Redmi 17C: 5,160mAh బ్యాటరీతో రెడ్‌మీ 17C విడుదల.. 120Hz డిస్‌ప్లే, హీలియో G81 అల్ట్రా చిప్‌సెట్

షియోమి సబ్-బ్రాండ్ రెడ్‌మీ తన తాజా బడ్జెట్ స్మార్ట్‌ఫోన్ రెడ్‌మీ 17Cను చైనాలో అధికారికంగా విడుదల చేసింది. ఆకర్షణీయమైన ఫీచర్లు, పెద్ద బ్యాటరీ, 120Hz రిఫ్రెష్ రేట్ డిస్‌ప్లేతో ఈ ఫోన్ బడ్జెట్ సెగ్మెంట్‌లో వినియోగదారులను ఆకట్టుకునేలా రూపొందించారు. గత ఏడాది విడుదలైన రెడ్‌మీ 15Cకు వారసుడిగా ఈ కొత్త మోడల్ మార్కెట్లోకి వచ్చింది. ఇది 120Hz వరకు రిఫ్రెష్ రేట్‌తో 6.88-అంగుళాల డిస్‌ప్లేను కలిగి ఉంది. 18W వైర్డ్ ఫాస్ట్ ఛార్జింగ్ సపోర్ట్‌తో 5,160mAh బ్యాటరీని ప్యాక్ చేసింది. రెడ్‌మీ 17సి మూడు రంగుల ఆప్షన్‌లలో విడుదలైంది. ఇది 4GB RAMతో పాటు మీడియాటెక్ హీలియో చిప్‌సెట్‌తో పనిచేస్తుంది. రెడ్‌మీ 17సిలో 13-మెగాపిక్సెల్ ప్రధాన వెనుక కెమెరా ఉంది. ఈ కొత్త ఫోన్, సెప్టెంబర్ 2025లో విడుదలైన రెడ్‌మీ 15సికి సక్సెసర్ గా వచ్చింది.

రెడ్ మీ 17సి ధర

రెడ్‌మీ 17C 4GB RAM + 64GB స్టోరేజ్ వేరియంట్ ధర CNY 799 (సుమారుగా రూ. 12,000). అదే RAM తో కూడిన 128GB స్టోరేజ్ వేరియంట్ ధర CNY 899 (సుమారుగా రూ. 13,000). ఈ ఫోన్ బ్లాక్, డాంక్సియా రెడ్, సీ బ్రీజ్ బ్లూ రంగులలో లభిస్తుంది.

రెడ్‌మి 17C స్పెసిఫికేషన్లు

డ్యూయల్-సిమ్ రెడ్‌మీ 17C షియోమి తాజా హైపర్‌ఓఎస్ 3 పై పనిచేస్తుంది. 120Hz వరకు రిఫ్రెష్ రేట్‌కు మద్దతు ఇచ్చే 6.88-అంగుళాల HD+ (720×1,640 పిక్సెల్స్) డిస్‌ప్లేను కలిగి ఉంది. ఈ డిస్‌ప్లే 240Hz వరకు టచ్ శాంప్లింగ్ రేట్. 600 నిట్స్ గ్లోబల్ బ్రైట్‌నెస్‌ను అందిస్తుంది. ఈ స్క్రీన్ TÜV రైన్‌ల్యాండ్ లో బ్లూ లైట్, సర్కాడియన్ ఫ్రెండ్లీ, ఫ్లికర్ ఫ్రీ సర్టిఫికేషన్‌లను పొందింది.

పనితీరు పరంగా చూస్తే, రెడ్‌మీ 17C ఆక్టా-కోర్ మీడియాటెక్ హీలియో G81 అల్ట్రా చిప్‌సెట్‌తో పనిచేస్తుంది. దీనికి ARM మాలి-G52 MC2 GPU, 4GB RAM, 128GB స్టోరేజ్ తో వస్తుంది. ఫోటోగ్రఫీ కోసం, రెడ్‌మీ 17Cలో 13-మెగాపిక్సెల్ వెనుక కెమెరా ఉంది. ముందు వైపు, సెల్ఫీల కోసం 5-మెగాపిక్సెల్ కెమెరా ఉంది.

రెడ్‌మీ 17C లోని కనెక్టివిటీ ఆప్షన్లలో 4G VoLTE, Wi-Fi 5, బ్లూటూత్ 5.4, Wi-Fi డైరెక్ట్, GPS, BeiDou, Galileo, GLONASS, AGNSS, 3.5mm ఆడియో జాక్ ఉన్నాయి. సెన్సార్లలో యాక్సిలరోమీటర్, యాంబియంట్ లైట్ సెన్సార్, ఎలక్ట్రానిక్ కంపాస్, వర్చువల్ ప్రాక్సిమిటీ సెన్సార్ ఉన్నాయి. బయోమెట్రిక్ అథెంటికేషన్ కోసం, దీనికి సైడ్-మౌంటెడ్ ఫింగర్‌ప్రింట్ స్కానర్ ఉంది. రెడ్‌మీ 17C 5,160mAh బ్యాటరీతో వస్తుంది. ఇది 18W వరకు వైర్డ్ ఫాస్ట్ ఛార్జింగ్‌కు సపోర్ట్ చేస్తుంది. అయితే, కంపెనీ రిటైల్ బాక్స్‌లో 10W ఛార్జర్‌ను మాత్రమే అందిస్తుంది.