నైరుతి రుతుపనాలు ఇవాళ్టితో తెలంగాణ రాష్ట్రం అంతటా వ్యాపించాయి. తెలంగాణతో పాటు మహారాష్ట్ర మరియు ఆంధ్ర ప్రదేశ్ లలో కూడా పూర్తిగా ప్రవేశించాయి. ఉత్తర బంగాళాఖాతం & పరిసర ప్రాంతాలలో ఉన్న ఉపరితల ఆవర్తనం మధ్య ట్రోపోస్ఫియార్ స్థాయి వరకు ఉన్నది. దీని ప్రభావంతో ఈ నెల 11వ తేదీన ఉత్తర బంగళాఖాతం & పరిసర ప్రాతాల్లో అల్పపీడనం ఏర్పడే అవకాశం ఉంది. రాగల 24 గంటలలో మరింత బలపడి పశ్చిమ వాయవ్య దిశగా ప్రయాణించి ఒడిస్సా మీదగా వెళ్ళే అవకాశం ఉంది. ముఖ్యంగా బలమైన క్రిందిస్థాయి గాలులు పశ్చిమ దిశ నుండి తెలంగాణా రాష్ట్రంలోనికి వస్తున్నవి.
వాతావరణ సూచన:
రాగల 2 రోజులు (10,11వ తేదీలు) తేలికపాటి నుండి మోస్తరు వర్షాలు, తెలంగాణాలోని చాలా ప్రదేశాలలో మరియు ఎల్లుండి (12వ తేదీ) అనేక ప్రదేశాలలో వచ్చే అవకాశాలు ఉన్నాయి.
వాతావరణహెచ్చరికలు:-
తెలంగాణాలోని కొన్ని ప్రదేశాలలో రాగల 3 రోజులు (10,11,12వ తేదీలు) ఉరుములు, మెరుపులు మరియు ఈదురు గాలులతో కూడిన వర్షం పడనుంది.
ప్రజలకు అలర్ట్ : 3 రోజులు ఉరుములతో కూడిన వర్షాలు
