సస్పెన్స్ సెంటిమెంటల్ థ్రిల్లర్ గా ప్రేక్షకుల ముందుకు వచ్చేందుకు సిద్ధమైంది ‘తారకేశ్వరి’ అనే సినిమా. శ్రీ శివ సాయి ఫిలిం బ్యాన‌ర్‌లో డైరెక్టర్ వెంకట్ రెడ్డి నంది దర్శక నిర్మాణంలో శ్రీకరన్, అనూష, షన్ను హీరో హీరోయిన్లుగా ఈ సినిమా తెరకెక్కింది. తాజాగా ఈ సినిమా పోస్టర్, ట్రైలర్ లాంచ్ కార్యక్రమం హైదరాబాద్ ఫిలిం ఛాంబర్‌లో జరిగింది. ఈ సినిమా పోస్టర్‌ను నటి కరాటే కళ్యాణి లాంచ్ చేయగా, ట్రైలర్‌ను నటుడు ఘర్షణ శ్రీనివాస్ ఆవిష్కరించారు. ఈ సందర్భంగా కరాటే కళ్యాణి మాట్లాడుతూ, “‘తారకేశ్వరి’ మూవీ ట్రైలర్ చాలా బాగా ఉంది. ఇది మంచికి చెడుకు జరిగే పోరాటాన్ని చక్కగా చూపిస్తున్న‌ట్టు తెలుస్తోంది. ఇలాంటి సినిమాలను అంద‌రూ ఆదరించాలి. ఇందులో తెలుగు హీరోయిన్లు ఉన్నారు. తెలుగు వారికే డైరెక్టర్ వెంకట్ రెడ్డి గారు అవ‌కాశం ఇవ్వ‌డం అభినంద‌నీయం.” అని అన్నారు.
Anil Ravipudi: నాలా సందీప్ రెడ్డి వంగా సినిమాలు తీయలేడు : అనిల్ రావిపూడి
ఇక నటుడు ఘర్షణ శ్రీనివాస్ మాట్లాడుతూ, “హీరో శ్రీకర్‌కు మంచి భవిష్యత్తు ఉంది. డైరెక్టర్ వెంకట్ రెడ్డి గారి టాలెంట్ ఈ ట్రైలర్‌లో స్పష్టంగా కనిపించింది. ఇలాంటి సినిమాలను ప్ర‌తి ఒక్క‌రూ ఆదరించాలి.” అన్నారు. డైరెక్టర్ వెంకట్ రెడ్డి మాట్లాడుతూ, “మా సినిమా చాలా బాగా వచ్చింది. ప్రేక్షకులందరూ ఆదరించాలి. ప్రేక్షకుల న‌మ్మ‌కాన్ని మేం నిల‌బెట్టే విధంగా సినిమాను తెర‌కెక్కించాము, త్వ‌ర‌లోనే ఆడియో, ప్రీరిలీజ్‌ ఫంక్ష‌న్‌ను ఘ‌నంగా నిర్వ‌హించ‌బోతున్నాము” అని తెలిపారు. వ‌డ్ల‌ప‌ట్ట, వినయ్ రాజ్, అర్చన, చిత్ర యూనిట్ స‌భ్యులు మాట్లాడుతూ.. ట్రైలర్ సినిమాపై భారీ అంచ‌నాలు పెంచుతోంద‌ని అన్నారు. చిన్న సినిమాలను ప్రోత్సహించాలని ఈ సందర్భంగా ప్రేక్ష‌కుల‌కు విజ్ఞ‌ప్తి చేశారు.