Hyderabad Road Accidents: నగరంలో వరుస రోడ్డు ప్రమాదాలు.. భయాందోళనలో ప్రజలు
- Follow Us :
-
-
Add as a preferred
source on google
Hyderabad Road Accidents: ఔటర్ రింగ్ రోడ్డు హైదరాబాద్ వాసులకు సులభమైన మార్గం. పద్మవ్యూహం వంటి ట్రాఫిక్ సమస్యలు లేకుండా మహానగరం నుంచి బయటపడవచ్చని భావిస్తారు. కానీ అతివేగం, అజాగ్రత్త ఈ రహదారిని మృత్యుమార్గంగా మారుస్తుంది. ప్రతిరోజూ ఏదో ఒక ప్రమాదంతో ఔటర్ రక్తసిక్తమవుతుంది. ఈ రోడ్డు ప్రమాదాల విషయంలో ప్రయాణిస్తున్న వాహనాల్లో కొన్ని మితిమీరిన వేగంతో, మరికొన్ని సీటు బెల్టులు, హెల్మెట్‌లు ధరించకుండా ప్రయాణిస్తున్నాయి. ఔటర్ రింగ్ రోడ్డు సంరక్షణ మారడంతో అక్కడికి వెళ్లే వాహనదారులు ప్రమాదాలకు భయపడుతున్నారు. ఔటర్ రింగ్ రోడ్డు మరోసారి రక్తసిక్తమైంది.
Read also: RBI : విదేశీ మారకద్రవ్యంలో భారత్ రికార్డులు..11 నెలల్లో ఖజానాలోకి రూ.4 లక్షల కోట్లు
ఔటర్ రింగ్ రోడ్డులో ఘోర ప్రమాదం చోటుచేసుకుంది. రాయదుర్గం సమీపంలోని సైక్లింగ్ ట్రాక్ లోకి ఇన్నోవా కార్ దూసుకొచ్చింది. అతివేగం.. దీనికి తోడు డ్రైవర్ నిద్ర మత్తులో ఉండటంతో ప్రమాదం జరిగింది. డ్రైవర్ కి తీవ్ర గాయాలు కావడంతో స్థానిక సమాచారంతో స్థానికులు పోలీసులకు సమాచారం ఇచ్చారు. దీంతో ఘటనాస్థలికి చేరుకున్న పోలీసులు గాయాలైన వ్యక్తిని ఆసుపత్రికి తరలించారు. నైట్ షిఫ్ట్ లో ఉన్న గూగుల్ ఎంప్లాయిస్ ను ఇళ్ళ వద్ద డ్రాప్ చేసి వెళ్తున్న క్రమంలో యాక్సిడెంట్ జరిగినట్లు గుర్తించారు. ప్రమాద సమయంలో కారులో ఎవరూ లేకపోవడం… సైక్లింగ్ ట్రాక్ లో కూడా ఎవరూ లేకపోవడంతో ప్రమాదం తప్పిందని అన్నారు.
Read also: Magha Purnima: మాఘ పౌర్ణమి సందర్భంగా సాగర తీరంలో భక్తుల స్నానాలు
ఈరోజే మరో రోడ్డు ప్రమాద ఘటన చోటుచేసుకుంది. నార్సింగి తారామతి బారామతి రోడ్ లో కియా కారు పల్టీ కొట్టింది. అతి వేగంతో అదుపుతప్పి కియా కారు పల్టి కొట్టింది. డ్రైవర్ చాకచక్యంగా కారు అద్దాలను పగలకొట్టి బయటపడ్డారు. స్వల్ప గాయాలతో బయటపడ్డాడు.. అదృష్టవశాత్తు ఎవరికీ ప్రాణ నష్టం జరగకపోవడంతో ఊపిరి పీల్చుకున్నారు. పోలీసులు కేసు నమోదు చేసి దర్యాప్తు చేస్తున్నారు. నిద్ర మత్తులో వుండి.. కారును స్పీడ్ గా నడపడంతోనే ఈప్రమాదం జరగిందిన పోలీసులు తెలిపారు.
IND vs ENG 4th test: తొలి ఇన్నింగ్స్ లో 353 పరుగులకే ఇంగ్లాండ్ ఆలౌట్‌