జూరాలకు భారీ వరద.. 20 గేట్లు ఎత్తి దిగువకు నీటి విడుదల
తెలంగాణలో కురుస్తున్న వర్షాల కారణంగా జూరాలకు భారీగా వరద వచ్చి చేరుతుంది. దాంతో ప్రాజెక్టు 20 గేట్లు ఎత్తి దిగువకు నీటి విడుదల చేస్తున్నారు. లక్షా 35 వేల క్యూసెక్కుల ఇన్ ఫ్లో వస్తుండగా లక్షా 59 వేల క్యూసెక్కులు ఔట్ ఫ్లోగా ఉంది. ప్రాజెక్టు పూర్తిస్థాయి నీటిమట్టం 318.516 మీటర్లు కాగా… ప్రస్తుత నీటిమట్టం 318.420 మీటర్లుగా ఉంది. ఇక పూర్తి స్థాయి నీటి సామర్థ్యం 9.657 టీఎంసీలు కాగా ప్రస్తుత నీటి నిల్వ 9.459 టీఎంసీలుగా ఉంది. ఇక ఈ ప్రాజెక్టు లోని అన్ని యూనిట్లలో విద్యుత్ ఉత్పత్తి కొనసాగుతుంది. ఈ వరద ఇంకా కొన్ని రోజులు ఇలానే కొనసాగే అవకాశాలు ఉన్నాయి అంటున్నారు అధికారులు.