నకిలీ డీఎస్పీ దందాలపై పోలీసుల విచారణ ముమ్మరం…

నకిలీ డీఎస్పీ దందాలపై పోలీసుల విచారణ ముమ్మరం చేసారు. నిన్న హైదరాబాద్ పోలీసులు ఓ నకిలీ డీఎస్పీని అరెస్ట్ చేసిన విషయం తెలిసిందే. ఉద్యోగాలు ఇప్పిస్తానని డబ్బులు వసూలు చేసాడు బీబీపేట మండలం,తులాజ్ పూర్ కి చెందిన నెల్లూరు స్వామి. అయితే తాను ఓ పోలీస్ అధికారిగా చెప్పుకొంటూ సెటిల్ మెంట్లు, వసూళ్లకు పాల్పడినట్లు నిర్దారణ అయ్యింది. పోలీస్ శాఖలో ఎవరు సహకరించారు, అతని వెనుక ఉన్న ప్రజాప్రతినిధులు ఎవరూ అనే కోణంలో దర్యాప్తు చేస్తున్నారు అధికారులు. మెదక్, సిద్దిపేట, కామారెడ్డి జిల్లాలకు చెందిన 20 మంది యువకుల నుంచి ఉద్యోగాల పేరుతో 20 నుంచి 40లక్షల వరకు వసూలు చేసినట్లు ప్రాథమిక నిర్దారణకు వచ్చారు. నెల్లూరి స్వామి.. బాధితులు ముందుకు వచ్చి పోలీసులకు ఫిర్యాదు చేయాలని పోలీసులు విజ్ఞప్తి చేసారు.