Telangana Police :15 సెకన్లలో ముఖ గుర్తింపు.. ఫోన్లతోనే వేలిముద్రల సేకరణ!
- Follow Us :
-
-
Add as a preferred
source on google
నేరస్థుల గుండెల్లో రైళ్లు పరిగెత్తించేలా, పరిశోధనలో పోలీసులకు అత్యంత వేగవంతమైన ఆధారాలు అందించేలా తెలంగాణ పోలీసు శాఖ సాంకేతిక సరిహద్దులను సరికొత్త స్థాయికి తీసుకెళ్లింది. కేవలం 15 సెకన్లలో అనుమానితుల ముఖాలను గుర్తించడం, సంఘటన స్థలంలో లభించే వేలిముద్రలను సాధారణ మొబైల్ ఫోన్లతోనే క్షణాల్లో సేకరించి నిందితులను పట్టించడం వంటి విప్లవాత్మక ఫీచర్లను నేర పరిశోధన విభాగం (సీఐడీ) క్షేత్రస్థాయిలోకి తెచ్చింది. డీజీపీ కార్యాలయంలో జరిగిన కార్యక్రమంలో డీజీపీ సి.వి. ఆనంద్ ఈ కీలక సాంకేతిక సాధనాలతో పాటు మొత్తం ఏడు నూతన డిజిటల్ సేవలను అధికారికంగా ఆవిష్కరించారు.
15 సెకన్లలో ముఖం స్కాన్.. లక్షల రికార్డులతో సరిపోలిక!
నేరగాళ్లు మారువేషాల్లో తప్పించుకోవాలని చూసినా, పేర్లు మార్చుకున్నా ఇకపై తప్పించుకోవడం అసాధ్యం. సీఐడీ అభివృద్ధి చేసిన ‘మొబైల్ ఫేస్ సెర్చ్ యాప్’ (Mobile Face Search App) ద్వారా పోలీసు అధికారులు తమ వద్ద ఉన్న ఫోన్ల సాయంతోనే అనుమానితుడి ఫొటో తీయవచ్చు.
Also Read
- Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
- Food Safety Raids: హైదరాబాద్ హోటళ్లపై ఫుడ్ సేఫ్టీ కొరడా.. 4 రెస్టారెంట్ల లైసెన్సులు సస్పెండ్, 2 సీజ్..
- CM Revanth Reddy : ఎస్సీ, ఎస్టీల సంక్షేమంలో ముందున్నాం
- Uttam Kumar Reddy : నీటి హక్కులపై వెనక్కి తగ్గేది లేదు.. బీఆర్ఎస్పై ఉత్తమ్ ఫైర్
ఈ యాప్ ఏకంగా 9.8 లక్షలకు పైగా నేరస్థుల ఫొటోలతో కూడిన రాష్ట్రస్థాయి డేటాబేస్తో అనుసంధానమై పనిచేస్తుంది. ఫొటో తీసిన కేవలం 15 సెకన్లలోనే ముఖ కవళికలను సరిపోల్చి, ఆ వ్యక్తికి గతంలో ఏమైనా నేర చరిత్ర ఉందా? పెండింగ్ కేసులు ఉన్నాయా? అనే సమాచారాన్ని అందిస్తుంది. తప్పిపోయిన వ్యక్తులు, అనాథలు, రైల్వే స్టేషన్లు-బస్టాండ్లలో పట్టుబడే అనుమానితులు, ఆసుపత్రుల్లోని గుర్తుతెలియని మృతదేహాల గుర్తింపును ఈ యాప్ అత్యంత సులభతరం చేస్తుంది.
దేశంలోనే తొలిసారి: ఫోన్లతోనే స్పాట్ ఫింగర్ప్రింట్ వెరిఫికేషన్
సాధారణంగా నేరం జరిగిన ప్రదేశంలో లభించే అనుమానాస్పద వేలిముద్రలను సేకరించి ల్యాబ్కు పంపి, రిపోర్టు రావడానికి రోజుల సమయం పట్టేది. ఆ జాప్యానికి తెరదించుతూ దేశంలోనే ప్రప్రథమంగా ‘క్రైమ్ సీన్ ఛాన్స్ ప్రింట్ యాప్’ (Crime Scene Chance Print App) ను ప్రవేశపెట్టారు. దర్యాప్తు అధికారులు సంఘటన స్థలంలో లభించే అస్పష్టమైన లేదా తాత్కాలిక వేలిముద్రలను తమ సాధారణ ఆండ్రాయిడ్ స్మార్ట్ఫోన్ ద్వారా స్కాన్ చేసి నేరుగా రాష్ట్ర సర్వర్కు పంపవచ్చు. సర్వర్లోని సెంట్రల్ ఫింగర్ప్రింట్ డేటాబేస్ ద్వారా ఆ వేలిముద్రలు ఆటోమేటిక్గా సరిపోల్చబడి, నిందితుడు ఎవరనేది కొన్ని నిమిషాల వ్యవధిలోనే క్షేత్రస్థాయి అధికారిక ఫోన్కు ప్రత్యక్షమవుతుంది. దీనివల్ల నేరస్థులు నగరం లేదా రాష్ట్ర సరిహద్దులు దాటకముందే వారిని పట్టుకునేందుకు ఈ సాంకేతికత అద్భుతమైన ఆయుధంగా మారుతుంది.
బాధితులకు అండగా.. వ్యవస్థలో పారదర్శకతకు పెద్దపీట
ఈ రెండు ప్రధాన సాంకేతిక యాప్లతో పాటు పోలీసు వ్యవస్థను ప్రజలకు మరింత చేరువ చేసేందుకు పలు కీలక సేవలను డీజీపీ ప్రారంభించారు..
సిటిజన్ ఫీడ్బ్యాక్ సెంటర్ (CFC): ఠాణాలకు వచ్చే సామాన్య పౌరుల నుంచి నేరుగా అభిప్రాయాలు సేకరిస్తారు. ఎఫ్ఐఆర్ నమోదు, పిటిషన్ల పరిష్కారం, ఈ-చలాన్లు, పాస్పోర్టు ధ్రువీకరణ వంటి సేవల్లో సిబ్బంది ప్రవర్తన, పనితీరుపై ప్రజల స్పందనను సమీక్షించి జవాబుదారీతనం పెంచుతారు.
భరోసా కేంద్రాలకు ఏకీకృత సాఫ్ట్వేర్: రాష్ట్రవ్యాప్తంగా ఉన్న 35 భరోసా కేంద్రాలను ఒకే నెట్వర్క్ కిందికి తెచ్చారు. రిజిస్టర్ల రాతపని తొలగించి, మహిళలు-చిల్లరపై నేరాలకు సంబంధించి కౌన్సెలింగ్, వైద్య, న్యాయ సహాయాన్ని ఎండ్-టు-ఎండ్ డిజిటల్ పద్ధతిలో 23 రకాల రిపోర్టులతో పర్యవేక్షిస్తారు.
జైలు విడుదలైన ఖైదీలపై ఏఐ నిఘా (JRMS): ఈ-ప్రిజన్స్ వ్యవస్థను సీసీటీఎన్ఎస్తో అనుసంధానించారు. ఖైదీ జైలు నుంచి విడుదలైన మరుక్షణమే సంబంధిత పరిధిలోని పోలీస్ స్టేషన్కు ఎస్ఎంఎస్ అలర్ట్ వెళ్తుంది. ఏఐ విశ్లేషణతో పాత నేరస్థుల కదలికలపై నిఘా ఉంచి కొత్త నేరాలు జరగకుండా నిరోధిస్తారు.
ఎస్ఓపీలు & అధికారిక పోర్టల్: పరిశోధన నాణ్యత పెంచి న్యాయస్థానాల్లో కన్విక్షన్ రేటును పెంచేందుకు 5 సంపుటాల ప్రామాణిక కార్యాచరణ విధానాలు (SOPs) మరియు సీఐడీ సమాచారం కోసం ప్రత్యేక వెబ్సైట్ను (https://cid.tspolice.gov.in/) అందుబాటులోకి తెచ్చారు. సాంకేతికతను క్షేత్రస్థాయి పరిశోధనతో మేళవించడం ద్వారా నేర నియంత్రణలో తెలంగాణ పోలీసు విభాగం దేశానికే ఆదర్శంగా నిలుస్తోందని డీజీపీ సి.వి. ఆనంద్ స్పష్టం చేశారు. ఈ కార్యక్రమంలో లా & ఆర్డర్ డీజీ మహేష్ భగవత్, సీఐడీ డీజీ చారు సిన్హా, అదనపు డీజీ అకున్ సబర్వాల్, ఐజీ గజరావు భూపాల్, డీఐజీలు నారాయణ నాయక్, పరిమళ హన నూతన్, ఎస్పీలు విశ్వజిత్ కంపాటి, రూపేష్, ప్రవీణ్ కుమార్, మల్లారెడ్డి, బాలకోటి, శ్రీనివాస్ తదితర ఉన్నతాధికారులు పాల్గొన్నారు.
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Koti Deepotsavam 2026 : కోటి దీపోత్సవంలో శ్వేతార్క గణపతి కల్యాణం.. భక్తులతో కిక్కిరిసిన ఎన్టీఆర్ స్టేడియం
-
Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
-
Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
-
Aakasamlo Oka Tara: స్టార్ హీరోయిన్లను కాదని ఆమెనే ఎందుకు తీసుకున్నామంటే? అసలు విషయం చెప్పిన పవన్ సాధినేని!
-
ఆ పుస్తకం చదివాకే Aakasamlo Oka Tara కథ పుట్టింది.. డైరెక్టర్ పవన్ సాధినేని ఆసక్తికర వ్యాఖ్యలు!
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..