RIMS infant Deaths : రిమ్స్లో ఐదుగురు శిశువుల మృతి.. ఎలుకలు ఏసీ వైర్లు కొరకడంతోనే ప్రమాదం..
- ఎలుకలు ఏసీ వైర్లు కొరకడంతో షార్ట్ సర్క్యూట్
- ప్రమాద సమయంలో ఎస్ఎన్సీయూ వార్డులో 27 మంది శిశువులు
- ప్రభుత్వానికి చేరిన ఆరుగురు సభ్యుల కమిటీ నివేదిక
- రిమ్స్ డైరెక్టర్, సూపరింటెండెంట్లపై చర్యలకు అవకాశం
- Follow Us :
-
-
Add as a preferred
source on google
ఆదిలాబాద్లోని రాజీవ్ గాంధీ ఇన్స్టిట్యూట్ ఆఫ్ మెడికల్ సైన్సెస్ (రిమ్స్) ఆస్పత్రిలో చోటుచేసుకున్న విషాదకర ఘటనపై ప్రభుత్వం నియమించిన ఆరుగురు సభ్యుల నిపుణుల కమిటీ (Six-Member High-Level Committee) తన నివేదికను ప్రభుత్వానికి సమర్పించింది. ఆస్పత్రిలోని ప్రత్యేక నవజాత శిశువుల సంరక్షణ విభాగానికి (SNCU) చెందిన ఏసీ వైర్లను ఎలుకలు కొరకడం వల్లే వైర్లు షార్ట్ సర్క్యూట్కు గురై ప్రమాదం సంభవించినట్లు 50 పేజీలతో కూడిన ఈ విచారణ నివేదికలో కమిటీ స్పష్టంగా పేర్కొంది. ఏసీ బ్లాస్ట్ కావడంతో వార్డు అంతటా దట్టమైన పొగలు అలుముకున్నాయని, సిబ్బంది చిన్నచిన్న నిర్లక్ష్యాలు, లోపాలే ఐదుగురు చిన్నారుల ప్రాణాలు బలిగొన్నాయని కమిటీ అభిప్రాయపడింది.
ప్రమాద సమయంలో వార్డులో 27 మంది నవజాత శిశువులు
గత నెల 21వ తేదీ అర్ధరాత్రి వేళ రిమ్స్ ఆస్పత్రి ఎస్ఎన్సీయూ వార్డులో అర్ధాంతరంగా ఈ ఘోర ప్రమాదం జరిగింది. ఆ సమయంలో వార్డులో మొత్తం 27 మంది పసికందులు చికిత్స పొందుతున్నారు. ప్రమాదం ధాటికి వార్డులో పొగలు అలుముకోవడంతో ఊపిరి ఆడక ఐదుగురు పసికందులు ప్రాణాలు కోల్పోగా, మిగిలిన బాధితులను వెంటనే కార్పొరేట్ ఆస్పత్రులకు తరలించారు. ప్రస్తుతం ఆ చిన్నారులందరూ పూర్తిస్థాయిలో కోలుకున్నారని అధికారులు తెలిపారు. దురదృష్టవశాత్తు ప్రాణాలు కోల్పోయిన ఐదుగురు చిన్నారుల కుటుంబాలకు ప్రభుత్వం ఇదివరకే రూ. 5 లక్షల చొప్పున పరిహారం (ఎక్స్గ్రేషియా) చెక్కులను అందజేసింది.
Also Read
కమిటీ నివేదికపై గోప్యత.. కలెక్టర్ ద్వారా ప్రభుత్వానికి సమాచారం
నిపుణుల కమిటీ ముందుగా ఈ సమగ్ర విచారణ నివేదికను జిల్లా కలెక్టర్కు సమర్పించగా, తాజాగా అది వైద్య ఆరోగ్య శాఖ ద్వారా ప్రభుత్వానికి చేరింది. అయితే ఈ నివేదికలోని ముఖ్యాంశాల పట్ల అధికారులు తీవ్ర గోప్యత పాటిస్తున్నారు. ఆస్పత్రి నిర్వహణలో జరిగిన లోపాలు, భద్రతా ప్రమాణాల వీక్నెస్ను నివేదిక ఎత్తిచూపినట్లు తెలిసింది. బాధ్యులపై చర్యలు తీసుకోవడంతో పాటు, భవిష్యత్తులో ఇలాంటి సంఘటనలు పునరావృతం కాకుండా ఉండటానికి తీసుకోవాల్సిన జాగ్రత్తలను నివేదికలో సూచించారు.
రిమ్స్ డైరెక్టర్, సూపరింటెండెంట్లపై వేటు పడే అవకాశం
ఐదుగురు పసికందుల ప్రాణాలు బలిగొన్న ఈ విషాద ఘటన నేపథ్యంలో రిమ్స్ ఆస్పత్రి యాజమాన్యంపై ప్రభుత్వం కఠిన చర్యలకు సిద్ధమవుతోంది. రిమ్స్ ప్రస్తుత డైరెక్టర్ , ఆస్పత్రి సూపరింటెండెంట్లను బాధ్యతల నుంచి తప్పించి వారి స్థానంలో కొత్త అధికారులను నియమించేందుకు వైద్యారోగ్య శాఖ అధికారులు ఇప్పటికే నివేదికలు సిద్ధం చేశారు. కొత్త డైరెక్టర్ నియామకానికి సంబంధించి పలువురు సీనియర్ డాక్టర్ల పేర్లతో ఫైల్ సిద్ధమైందని, ఏ క్షణంలోనైనా కొత్త అధికారుల నియామకంపై అధికారిక ఉత్తర్వులు వెలువడే అవకాశం ఉందని విశ్వసనీయ వర్గాలు వెల్లడించాయి.
తాజావార్తలు
-
Koti Deepotsavam 2026: కార్తీక మాసానికి ఆధ్యాత్మిక కళ.. నేటి నుంచి కోటిదీపోత్సవం.. ఇవాళ్టి విశేష కార్యక్రమాలు ఇవే..
-
Microsoft Global Outage: మైక్రోసాఫ్ట్ గ్లోబల్ అవుటేజ్కు కారణం ఇదే.. సైబర్ అటాక్ కాదు.. AIతో సంబంధం లేదన్న సంస్థ
-
Hyderabad: అర్ధరాత్రి నగరానికి చేరుకున్న రాహుల్ గాంధీ.. నేడు గిగ్ వర్కర్ల మహా ర్యాలీ
-
IND vs PAK Final: నేడే భారత్, పాకిస్థాన్ టైటిల్ పోరు.. టీమ్స్, వెన్యూ, లైవ్ స్ట్రీమింగ్ డీటెయిల్స్ ఇవే!
-
AP Municipal Elections 2026: మున్సిపల్ ఎన్నికలకు సిద్ధమైన ఏపీ.. నేటి నుంచి నామినేషన్లు.. పూర్తి షెడ్యూల్ ఇదే!
ట్రెండింగ్
-
Children’s Day 2026 : మార్కుల వేట వద్దు.. పిల్లల్లో క్రియేటివిటీ పెంచండి
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!