Telangana Weather: తగ్గుతున్న ఎండలు.. తెలంగాణకు 4 రోజులపాటు వర్షాలు..
Telangana Weather: తెలంగాణ రాష్ట్రంలో ప్రస్తుతం ఎండలు దంచికొడుతున్నాయి. చాలా ప్రాంతాల్లో ఉష్ణోగ్రతలు 40 డిగ్రీల సెల్సియస్ దాటుతున్నాయి. భానుడు భగభగలతో ఉక్కిరిబిక్కిరి చేస్తుంటే ఐఎండీ చల్లటి కబురు చెప్పింది. వర్ష సూచన ఉంటుందని ప్రకటించింది. తెలంగాణలో నాలుగైదు రోజుల పాటు తేలికపాటి వర్షాలు కురిసే అవకాశం ఉందని తెలిపింది. రాష్ట్రంలో ఈరోజు తేలికపాటి నుంచి భారీ వర్షాలు కురిసే అవకాశం ఉంది. అక్కడక్కడ మాత్రమే ఈ వర్షాలు కురుస్తాయని వెల్లడించారు. మార్చి 17, 18, 19, 20 తేదీల్లో రాష్ట్రంలో పలుచోట్ల తేలికపాటి నుంచి భారీ వర్షాలు కురిసే అవకాశం ఉంది. ఏది ఏమైనప్పటికీ, IMD అంచనా వేసిన వర్షాలు రాష్ట్రంలోని అనేక ప్రాంతాల ప్రజలకు ఉపశమనం కలిగిస్తాయో లేదో చూడాలి. కొండ ప్రాంతాలలో వాతావరణం మారడం ప్రారంభించిందని IMD తెలిపింది. వాతావరణ పరంగా రాబోయే 72 గంటలు చాలా ముఖ్యమైనవని IMD తన ప్రకటనలో పేర్కొంది.
Read also: Kavitha Arrest: కవిత అరెస్ట్.. నేడు ఢిల్లీకి బీఆర్ఎస్ అధికార నేతలు..
మార్చి 16 నుంచి 18 వరకు దేశంలోని పలు ప్రాంతాల్లో ఉరుములు, మెరుపులతో తేలికపాటి నుంచి మోస్తరు వర్షాలు కురిసే అవకాశం ఉందని, కొన్ని ప్రాంతాల్లో వడగళ్ల వాన కురిసే అవకాశం కూడా ఉందని పేర్కొంది. IMD ప్రకారం, రాబోయే కాలంలో తూర్పు, మధ్య భారతదేశంలో వాతావరణ పరిస్థితులు తీవ్రంగా మారే అవకాశం ఉంది. తూర్పు, మధ్య భారతదేశంలో రబీ పంటలు దెబ్బతినే అవకాశం ఉందని పేర్కొంది. పలు ప్రాంతాల్లో కోతలు కొనసాగుతున్నాయి. ఇలాంటి పరిస్థితుల్లో వర్షాలు కురిసినా, వడగళ్ల వాన కురిసినా రైతులు నానా అవస్థలు పడుతున్నారు. కాగా, శుక్రవారం తెలంగాణలోని పలు జిల్లాల్లో మళ్లీ 41 డిగ్రీల సెల్సియస్ ఉష్ణోగ్రతలు నమోదయ్యాయి. నిర్మల్ జిల్లాలో అత్యధికంగా 40.9 డిగ్రీల సెల్సియస్ ఉష్ణోగ్రత నమోదైంది. హైదరాబాద్లోనూ గరిష్ట ఉష్ణోగ్రత 40 డిగ్రీల సెల్సియస్కు పైగా నమోదైంది. గురువారం పాటిగడ్డలో అత్యధికంగా 40.2 డిగ్రీల సెల్సియస్ ఉష్ణోగ్రత నమోదైంది.
Kothapalli Geetha: కొత్తపల్లి గీతకు కొత్త కష్టాలు.. ఆమెకు ఎంపీ టికెట్ ఇవ్వొద్దు..!