IP68+IP69 రేటింగ్స్, 5-స్టార్ డ్రాప్ రెసిస్టెన్స్, 8,000mAh బ్యాటరీతో Vivo Y32 లాంచ్.. ధర, స్పెసిఫికేషన్లు ఇవే!

Vivo Y32: వివో నుండి Y సిరీస్‌లో కొత్త స్మార్ట్‌ఫోన్‌ వివో Y32ను ఎంపిక చేసిన గ్లోబల్ మార్కెట్లలో విడుదల చేసింది. ఇందులో భారీ 8,000mAh బ్యాటరీ, 120Hz డిస్‌ప్లే, 50MP కెమెరా, IP68+IP69 రేటింగ్స్ వంటి ఫీచర్లతో ఈ ఫోన్ లాంచ్ అయ్యింది. ఈ మొబైల్ సన్‌సెట్ ఆరెంజ్, ట్విలైట్ రెడ్ కలర్ అనే రెండు కలర్ ఆప్షన్లలో అందుబాటులోకి వచ్చింది.

బంగ్లాదేశ్ మార్కెట్లో ఈ మొబైల్ 4GB RAM + 128GB స్టోరేజ్ వేరియంట్ ధర BDT 30,999 (సుమారు రూ.24,300)గా ఉంది. అలాగే 6GB RAM + 128GB స్టోరేజ్ వేరియంట్ ధర BDT 34,999 (సుమారు రూ.27,000)గా నిర్ణయించారు. ఇక ఇందులో 6.87 అంగుళాల HD LCD డిస్‌ప్లే అందించారు. ఇది 1,592×720 పిక్సెల్స్ రిజల్యూషన్‌తో పాటు 120Hz రిఫ్రెష్ రేట్‌ను సపోర్ట్ చేస్తుంది. 255ppi పిక్సెల్ డెన్సిటీ, 83 శాతం NTSC కలర్ గామట్, గరిష్ఠంగా 1,300 నిట్స్ HBM బ్రైట్‌నెస్ ఉన్నాయి.

పనితీరు కోసం 6nm ఆధారిత Unisoc T7300 ఆక్టా-కోర్ చిప్‌సెట్ అందించారు. అలాగే ఇందులో గరిష్ఠంగా 6GB LPDDR4X RAM, 256GB వరకు స్టోరేజ్ ఆప్షన్ ఉంది. అదనంగా 6GB వరకు వర్చువల్ ర్యామ్ సపోర్ట్ చేస్తుంది. మైక్రోSD కార్డ్ ద్వారా స్టోరేజ్‌ను 2TB వరకు పెంచుకోవచ్చు. ఫోటోగ్రఫీ కోసం వెనుక భాగంలో డ్యూయల్ కెమెరా సెటప్ ఉంది. ఇందులో 50MP ప్రైమరీ కెమెరా f/2.0 అపర్చర్‌తో పనిచేస్తుంది. దీనికి 2MP సెకండరీ సెన్సార్ జత చేశారు. సెల్ఫీలు, వీడియో కాల్స్ కోసం ముందు భాగంలో 8MP కెమెరా అందించారు.

Vivo Y32లో ప్రధాన ఆకర్షణగా 8,000mAh భారీ బ్యాటరీ ఉంది. ఇది 44W ఫాస్ట్ ఛార్జింగ్‌కు సపోర్ట్ చేస్తుంది. ఒక్కసారి ఛార్జ్ చేస్తే 36 గంటల వరకు వీడియో ప్లేబ్యాక్, 14 గంటల వరకు గూగుల్ మ్యాప్స్ నావిగేషన్, 4G కాలింగ్‌లో 59 గంటల వరకు బ్యాటరీ బ్యాకప్ ఇస్తుందని కంపెనీ పేర్కొంది. ఈ స్మార్ట్‌ఫోన్ ఆండ్రాయిడ్ 16 ఆధారిత OriginOS 6పై పనిచేస్తుంది. డ్యూయల్ నానో సిమ్ సపోర్ట్, Wi-Fi, బ్లూటూత్ 5.4, GPS, BeiDou, Galileo, QZSS, USB టైపు C వంటి కనెక్టివిటీ ఫీచర్లు ఉన్నాయి. అంతేకాకుండా IP68, IP69 డస్ట్‌, వాటర్ రెసిస్టెన్స్ రేటింగ్స్‌తో పాటు SGS 5-స్టార్ డ్రాప్ రెసిస్టెన్స్ సర్టిఫికేషన్ కూడా ఉంది.