Lover Kidnap: హైదరాబాద్ ఘట్కేసర్ లో యువకుడి కిడ్నాప్ కలకలం రేపింది. చెల్లిని ప్రేమించాడని ఓ అన్న ప్రేమికుడిని కిడ్నాప్ చేసిన ఘటన నగరంలో సంచలనంగా మారింది. ప్రేమికుడు ఉదయ్ రాజ్ ను తన చెల్లెకి దూరంగా ఉండాలని తనుష్ బెదిరించాడు. అయితే తనుష్ బెదిరింపులను ఉదయ్ పట్టించుకోలేదు. చెల్లెలితో అప్పటికే పీకల్లోతు ప్రేమలో వున్న ఉదయ్ ఆమెకు తన అన్న విషయం చెప్పాడు. వీరిద్దరూ తనుష్ మాటలను పెడచెవిన పెట్టడంతో అన్న (తనుష్) కోపంతో ఊగిపోయాడు. ఉదయ్ ను కిడ్నాప్ చేయాలని తనుష్ స్నేహితులతో కలిసి ప్లాన్ వేసాడు. దీంతో శనివారం అర్ధరాత్రి ఉదయ్ రాజ్ ను కిడ్నాప్ కు ప్లాన్ వేశారు. సంసృతి టౌన్ షిప్ లో ఉదయ్ ను కిడ్నాప్ చేసేందుకు తనుష్, తన స్నేహితులు కాపుకాచారు. వాళ్లను గమనించని ఉదయ్ సంసృతి టౌన్ షిప్ కు ఎంట్రీ కాగానే.. తనుష్, తన స్నేహితులు రౌండప్ చేశారు. ఉదయ్ వాళ్లను ఎవరు మీరు అనే లోపే అతన్ని కిడ్నాప్ చేశారు. టౌన్ షిప్ నుంచి మల్కాజ్ గిరికి తరలించారు.
Read also: Andhra Pradesh: సమ్మెకు సిద్ధమవుతోన్న ఉద్యోగులు..! నేడు మంత్రుల బృందం చర్చలు
అక్కడే ఆదివారం ఉదయం వరకు ఉంచి ఉదయ్ ను చిత్రహింసలకు గురిచేశారు. తన చెల్లిని వదిలేయాలని లేదంటే ఏం చేయడానికైనా సిద్దంగా ఉన్నామని తనుష్ బెదిరించాడు. దీంతో భయాందోళన చెందిన ఉదయ్ వారి ముందు ఏమీ మాట్లాడలేకపోయాడు. శనివారం అర్ధరాత్రి నుంచి ఆదివారం ఉదయం వరకు ఉదయ్ ను చిత్రహింసలకు గురిచేసి ఏమీ తెలియనట్లు ఆదివారం తెల్లవారుజామున ఉదయరాజ్ ను తార్నాక వద్ద తనుష్ గ్యాంగ్ విడిచి వెళ్లిపోయారు. వెంటనే తేరుకున్న ఉదయ్ తన కిడ్నాప్ ఘటన పై పోచారం పోలీస్ స్టేషన్ లో ఫిర్యాదు చేసాడు. తనకు శనివారం అర్ధరాత్రి కిడ్నాప్ చేసి ఆదివారం ఉదయం వరకు చిత్రహింసలకు గురిచేసారని వాపోయాడు. తన చెల్లిని ప్రేమించాడనే కోపంతోనే తనుష్ తనపై ఇలా చేశాడని కేసులో పేర్కొన్నాడు. దీంతో పోలీసులు కేసు నమోదు చేసారు. తనుష్ ను తనకు సహకరించిన స్నేహితుల కోసం గాలింపు చర్యలు చేపట్టారు. వెంటనే తనుష్ ను పట్టుకుని విచారిస్తామని తెలిపారు. ఉదయ్ ను తన బంధువుల వద్దకు చేర్చారు.
Airtel Recharge Paln 2024: అపరిమిత 5జీ డేటా.. ఎయిర్టెల్ బెస్ట్ రీచార్జ్ ప్లాన్స్ ఇవే!
