నటుడు యోగేష్ కల్లే పాన్-ఇండియా చిత్రం “త్రిముఖ”తో తెరంగేట్రం చేస్తున్నారు. ఈ సినిమాలో సన్నీ లియోన్ కీలక పాత్ర పోషిస్తున్నారు. ఇక వీరు కాకుండా ఈ సినిమాలో నాజర్, CID ఆదిత్య శ్రీవాస్తవ్, సుమన్, మొట్ట రాజేంద్రన్, ప్రవీణ్, అషు రెడ్డి మరియు ఇతరులు కూడా ముఖ్య పాత్రలు పోషిస్తున్నారు. ప్రధాన షూటింగ్ పూర్తి చేసుకున్న “త్రిముఖ” ప్రస్తుతం పోస్ట్-ప్రొడక్షన్ దశలో ఉంది మరియు మార్చి 2025లో విడుదల కానుంది “త్రిముఖ”తో పాటు, యువ నటుడు “చాణుక్యం” మరియు “బెజవాడ బాయ్స్” అనే మరో రెండు చిత్రాలకు సంతకం చేశారు.
హెబా పటేల్ కథానాయికగా నటిస్తున్న “చాణుక్యం” చిత్రం ప్రస్తుతం నిర్మాణంలో ఉంది, ఇందులో మోటా రాజేంద్రన్, సుమన్, వినోద్ కుమార్, దన్య బాలకృష్ణ, శ్రావణ్, నాగ మహేష్, ప్రభాకర్ వంటి వారు సహాయ పాత్రలు పోషిస్తున్నారు. “బెజవాడ బాయ్స్” చిత్రీకరణ ఇంకా ప్రారంభం కాలేదు. ఇన్వెస్టిగేటివ్ థ్రిల్లర్‌గా తెరకెక్కుతున్న “త్రిముఖ” చిత్రానికి రాజేష్ నాయుడు మరియు శ్రీదేవి మద్దాలి దర్శకత్వం వహిస్తున్నారు. అకిరా డ్రీమ్ క్రియేషన్స్ బ్యానర్‌పై హర్ష కల్లే ఈ చిత్రాన్ని నిర్మిస్తున్నారు.
