OPPO Find X9 Ultra: 200MP కెమెరా, 7050mAh బ్యాటరీతో.. ఒప్పో ఫైండ్ X9 అల్ట్రా రిలీజ్

ప్రముఖ స్మార్ట్‌ఫోన్ బ్రాండ్ OPPO తన కొత్త ఫ్లాగ్‌షిప్ స్మార్ట్‌ఫోన్ OPPO Find X9 Ultra ను భారత మార్కెట్లో అధికారికంగా విడుదల చేసింది. అత్యాధునిక ఫీచర్లతో వచ్చిన ఈ ఫోన్‌లో 200-మెగాపిక్సెల్ కెమెరా, 7050mAh భారీ బ్యాటరీ, శక్తివంతమైన క్వాల్‌కామ్ స్నాప్‌డ్రాగన్ చిప్‌సెట్ వంటి ప్రీమియం స్పెసిఫికేషన్లు ఉన్నాయి. ఒప్పో ఫైండ్ X9 అల్ట్రా 12GB RAM + 512GB స్టోరేజ్ వేరియంట్ ధర రూ.1,69,999గా నిర్ణయించారు. ఈ స్మార్ట్‌ఫోన్ కాన్యన్ ఆరెంజ్, టండ్రా అంబర్ రంగుల్లో అందుబాటులోకి వచ్చింది.

ఈ ఫోన్‌ను Amazon India, Flipkart, OPPO India Official Store ద్వారా ప్రీ-ఆర్డర్ చేసుకోవచ్చు. ప్రీ-బుకింగ్ చేసిన వినియోగదారులకు రూ.11,000 విలువైన ప్రీమియం గిఫ్ట్ బాక్స్‌ను కంపెనీ అందిస్తోంది.

ఇందులో:

ఒప్పో ఎంకో ఎయిర్ 5 ప్రో TWS ఇయర్‌బడ్స్
అధికారిక ప్రొటెక్టివ్ కవర్ కేస్ ఉంటాయి. ఈ ఆఫర్ మే 14 నుంచి మే 27 వరకు లేదా స్టాక్ ఉన్నంత వరకు వర్తిస్తుంది.

ఒప్పో ఫైండ్ X9 అల్ట్రాలో 6.82 అంగుళాల QHD+ ఫ్లెక్సిబుల్ AMOLED డిస్‌ప్లేను అందించారు.
రిజల్యూషన్: 1440×3168 పిక్సెల్స్
రిఫ్రెష్ రేట్: 120Hz
గరిష్ట బ్రైట్‌నెస్: 1800 నిట్స్

డిస్‌ప్లే రక్షణ కోసం కార్నింగ్ గొరిల్లా గ్లాస్ విక్టస్ 2 ప్రొటెక్షన్ ఇచ్చారు.

ఈ ఫోన్ ఆండ్రాయిడ్ 16 ఆధారిత ColorOS 16పై పనిచేస్తుంది. ఇందులో అడ్రినో 840 GPUతో కూడిన Qualcomm Snapdragon 8 Elite Gen 5 ప్రాసెసర్‌ను ఉపయోగించారు. 16GB వరకు LPDDR5X RAM, 16GB వరకు UFS 4.1 స్టోరేజ్ సపోర్ట్ అందించారు.

భారీ బ్యాటరీ, ఫాస్ట్ ఛార్జింగ్

ఈ ఫోన్‌లో 7050mAh భారీ బ్యాటరీ ఉంది. 100W వైర్డ్ ఫాస్ట్ ఛార్జింగ్, 50W వైర్‌లెస్ ఛార్జింగ్ సపోర్ట్‌తో వస్తుంది.

ఫోటోగ్రఫీ కోసం ఫోన్ వెనుక భాగంలో క్వాడ్ కెమెరా సెటప్ ఇచ్చారు:
200MP ప్రైమరీ కెమెరా (OIS సపోర్ట్‌తో)
50MP అల్ట్రా వైడ్ కెమెరా
200MP టెలిఫోటో కెమెరా
50MP అల్ట్రా టెలిఫోటో కెమెరా

సెల్ఫీలు, వీడియో కాలింగ్ కోసం 50MP ఫ్రంట్ కెమెరా అందించారు.

కనెక్టివిటీ & భద్రత

ఈ స్మార్ట్‌ఫోన్‌లో:

Wi-Fi 7
బ్లూటూత్ 6.0
NFC
GPS
USB Type-C పోర్ట్ లభిస్తాయి.

భద్రత కోసం 3D అల్ట్రాసోనిక్ ఇన్-డిస్‌ప్లే ఫింగర్‌ప్రింట్ సెన్సార్‌ను అందించారు.