Hyderabad Rains : సోమవారం సాయంత్రం హైదరాబాద్లో భారీ వర్షాలు కురిశాయి, దీనితో అనేక ప్రాంతాల్లో ట్రాఫిక్ జామ్ అయింది, నీరు నిలిచిపోయింది. తక్కువ వ్యవధిలో 50 మి.మీ వర్షపాతంతో ప్రమాదకరమైన ఉరుములు, మెరుపులతో కూడిన వర్షం పడే అవకాశం ఉందని వాతావరణ నిపుణుడు టి బాలాజీ హెచ్చరిక జారీ చేశారు. పౌరులు ఇంటి లోపలే ఉండాలని కోరారు.
Hitech City Railway Station: హైటెక్ సిటీ రైల్వే స్టేషన్ ఇలా మారిపోతుందని ఊహించారా..?
సాయంత్రం కురిసిన కుండపోత వర్షానికి అమీర్ పేట్ మెట్రో స్టేషన్ పరిసర ప్రాంతంలో భారీగా నీరు నిలిచిపోయింది. దీంతో వాహనదారులు తీవ్ర ఇబ్బందులు ఎదుర్కొన్నారు. సుమారు నడుంలోతు మేర నీళ్లు రోడ్డుపై నిలచిపోవడంతో వాహనాల రాకపోకలకు తీవ్ర ఇబ్బందులు తలెత్తాయి. అయితే.. దీనికి సంబంధించిన వీడియోలో నెట్టింట వైరల్ గా మారాయి.
ఇదిలా ఉంటే.. పాతబస్తీలోని పలు ప్రాంతాలు జలమయం అయ్యాయి. బండ్లగూడ, చాంద్రాయణగుట్ట, ఫలక్నుమా, దబీర్పురా, బహదూర్పురా, కాలాపతేర్, రామస్వామిగంజ్, ఛత్రినాక, మల్లేపల్లి వంటి పలు ప్రాంతాల్లో మోకాళ్ల లోతు నీరు నిలిచింది. భారీ వర్షాలకు హైదరాబాద్ రోడ్లు జలమయమయ్యాయి. తెలంగాణ వెదర్మ్యాన్ తీవ్ర ఉరుములు మెరుపులతో కూడిన హెచ్చరిక జారీ చేశారు. వరదలు పోయిన రోడ్ల గుండా ప్రయాణించడానికి వాహనదారులు ఇబ్బంది పడుతున్నట్లు కనిపించింది. పాదచారులు రోడ్డు పక్కనే ఉండి, నీరు తగ్గే వరకు వేచి చూస్తున్నారు. ఓల్డ్ సిటీలోని అన్ని ప్రధాన రహదారుల్లో ట్రాఫిక్ జామ్లు కనిపించాయి.
Ameerpet~Panjagutta stretch completely flooded 🌊⚠️ Heavy waterlogging everywhere — Stay safe, #Hyderabad#Hyderabadrains pic.twitter.com/VprKfSZSmR
— Hyderabad Rains (@Hyderabadrains) August 4, 2025