Xiaomi Pad 9, Pad 9 Pro: షియోమీ తన కొత్త ట్యాబ్లెట్ సిరీస్ను చైనాలో అధికారికంగా విడుదల చేసింది. Xiaomi Pad 9, Xiaomi Pad 9 Pro పేర్లతో వచ్చిన ఈ ట్యాబ్లెట్లలో అధిక రిఫ్రెష్ రేట్ డిస్ప్లేలు, శక్తివంతమైన స్నాప్డ్రాగన్ ప్రాసెసర్లు, భారీ బ్యాటరీలు ఉన్నాయి. వీటితో పాటు “యాంటీ-గ్లేర్ సాఫ్ట్ లైట్ ఎడిషన్” వేరియంట్లను కూడా కంపెనీ అందించింది.
Xiaomi Pad 9
Xiaomi Pad 9లో 11.2 అంగుళాల LCD డిస్ప్లేను అందించారు. ఇది 3200×2136 పిక్సెల్స్ రిజల్యూషన్తో 144Hz రిఫ్రెష్ రేట్ను కలిగి ఉంది. 360Hz టచ్ శాంప్లింగ్, 240Hz స్టైలస్ సపోర్ట్, HDR10, డాల్బీ విజన్, DCI-P3 కలర్ గామట్ వంటి ఫీచర్లు ఉన్నాయి. తడి చేతులతో కూడా స్క్రీన్ను ఉపయోగించుకునే సదుపాయం ఉంది. పనితీరు కోసం Snapdragon 8s Gen 4 మొబైల్ ప్లాట్ఫామ్ను ఉపయోగించారు. 8GB లేదా 12GB RAMతో పాటు 128GB, 256GB స్టోరేజ్ ఆప్షన్లు ఉన్నాయి. 128GB వేరియంట్లో UFS 3.1, 256GB వేరియంట్లో UFS 4.1 స్టోరేజ్ను అందించారు.
ఇక ఇందులో 9,720mAh భారీ బ్యాటరీ ఉంది. ఇది 45W ఫాస్ట్ ఛార్జింగ్కు సపోర్ట్ చేస్తుంది. రివర్స్ ఛార్జింగ్ సదుపాయం కూడా ఉంది. అలాగే ఫొటోలు, వీడియోల కోసం వెనుకవైపు 13MP కెమెరా, ముందు భాగంలో 8MP కెమెరా ఉన్నాయి. వీడియో రికార్డింగ్తో పాటు వివిధ ఫొటో, వీడియో మోడ్లను అందించారు. నాలుగు స్పీకర్లు, నాలుగు మైక్రోఫోన్లు, డాల్బీ అత్మోస్, Hi-Res ఆడియో కూడా ఉన్నాయి.
Xiaomi Pad 9 8GB+128GB వేరియంట్ ధర 2,999 యువాన్లు. 8GB+256GB ధర 3,299 యువాన్లుగా నిర్ణయించగా.. సాఫ్ట్ లైట్ ఎడిషన్ ధర 3,499 యువాన్లు, 12GB+256GB వేరియంట్ ధర 3,799 యువాన్లు. ఈ ట్యాబ్లెట్ ప్రస్తుతం చైనాలో అమ్మకానికి అందుబాటులో ఉంది.
Xiaomi Pad 9 Pro
ఈ సిరీస్లో మరింత శక్తివంతమైన మోడల్గా Xiaomi Pad 9 Proను కంపెనీ లాంచ్ చేసింది. పెద్ద డిస్ప్లేతో పాటు కొత్త తరం స్నాప్ డ్రాగన్ చిప్సెట్, అధిక సామర్థ్యం కలిగిన బ్యాటరీ, మెరుగైన కెమెరాలను ఇందులో అందించారు. ఇక ఇందులో12.5 అంగుళాల డిస్ప్లే ఉంది. 3200×2136 పిక్సెల్స్ రిజల్యూషన్, 144Hz రిఫ్రెష్ రేట్, 360Hz టచ్ శాంప్లింగ్, 240Hz స్టైలస్ సపోర్ట్ ఉన్నాయి. HDR10, డాల్బీ విజన్, DCI-P3, TÜV లో బ్లూ లైట్ సర్టిఫికేషన్ వంటి ఫీచర్లు ఉన్నాయి. డైరెక్ట్ లైటింగ్లో ప్రతిబింబాలను తగ్గించేందుకు “సాఫ్ట్ లైట్ ఎడిషన్”ను కూడా అందించారు.
పనితీరు కోసం 3nm ఆధారిత Snapdragon 8 Gen 5 మొబైల్ ప్లాట్ఫామ్ను ఉపయోగించారు. ఇందులో Adreno 829 GPU ఉంది. 8GB, 12GB, 16GB RAMతో పాటు 128GB, 256GB స్టోరేజ్ ఆప్షన్లు ఉన్నాయి. ఇందులో 11,000mAh భారీ బ్యాటరీను అందించారు. ఇది 67W ఫాస్ట్ ఛార్జింగ్కు సపోర్ట్ చేస్తుంది. ఒక్కసారి ఛార్జ్ చేస్తే 14.5 గంటల వరకు నిరంతర షార్ట్ వీడియో ప్లేబ్యాక్ లేదా 20 గంటల వరకు ఆన్లైన్ మీటింగ్లను నిర్వహించవచ్చని కంపనీ పేర్కొంది.
Xiaomi Pad 9 Proలో 50MP రియర్ కెమెరాను అందించారు. ముందు భాగంలో 32MP కెమెరా ఉంది. 4K, 1080p, 720p వీడియో రికార్డింగ్కు సపోర్ట్ ఉంది. నాలుగు స్పీకర్లు, నాలుగు మైక్రోఫోన్లు, డాల్బీ అత్మోస్, Hi-Res ఆడియో, నాయిస్ రిడక్షన్ వంటి ఫీచర్లు ఉన్నాయి. కనెక్టివిటీ కోసం Wi-Fi 7, Bluetooth 6.0, USB Type-C 3.2 Gen 1, Miracast, IPv6 వంటి ఫీచర్లు ఉన్నాయి. ఫింగర్ప్రింట్, యాక్సిలరోమీటర్, గైరోస్కోప్, యాంబియంట్ లైట్, హాల్, జియోమాగ్నెటిక్, IR సెన్సర్లు కూడా ఉన్నాయి.
చైనాలో Xiaomi Pad 9 Pro 8GB+128GB వేరియంట్ ధర 3,799 యువాన్లు కాగా.. 8GB+256GB ధర 4,099 యువాన్లు, 12GB+256GB ధర 4,599 యువాన్లు, సాఫ్ట్ లైట్ ఎడిషన్ ధరను 4,799 యువాన్లుగా నిర్ణయించారు. ఇక టాప్ ఎండ్ మోడల్ 16GB+256GB వేరియంట్ ధర 4,999 యువాన్లుగా ఉంది. ప్రస్తుతం ఈ ట్యాబ్లెట్ చైనాలో అమ్మకానికి అందుబాటులో ఉంది. గ్లోబల్ మార్కెట్లలో విడుదలపై కంపెనీ ఇంకా ఎలాంటి వివరాలను వెల్లడించలేదు.