Redmi K90 Ultra: రెడ్ మీ K90 అల్ట్రా రిలీజ్.. 8,550mAh బ్యాటరీ, 100W ఫాస్ట్ ఛార్జింగ్‌ తో కొత్త ఫ్లాగ్‌షిప్ ఫోన్

షియోమీ సబ్-బ్రాండ్ రెడ్‌మి తన కొత్త ఫ్లాగ్‌షిప్ స్మార్ట్‌ఫోన్ Redmi K90 Ultraను చైనాలో అధికారికంగా విడుదల చేసింది. అత్యాధునిక Qualcomm Snapdragon 8 Elite ప్రాసెసర్, 8,550mAh భారీ బ్యాటరీ, 100W ఫాస్ట్ ఛార్జింగ్, 165Hz AMOLED డిస్‌ప్లే వంటి ప్రీమియం ఫీచర్లతో ఈ ఫోన్ మార్కెట్‌లోకి అడుగుపెట్టింది. గేమింగ్, మల్టీటాస్కింగ్, హై-పర్ఫార్మెన్స్ కోరుకునే వినియోగదారులను దృష్టిలో ఉంచుకుని ఈ డివైస్‌ను రూపొందించారు.

Redmi K90 Ultra ధర

చైనాలో Redmi K90 Ultra మూడు స్టోరేజ్ వేరియంట్లలో అందుబాటులో ఉంది.

12GB RAM + 256GB స్టోరేజ్ – CNY 2,799 (సుమారు రూ.40,000)
12GB RAM + 512GB స్టోరేజ్ – CNY 3,299 (సుమారు రూ.47,000)
16GB RAM + 512GB స్టోరేజ్ – CNY 3,499 (సుమారు రూ.50,000)

Redmi K90 Ultra డిస్‌ప్లే

ఈ స్మార్ట్‌ఫోన్‌లో 6.83 అంగుళాల 1.5K AMOLED డిస్‌ప్లేను అందించారు. ఇది 165Hz రిఫ్రెష్ రేట్, 480Hz టచ్ శాంప్లింగ్ రేట్, 3500 నిట్స్ పీక్ బ్రైట్‌నెస్ ను అందిస్తుంది. అలాగే HDR10+, Dolby Vision, HDR Vivid టెక్నాలజీలకు కూడా సపోర్ట్ చేస్తుంది.

Snapdragon 8 Eliteతో శక్తివంతమైన పనితీరు

Redmi K90 Ultraలో TSMC 3nm ప్రాసెస్‌పై రూపొందించిన Snapdragon 8 Elite చిప్‌సెట్ ను ఉపయోగించారు. దీనికి Adreno GPU, Qualcomm AI Engine తోడయ్యాయి. గేమింగ్ అనుభవాన్ని మెరుగుపరచడానికి ప్రత్యేక D2 AI Gaming Graphics Chipను కూడా అమర్చారు. ఈ ఫోన్‌లో గరిష్టంగా 16GB LPDDR5X RAM, 512GB UFS 4.1 స్టోరేజ్ అందుబాటులో ఉంది. అలాగే యాక్టివ్ కూలింగ్ ఫ్యాన్ ఉండటంతో ఎక్కువసేపు గేమింగ్ చేసినా ఫోన్ వేడెక్కకుండా సహాయపడుతుంది.

Redmi K90 Ultra కెమెరా ఫీచర్లు

ఫోన్ వెనుక భాగంలో డ్యూయల్ కెమెరా సెటప్ ఉంది. 50MP Light Hunter 800 ప్రైమరీ కెమెరా, 8MP అల్ట్రా వైడ్ కెమెరా, సెల్ఫీలు, వీడియో కాల్స్ కోసం 20MP ఫ్రంట్ కెమెరాను అందించారు.

8,550mAh భారీ బ్యాటరీ

Redmi K90 Ultraలో 8,550mAh సామర్థ్యం గల బ్యాటరీ ఉంది. ఇది 100W వైర్డ్ ఫాస్ట్ ఛార్జింగ్ కు మద్దతు ఇస్తుంది. రిటైల్ బాక్స్‌లోనే 100W GaN ఛార్జర్ ను అందిస్తున్నారు. అలాగే 22.5W రివర్స్ వైర్డ్ ఛార్జింగ్ సపోర్ట్ కూడా ఉంది.

ఇతర ముఖ్యమైన ఫీచర్లు

Android 16 ఆధారిత HyperOS 3
5G, Wi-Fi 7, Bluetooth 5.4, NFC
NavIC, GPS, GLONASS సపోర్ట్
Dolby Atmosతో Bose ట్యూన్ చేసిన డ్యూయల్ స్టీరియో స్పీకర్లు
IP66, IP68, IP69 వాటర్ & డస్ట్ రెసిస్టెన్స్
Xiaomi Surge P3 Charging Chip
Surge G2 Battery Management Chip
బరువు: 227 గ్రాములు

Redmi K90 Ultra భారత్‌లో ఎప్పుడు విడుదల?

ప్రస్తుతం Redmi K90 Ultra చైనాలో మాత్రమే విడుదలైంది. భారత మార్కెట్‌లో ఈ ఫోన్ లాంచ్‌పై కంపెనీ ఇంకా అధికారిక ప్రకటన చేయలేదు. అయితే త్వరలో గ్లోబల్ మార్కెట్‌లో కూడా అందుబాటులోకి వచ్చే అవకాశం ఉందని టెక్ వర్గాలు భావిస్తున్నాయి.