TG EAPCET 2025: టీజీ ఎప్‌ సెట్‌, పీజీ ఈసెట్‌లకు షెడ్యూల్‌ ఖరారు.. దరఖాస్తులు ఆ రోజు నుంచే..?

TG EAPCET 2025: తెలంగాణ రాష్ట్రంలో పలు ముఖ్యమైన ప్రవేశ పరీక్షలకు షెడ్యూల్ రిలీజ్ అయింది. 2025-26 విద్యా సంవత్సరానికి గాను ఇంజినీరింగ్‌/ అగ్రికల్చర్‌, ఫార్మసీ కాలేజీల్లో ఎంట్రెన్స్ కోసం నిర్వహించే టీజీ ఈఏపీసెట్‌తో పాటు పీజీ ఈసెట్‌, టీజీ ఐసెట్‌లకు ఉన్నత విద్యామండలి వేర్వేరుగా షెడ్యూల్ ఖరారు చేసింది. ఈరోజు (ఫిబ్రవరి 3న) జేఎన్టీయూ- హైదరాబాద్‌ వీసీ ఛాంబర్‌లో సెట్‌ల కమిటీ తొలి భేటీ జరిగింది. ఈ సమావేశంలో రాష్ట్ర ఉన్నత విద్యామండలి ఛైర్మన్‌ ప్రొఫెసర్‌ వి. బాలకిష్టారెడ్డితో పాటు ఆయా సెట్‌ల కన్వీనర్లు, కో- కన్వీనర్‌లు, ఇతర ఉన్నతాధికారులు పాల్గొని.. ఈ మూడు సెట్‌ల షెడ్యూల్స్ కు ఆమోదం తెలిపారు.

Read Also: Hezbollah: ఫిబ్రవరి 23న హిజ్బుల్లా అగ్రనేత హసన్ నస్రల్లా అంత్యక్రియలు..

టీజీ ఈఏపీసెట్‌
నోటిఫికేషన్‌ రిలీజ్: ఫిబ్రవరి 20వ తేదీ
ఆన్‌లైన్ రిజిస్ట్రేషన్: ఫిబ్రవరి 25 నుంచి ఏప్రిల్‌ 4వరకు
అగ్రికల్చర్‌, ఫార్మా విభాగాలకు పరీక్షలు: ఏప్రిల్‌ 29, 30 తేదీల్లో
ఇంజినీరింగ్‌ విభాగంలో పరీక్షలు: మే 2 నుంచి 5వ తేదీ వరకు

పీజీ ఈసెట్‌
నోటిఫికేషన్‌ రిలీజ్: మార్చి 12వ తేదీ
ఆన్‌లైన్‌లో దరఖాస్తులు: మార్చి 17 నుంచి మే 19వ తేదీ వరకు
పరీక్ష తేదీ: జూన్‌ 16 నుంచి 19వ తేదీ వరకు

టీజీ ఐసెట్‌
నోటిఫికేషన్‌: మార్చి 6వ తేదీ
ఆన్‌లైన్ రిజిస్ట్రేషన్: మార్చి 10 నుంచి మే 3వ తేదీ వరకు
దరఖాస్తుకు డబ్బులు: జనరల్‌ కేటగిరీ రూ.750; ఎస్సీ/ఎస్టీ/దివ్యాంగులు రూ.550
ఆన్‌లైన్‌ పరీక్ష డేట్: జూన్‌ 8, 9 తేదీల్లో రెండు సెషన్లలో జరుగనుంది. ఉదయం 10గంటల నుంచి మధ్యాహ్నం 12.30గంటల వరకు తొలి సెషన్‌.. మధ్యాహ్నం 2.30 గంటల నుంచి సాయంత్రం 5గంటల వరకు సెకండ్ సెషన్‌.