Trs Pleanary Food Items: ప్లీనరీలో పసందైన ఫుడ్ మెనూ
టీఆర్ఎస్ ప్రతిష్ఠాత్మకంగా నిర్వహిస్తున్న పార్టీ ప్లీనరీకి హైదరాబాద్ మహా నగరం రెడీ అయింది. మాదాపూర్లోని హెచ్ఐసీసీలో బుధవారం పార్టీ ప్రతినిధులతో జరుగనున్న ఈ ప్లీనరీకి రాష్ట్రంలోని అన్ని జిల్లాల నుంచి ప్రతినిధులు నగరానికి రానున్నారు. ఇప్పటికే నగరం అంతా గులాబీమయంగా మారింది. ఎటుచూసినా స్వాగత తోరణాలు, ప్రధాన కూడళ్లలో పార్టీ జెండాలు, అధినేతల ఫొటోలతో అలంకరించారు. భాగ్యనగరం అంతా గులాబీనగరంగా మారిపోయింది. ముఖ్యంగా హైటెక్ సిటీ ప్రాంతం అంతా సందడిగా మారిందని చెప్పాలి.
ప్లీనరీకి వచ్చే టీఆర్ఎస్ నేతలు, ప్రజాప్రతినిధులకు కనీవినీ ఎరుగని రీతిలో వంటకాలు రెడీ చేస్తున్నారు. కడుపు నిండా భోజనం వడ్డించేందుకు వంటకాలను సిద్ధం చేస్తున్నారు. మొత్తం 33 రకాల వెరైటీలు అందులో వుండబోతున్నాయి.
ప్లీనరీ ఫుడ్ మెనూ ఇదే
టీఆర్ఎస్ ప్లీనరీలో వడ్డించే ఫుడ్ మెనూ జాబితా బయటకు వచ్చింది. అందులో అనేక వెరైటీలు వున్నాయి. డబుల్కామీట, గులాబ్జామ్, మిర్చిబజ్జీ, రుమాలీ రోటీ, తెలంగాణ నాటు కోడి కూర, చికెన్ధమ్ బిర్యానీ, ధమ్కా చికెన్, మిర్చి గసాలు, ఆనియన్ రైతా, మటన్కర్రీ, తలకాయ కూర, బోటీదాల్చా, కోడిగుడ్డు పులుసు, బగారా రైస్, మిక్స్డ్ వెజ్ కుర్మా అతిథులకు వడ్డిస్తారు.
వీటితో పాటు వైట్ రైస్, మామిడికాయ పప్పు, దొండకాయ, కాజుఫ్రై, గుత్తి వంకాయ, చామగడ్డ పులుసు, ములక్కాడ, కాజు, టమాట కర్రీ, వెల్లిపాయ కారం, టమాట, కొత్తిమీర తొక్కు, మామిడికాయ తొక్కు, పప్పుచారు అప్పడం, పచ్చిపులుసు, ఉలువ చారు క్రీమ్, టమాట రసం, పెరుగు, బటర్స్కాచ్ ఐస్క్రీమ్, ఫ్రూట్స్ స్టాల్, అంబలి, బటర్ మిల్క్, రాగిసంగటి వుంటాయి.
Read Also: TRS Plenary : ప్లీనరీకి ముస్తాబైన హైదరాబాద్..