Traffic Diversions: ప్రయాణికులు అలర్ట్‌.. ఈనెల 22న ఆ రూట్లలో ట్రాఫిక్‌ మళ్లింపు

Traffic Diversions: హైదరాబాద్ వాసులకు హెచ్చరికలు జారీ చేశారు అధికారులు. సైబరాబాద్ ట్రాఫిక్ పోలీసులు మార్చి 22 నుంచి ఐకియా రోటరీకి వెళ్లే అన్ని మార్గాల్లో ట్రాఫిక్‌ను మళ్లించనున్నారు. ఈ ప్రాంతంలో ట్రాఫిక్ రద్దీని తగ్గించడానికి ఈ నిర్ణయం తీసుకున్నారు. ఆ ప్రాంతం గుండా ప్రయాణించే వారికి మళ్లింపు మార్గాలను ప్రకటించారు. వాహనదారులు తమ ప్రయాణాలను తదనుగుణంగా ప్లాన్ చేసుకోవాలని సూచించారు. ప్రయాణికులు ఈ సూచనలను పాటించి ట్రాఫిక్ సాఫీగా ఉండేలా ట్రాఫిక్ పోలీసులకు సహకరించాలని కోరారు. బయోడైవర్సిటీ జంక్షన్ నుండి ఐకియా రోటరీ వైపు వచ్చే ట్రాఫిక్. సైబర్ టవర్‌లను చేరుకోవాలనే లక్ష్యంతో ఉన్న ప్రయాణికులు ఐకియా అండర్‌పాస్ ద్వారా తమ ప్రయాణాన్ని కొనసాగించాలి.

Read also: Telangana Storms: ఈదురు గాలులకు 20 మీటర్ల దూరంలో ఎగిరిపడ్డ చిన్నారి..

కేబుల్ బ్రిడ్జి వైపు ప్రయాణించే వారు ఐకియా రోటరీ వద్ద కుడి మలుపు తీసుకోవాలి… రోటరీ వద్దనే యాంటీ క్లాక్‌వైస్‌లో వెళ్లాలి. సైబర్ టవర్స్ నుంచి ఐకియా రోటరీ వైపు వచ్చే ట్రాఫిక్.. ఈ మార్గంలో వెళ్లే ప్రయాణికులు ఐకియా రోటరీ వద్ద యూ-టర్న్ తీసుకోవచ్చు. కేబుల్ బ్రిడ్జి వైపు వెళ్లే వాహనాలకు ఉచిత లెప్ట్ తీసుకోవచ్చు. బయో డైవర్సిటీ జంక్షన్‌కు చేరుకోవాలనుకునే ప్రయాణీకులు ఐకియా అండర్‌పాస్ ద్వారా తమ ప్రయాణాన్ని కొనసాగించాలి. మీనాక్షి జంక్షన్ నుంచి బయోడైవర్సిటీ జంక్షన్ వైపు వచ్చే ట్రాఫిక్.. ఈ మార్గంలో వెళ్లే ప్రయాణికులు నేరుగా ఐకియా రోటరీ వైపు వెళ్లాలి. సీ-గేట్ చేరుకున్న తర్వాత ఐకియా రోటరీ వద్ద నేరుగా U-టర్న్ తీసుకోవాలని సూచించారు.
Cyber Crime: తస్మాత్‌ జాగ్రత్త.. ఎన్నికల సమాచారం అని లింక్‌ పంపిస్తారు.. క్లిక్‌ చేశారో!