IP66, IP68, IP69 రేటింగ్స్, 80W SUPERVOOC ఫాస్ట్ చార్జింగ్ సపోర్ట్‌తో Oppo Reno 15c అమ్మకాలు షురూ!

Oppo Reno 15c: జనవరిలో ఒప్పో రెనో15 సిరీస్ లాంచ్ ఈవెంట్‌లో ప్రకటించిన ఒప్పో రెనో 15c (OPPO Reno 15c) స్మార్ట్‌ఫోన్‌ ను కంపెనీ భారత్‌ లో అమ్మకాలు మొదలు పెట్టింది. స్టైలిష్ డిజైన్, భారీ బ్యాటరీ, మంచి కెమెరాలతో ఈ ఫోన్ మిడ్‌రేంజ్ సెగ్మెంట్‌లో బెస్ట్ ఆప్షన్ గా నిలవనుంది.

Amazon Alert : రూ. 25 వేలకే బ్రాండెడ్ ఏసీలు.. సమ్మర్ కోసం భారీ ఆఫర్లు.!

ఈ స్మార్ట్‌ఫోన్‌లో 6.57-అంగుళాల FHD+ AMOLED డిస్‌ప్లేతో పాటు 120Hz రిఫ్రెష్ రేట్ అందించారు. ఇంకా ఈ ఫోన్‌లో స్నాప్ డ్రాగన్ 6 జెన్ 1 ప్రాసెసర్, 12GB వరకు ర్యామ్, UFS 3.1 స్టోరేజ్ సపోర్ట్ ఉన్నాయి. ఇది ఆండ్రాయిడ్ 16 ఆధారిత ColorOS 16పై పనిచేస్తుంది. ఫోటోగ్రఫీ కోసం ఈ ఫోన్‌లో 50MP ప్రధాన కెమెరా, 8MP అల్ట్రా-వైడ్ కెమెరా, 2MP మాక్రో కెమెరాలతో పాటు సెల్ఫీల కోసం 50MP ఫ్రంట్ కెమెరా అందించారు. ముందు, వెనుక కెమెరాలతో 4K వీడియో రికార్డింగ్ సపోర్ట్ ఉంటుంది.

ఒప్పో రెనో 15cలో ప్రధాన ఆకర్షణగా 7000mAh భారీ బ్యాటరీ ఉంది. ఇది 80W SUPERVOOC ఫాస్ట్ చార్జింగ్ సపోర్ట్‌తో వస్తుంది. ఫోన్‌లో IP66, IP68, IP69 వాటర్-డస్ట్ రెసిస్టెన్స్ రేటింగ్స్ ఉన్నాయి. అలాగే ఇన్-డిస్‌ప్లే ఫింగర్‌ప్రింట్ సెన్సర్ కూడా అందించారు. ఈ స్మార్ట్‌ఫోన్‌లో 5G కనెక్టివిటీ, Bluetooth 5.4, Wi-Fi, USB Type-C వంటి ఆధునిక కనెక్టివిటీ ఫీచర్లు ఉన్నాయి. ఈ ఫోన్ ఆఫ్టర్ గ్లో పింక్, ట్విలైట్ బ్లూ రంగుల్లో లభిస్తోంది.

Anthropic AI: ఒక్క ఏఐ టూల్‌తో టెక్కీల గుండెల్లో గుబులు.. రాత్రికి రాత్రే వందల బిలియన్లు ఆవిరి! అసలు కారణం ఇదే?

8GB + 256GB వేరియంట్ ధర రూ.34,999 కాగా, 12GB + 256GB వేరియంట్ ధర రూ.37,999 గా ఉంది. ఈ ఫోన్‌ ను అమెజాన్, ఫ్లిప్కార్ట్, ఒప్పో ఇండియా ఆన్‌లైన్ స్టోర్ ద్వారా కొనుగోలు చేయవచ్చు. లాంచ్ ఆఫర్ల కింద కొనుగోలుదారులకు కంపెనీ కొన్ని ప్రత్యేక ఆఫర్లు అందిస్తోంది. ఇందులో ఎంపిక చేసిన బ్యాంక్ క్రెడిట్ కార్డులు మరియు UPI లావాదేవీలపై 10% వరకు ఇన్‌స్టంట్ క్యాష్‌బ్యాక్, 12 నెలల వరకు జీరో డౌన్ పేమెంట్ EMI ఆప్షన్, రూ. 3,000 ఎక్స్చేంజ్ బోనస్, 180 రోజుల స్క్రీన్ డ్యామేజ్ ప్రొటెక్షన్ ఉచితంగా లభిస్తుంది.