ప్రముఖ చైనా ఫోన్ కంపెనీ వివో సరికొత్త ఫీచర్స్ తో మార్కెట్ లోకి కొత్త ఫోన్లను లాంచ్ చేసింది.. వివో వై100ఐ గురువారం చైనాలో లాంచ్ అయింది. వివో లేటెస్ట్ వై-సిరీస్ స్మార్ట్ఫోన్ 60హెచ్జెడ్ రిఫ్రెష్ రేట్తో 6.64-అంగుళాల డిస్ప్లేను కలిగి ఉంది.. ఈ ఫోన్ గురించి మరిన్ని వివరాలు తెలుసుకుందాం..
వివో వై100ఐ ఫీచర్లు..
వివో వై100ఐ ఆండ్రాయిడ్ 13 ఆధారిత ఆర్జిన్ఓఎస్ 3పై రన్ అవుతుంది. 60హెచ్జెడ్ రిఫ్రెష్ రేట్, 91.6 స్క్రీన్-టు-బాడీ రేషియోతో 6.64-అంగుళాల ఫుల్-హెచ్డీ+ స్క్రీన్ను కలిగి ఉంది. డిస్ప్లే కేంద్రంగా ఉన్న హోల్ పంచ్ కటౌట్ను కూడా కలిగి ఉంది.. వర్చువల్ ర్యామ్ ఫీచర్ని ఉపయోగించి ఆన్బోర్డ్ మెమరీని 24జీబీ వరకు విస్తరించవచ్చు. ఈ హ్యాండ్సెట్ 512జీబీ యూఎఫ్ఎస్2.2 స్టోరేజ్ వరకు వస్తుంది.. కెమెరా విషయానికొస్తే.. ఎఫ్/2.0 ఎపర్చరు లెన్స్తో 8ఎంపీ ఫ్రంట్ ఫేసింగ్ కెమెరా ఉంది. వివో వై100iలో వై-ఫై, బ్లూటూత్ 5.1, 3.5ఎమ్ఎమ్ ఆడియో జాక్, తో పాటుగా యూఎస్బీ టైప్-సి పోర్ట్, జీపీఎస్, ఎ-జీపీఎస్ వంటి కనెక్టివిటీ ఆప్షన్లు ఉన్నాయి.. అంతేకాదు హ్యాండ్సెట్ ఐపీ54 రేటింగ్ను కూడా అందిస్తుంది. వివో వై100ఐ 44డబ్ల్యూ ఫాస్ట్ ఛార్జింగ్కు సపోర్టుతో 5,000ఎంఎహెచ్ బ్యాటరీతో సపోర్టు ఇస్తుంది.. ఇన్ని అద్భుతమైన ఫీచర్స్ ను కలిగి ఉన్న ఈ ఫోన్ బరువు 190 గ్రాములు ఉంటుంది..
ఇక ధర విషయానికొస్తే.. 12జీబీ ర్యామ్ + 512జీబీ స్టోరేజ్ వేరియంట్ ధర సీఎన్వై 1,599 (దాదాపు రూ. 15వేలు) ధర ఉంటుంది. ప్రస్తుతం చైనాలో వివో ఆన్లైన్ స్టోర్ ద్వారా పౌడర్ (పింక్), స్కై బ్లూ, బ్లాక్ కలర్ ఆప్షన్లలో కొనుగోలుకు అందుబాటులో ఉంది… ఇప్పటికే ఈ ఫోన్ సేల్స్ భారీగా పెరిగినట్లు కంపెనీ చెబుతుంది..
