Vivo T5 Lite 5G, T5 Pro 5G: వివో T5 Lite 5G, వివో T5 Pro 5G కొత్త RAM, స్టోరేజ్ వేరియంట్లు విడుదల.. ధరలు, ఫీచర్లు ఇవే

Vivo T5 Lite 5G, T5 Pro 5G New Variants: ప్రముఖ స్మార్ట్‌ఫోన్ బ్రాండ్ Vivo భారత్‌లో T5 సిరీస్‌లోని Vivo T5 Lite 5G, Vivo T5 Pro 5G మోడళ్లకు కొత్త RAM, స్టోరేజ్ వేరియంట్లను విడుదల చేసింది. కొత్త వేరియంట్లలో తక్కువ RAM, స్టోరేజ్‌తో కూడిన ఆప్షన్లను అందుబాటులోకి తీసుకొచ్చింది. దీంతో ఈ ఫోన్లను కొనుగోలు చేయాలనుకునే వినియోగదారులకు మరిన్ని ఆప్షన్లు లభించనున్నాయి.

Vivo T5 Lite 5G కొత్త వేరియంట్ ధర

Vivo T5 Lite 5G కొత్తగా 4GB RAM + 64GB స్టోరేజ్ వేరియంట్‌లో అందుబాటులోకి వచ్చింది. ఈ వేరియంట్ ధర రూ.30,999గా ఉంది. ఈ స్మార్ట్‌ఫోన్‌ను గతంలో 4GB + 128GB, 6GB + 128GB, 6GB + 256GB వేరియంట్లలో విడుదల చేశారు. కొత్త 4GB + 64GB వేరియంట్‌ను ఈ-కామర్స్ ప్లాట్‌ఫామ్ Flipkart ద్వారా అందుబాటులోకి తీసుకురానున్నారు. అక్టోబర్ 8 నుంచి ప్రారంభం కానున్న Big Billion Days సేల్‌లో కొత్త వేరియంట్లు విక్రయానికి రానున్నాయి.

Vivo T5 Pro 5G కొత్త వేరియంట్

Vivo T5 Pro 5G కూడా కొత్తగా 6GB RAM + 128GB స్టోరేజ్ వేరియంట్‌లో లభించనుంది. దీని ధర రూ.49,999గా నిర్ణయించారు. ఈ ఫోన్‌ను గతంలో 8GB + 128GB, 8GB + 256GB, 12GB + 256GB వేరియంట్లలో అందుబాటులోకి తీసుకొచ్చారు. ఇప్పుడు 6GB RAM, 128GB స్టోరేజ్ వేరియంట్‌ను జోడించారు.

Vivo T5 Lite 5G స్పెసిఫికేషన్స్

Vivo T5 Lite 5Gలో 6.74 అంగుళాల HD+ LCD డిస్‌ప్లే ఉంటుంది. ఇది 120Hz రిఫ్రెష్ రేట్, గరిష్ఠంగా 1,200 నిట్స్ పీక్ బ్రైట్‌నెస్ ను అందిస్తుంది. పనితీరు కోసం ఇందులో MediaTek Dimensity 6300 ప్రాసెసర్‌ను ఉపయోగించారు. ఈ ఫోన్ Android 16 ఆధారిత OriginOS 6.0పై పనిచేస్తుంది.

కెమెరా

ఫోటోగ్రఫీ కోసం వెనుక భాగంలో డ్యూయల్ కెమెరా సెటప్ ఉంది. ఇందులో 50MP ప్రైమరీ కెమెరా, 0.8MP సెకండరీ కెమెరా. సెల్ఫీలు, వీడియో కాల్స్ కోసం ముందు భాగంలో 5MP కెమెరా అందించారు. Vivo T5 Lite 5Gలో 6,500mAh బ్యాటరీ ఉంది. ఇది 44W FlashCharge ఫాస్ట్ ఛార్జింగ్కు సపోర్ట్ చేస్తుంది. పెద్ద బ్యాటరీ కారణంగా ఎక్కువసేపు ఫోన్‌ను ఉపయోగించుకునే అవకాశం ఉంటుంది.

Vivo T5 Pro 5G స్పెసిఫికేషన్స్

Vivo T5 Pro 5Gలో 6.83 అంగుళాల AMOLED డిస్‌ప్లే ఉంటుంది. ఇది 1.5K రిజల్యూషన్, 144Hz రిఫ్రెష్ రేట్ తో వస్తుంది. ఈ డిస్‌ప్లే అధిక రిఫ్రెష్ రేట్ కారణంగా స్క్రోలింగ్, గేమింగ్ వంటి పనుల్లో స్మూత్ అనుభవాన్ని అందించేలా రూపొందించారు. Vivo T5 Pro 5G వెనుక భాగంలో డ్యూయల్ కెమెరా సెటప్ ఉంది. ఇందులో 50MP Sony ప్రైమరీ కెమెరా, 2MP సెకండరీ కెమెరా, సెల్ఫీలు, వీడియో కాల్స్ కోసం ముందువైపు 32MP కెమెరా అందించారు. ఈ ఫోన్‌లోని ముందు, వెనుక కెమెరాలు 4K వీడియో రికార్డింగ్ కు సపోర్ట్ చేస్తాయి. Vivo T5 Pro 5Gలో 9,020mAh భారీ బ్యాటరీ ఉంది. దీనికి 90W వైర్డ్ ఫాస్ట్ ఛార్జింగ్ సపోర్ట్ అందించారు. భారీ బ్యాటరీ, వేగవంతమైన ఛార్జింగ్ ఈ ఫోన్‌లోని ప్రధాన ఫీచర్లలో ఒకటిగా నిలుస్తాయి.

అక్టోబర్ 8 నుంచి విక్రయాలు

Vivo T5 Lite 5G, Vivo T5 Pro 5G కొత్త RAM, స్టోరేజ్ వేరియంట్లు అక్టోబర్ 8 నుంచి ప్రారంభం కానున్న Flipkart Big Billion Days సేల్ సందర్భంగా అందుబాటులోకి రానున్నాయి.