీయ మెడికల్ కాలేజీలో కరోనా కేసులు భయపెడుతున్నాయి మూడు రోజుల్లోనే 29 మంది కేఎంసీలో కరోనా మహమ్మారి బారిన పడ్డారు. కరోనా బారిన పడ్డ వారిలో మెడికల్ కాలేజి ప్రిన్సిపాల్. ఇద్దరు ప్రొఫెసర్లు 26 మంది మెడీకోలు వున్నారు. దీంతో కాకతీయ మెడికల్ కాలేజ్, ఎంజీఎం ఆస్పత్రిలో మెడికోలు అప్రమత్తం అయ్యారు.

వరంగల్ కాకతీయ మెడికల్ కాలేజీలో కరోనా కేసులు రోజు రోజుకూ పెరుగుతున్నాయి. మొన్న 17 మంది మెడికల్ విద్యార్థులకు కరోనా పాజిటివ్ గా నమోదైతే ఆదివారం మరో ఐదుగురికి కరోనా నిర్ధారణ అయ్యింది. తాజాగా సోమవారం మరో ఏడుగురు కరోనా బారినపడ్డారు. దీంతో వరంగల్ కాకతీయ మెడికల్ కాలేజీలో కరోనా బారిన పడ్డ వారి సంఖ్య 29కి చేరుకుంది.

https://ntvtelugu.com/number-of-omicron-cases-reaching-4033-in-the-country/

వీరిలో కెఎంసీ ప్రిన్సిపాల్. ఇద్దరు ప్రొఫెసర్లకు కరోనా పాజిటివ్ వచ్చింది. కరోనా సోకినవారిలో 26 మంది మెడికోలు ఉన్నారు.. ఇందులో హౌజ్ సర్జన్స్.. పీజీ విద్యార్థులు కరోనా సోకిన వారిలో ఉండడంతో వీరందరినీ ప్రత్యేక ఐసోలేషన్ లో ఉంచారు. తాజాగా ప్రిన్సిపాల్ తో పాటు ఇద్దరు ప్రొఫెసర్లకు కరోనా పాజిటివ్ రావడంతో వారితో కాంట్రాక్టు లో ఉన్న వారికి మరోసారి కోవిడ్ టెస్టులు చేయించేందుకు సిద్ధపడ్డారు అధికారులు. ఒక్కసారిగా కేఎంసీలో కరోనా పాజిటివ్ కేసులు 29కి చేరడంతో వరంగల్ ఎంజీఎం సిబ్బంది కాకతీయ మెడికల్ కాలేజి సిబ్బంది హడలిపోతున్నారు. అయితే కరోనా బారిన పడ్డ వారందరికీ చిన్న చిన్న లక్షణాలే తప్ప పెద్దగా భయపడాల్సిన పరిస్థితులు లేవని మెడికల్ కాలేజీ సూపరింటెండెంట్ చెబుతున్నారు.