Portronics Beem 570 Launch: భారతీయ ఎలక్ట్రానిక్స్ కంపెనీ పోర్ట్రోనిక్స్ (Portronics) నుండి కొత్తగా Beem 570 స్మార్ట్ ప్రొజెక్టర్ను లాంచ్ చేసింది. ఈ ఏడాది మొదట్లో వచ్చిన Beem 560 తర్వాత, మరింత మెరుగైన ఫీచర్లతో ఈ కొత్త మోడల్ ను లాంచ్ చేసింది. ఈ స్మార్ట్ ప్రొజెక్టర్ కాంపాక్ట్ డిజైన్తో పాటు అధునాతన విజువల్స్, స్మార్ట్ ఫీచర్లు, బిల్ట్-ఇన్ స్ట్రీమింగ్ సపోర్ట్తో ఇది పూర్తి ఎంటర్టైన్మెంట్ డివైస్ గా రూపొందించబడింది.
మిలిటరీ స్టాండర్డ్ డ్యూరబిలిటీ + పవర్ ప్యాక్ ఫీచర్లు.. OPPO A6s Pro లాంచ్.. ధర, ఫీచర్స్ ఇవే..!
Beem 570 డిజైన్ పరంగా సిల్వర్ ఫినిష్ తో కనిపిస్తుంది. 270-డిగ్రీల అడ్జస్టబుల్ డిజైన్ ఉండటం వల్ల లివింగ్ రూమ్, బెడ్రూమ్ వంటి వివిధ ప్రదేశాల్లో సులభంగా ప్రొజెక్షన్ యాంగిల్ ను మార్చుకోవచ్చు. విజువల్ పనితీరులో ఇది 1080p ఫుల్ HD రిజల్యూషన్, 10,000 లూమెన్స్ బ్రైట్నెస్, 120 అంగుళాల వరకు స్క్రీన్ సైజ్ సపోర్ట్ అందిస్తుంది. అంతేకాకుండా 50,000 గంటల ల్యాంప్ లైఫ్ ఉండటం ఎక్కువ సేపు వినియోగానికి అనుకూలంగా మారుస్తుంది.
సాఫ్ట్వేర్ పరంగా ఈ ప్రొజెక్టర్ వేల్ టీవీ OS (Whale TV OS)పై పనిచేస్తుంది. ఇది ఆండ్రాయిడ్ 13 ఆధారిత ఇంటర్ఫేస్ను కలిగి ఉంది. ఇందులో నెట్ఫ్లిక్, యూట్యూబ్, ప్రైమ్ వీడియో, జియో హాట్ స్టార్ వంటి ప్రముఖ స్ట్రీమింగ్ యాప్లు ముందే ఇన్స్టాల్ అయి ఉంటాయి. దీనివల్ల విడిగా సెటప్ బాక్స్ అవసరం లేకుండా నేరుగా కంటెంట్ను వీక్షించవచ్చు. వినియోగదారుల సౌలభ్యం కోసం ఈ ప్రొజెక్టర్లో పలు ఆటోమేటిక్ ఫీచర్లు ఉన్నాయి. ఆటోఫోకస్ ద్వారా చిత్రాన్ని స్పష్టంగా ఉంచుతుంది. ఆటో కీస్టోన్ కరెక్షన్ వల్ల ఎటువంటి యాంగిల్లో ప్రొజెక్ట్ చేసినా స్క్రీన్ సరిగ్గా కనిపిస్తుంది. అలాగే ఆటో అలైన్మెంట్, ఆబ్స్టాకిల్ అవాయిడెన్స్ ఫీచర్లతో గోడపై ఉన్న అడ్డంకులను గుర్తించి స్క్రీన్ ను సరైన స్థలంలో సెట్ చేస్తుంది.
ఆడియో పరంగా ఇందులో 5W ఇన్ బిల్ట్ స్పీకర్ ఉండి సాధారణ వినోదానికి సరిపడే సౌండ్ ను అందిస్తుంది. కనెక్టివిటీ విషయంలో డ్యుయల్ బ్యాండ్ Wi-Fi, బ్లూటూత్ 5.4, HDMI, USB పోర్టులు ఉన్నాయి. స్క్రీన్ మిర్రరింగ్ సపోర్ట్తో మొబైల్, ల్యాప్టాప్ల నుంచి వైర్ లేకుండా కంటెంట్ను ప్రొజెక్ట్ చేయవచ్చు. ధర విషయానికి వస్తే.. ఈ పోర్ట్రోనిక్స్ Beem 570 ధర రూ.19,999గా నిర్ణయించారు. ఇది అధికారిక వెబ్సైట్తో పాటు అమెజాన్, ఫ్లిప్కార్ట్, దేశవ్యాప్తంగా ఆన్లైన్, ఆఫ్లైన్ స్టోర్లలో అందుబాటులో ఉంది. ఈ ప్రొజెక్టర్కు కంపెనీ 12 నెలల వారంటీ కూడా అందిస్తోంది.