Teacher MLC: తెలంగాణ ఎమ్మెల్సీ ఎన్నికల నగారా మోగింది. హైదరాబాద్ స్థానిక సంస్థలతోపాటు హైదరాబాద్ – రంగారెడ్డి – మహబూబ్ నగర్ టీచర్ ఎమ్మెల్సీ పదవికి కేంద్ర ఎన్నికల సంఘం షెడ్యూల్ విడుదల చేసింది. తెలంగాణ అసెంబ్లీకి త్వరలో ఎన్నికలు జరగనున్న నేపథ్యంలో అన్ని పార్టీలు ఈ ఎన్నికలను ప్రతిష్టాత్మకంగా తీసుకున్నాయి. ఈ ఎమ్మెల్సీ ఎన్నికల్లో ఘనవిజయం సాధించి ప్రజల్లోకి పాజిటివ్ వేవ్ పంపేందుకు పార్టీలు వ్యూహాలు రచిస్తున్నాయి. బలమైన అభ్యర్థులను నిలబెట్టి తమ సత్తా చాటాలని భావిస్తున్నారు. ఈ నేపథ్యంలో మహబూబ్ నగర్ టీచర్ ఎమ్మెల్సీ స్థానానికి బీజేపీ తన అధిష్టానం అభ్యర్థిని ప్రకటించింది. బీజేపీ తరపున వెంకట నారాయణరెడ్డిని అభ్యర్థిగా బరిలోకి దింపుతున్నట్లు ప్రకటించింది. కడప పట్టభద్రుల బీజేపీ ఎమ్మెల్సీ అభ్యర్థి రాఘవేంద్ర, ప్రకాశం పట్టభద్రుల అభ్యర్థి దయాకర్రెడ్డి, శ్రీకాకుళం పట్టభద్రుల అభ్యర్థి మాధవ్లను ప్రకటించారు.
Read also: C.V.Anand: హైదరాబాద్ లో రెచ్చిపోతున్న డ్రగ్స్ ముఠా.. ముంబైలో మకాం వేసి..
ఈ నెల 16న ఎమ్మెల్సీ ఎన్నికల నోటిఫికేషన్ విడుదల కానుంది. నామినేషన్లకు చివరి తేదీ ఫిబ్రవరి 23. నామినేషన్ల పరిశీలన ఫిబ్రవరి 24న.. నామినేషన్ల ఉపసంహరణకు ఫిబ్రవరి 27 వరకు ఈసీ గడువు ఇచ్చింది. ఎన్నికల సంఘం షెడ్యూల్ ప్రకారం మార్చి 13న పోలింగ్ జరగనుండగా, మార్చి 16న కౌంటింగ్ నిర్వహించనున్నారు. ఈసారి టీచర్ ఎమ్మెల్సీ పదవికి ఓటు వేసేందుకు ప్రైవేట్ టీచర్లకు కూడా ఈసీ అవకాశం కల్పించింది. ఈ ఎన్నికలు మరింత ఆసక్తికరంగా మారనున్నాయి. అసెంబ్లీ ఎన్నికల విధుల్లో ఉపాధ్యాయులే కీలకం కావడంతో వారిని మచ్చిక చేసుకునేందుకు అన్ని పార్టీలు ప్రయత్నిస్తున్నాయి. ఇదిలా ఉంటే అధికార పార్టీ బీఆర్ఎస్ మద్దతు ఎవరికి ఉంటుందనేది ఆసక్తికరంగా మారింది.
Komatireddy Venkat Reddy: పొత్తులపై కోమటిరెడ్డి కీలక వ్యాఖ్యలు.. కేసీఆర్ కాంగ్రెస్ తో కలవాల్సిందే..!
