Nubia Neo 5 GT Released :భారీ బ్యాటరీ, కూలింగ్ ఫ్యాన్‌తో నూబియా కొత్త ఫోన్.!

Nubia Neo 5 GT Features : టెక్నాలజీ ప్రియులు ఎంతో ఆసక్తిగా ఎదురుచూస్తున్న మొబైల్ వరల్డ్ కాన్ఫరెన్స్‌లో నూబియా తన సత్తా చాటింది. బడ్జెట్ ధరలో ప్రీమియం గేమింగ్ అనుభూతిని అందించే లక్ష్యంతో ‘నియో 5 GT’ మోడల్‌ను లాంచ్ చేసింది. ఈ స్మార్ట్‌ఫోన్ ప్రధానంగా దాని డిస్‌ప్లే, ప్రాసెసర్ , వినూత్నమైన కూలింగ్ టెక్నాలజీతో మొబైల్ గేమర్లను ఆకట్టుకుంటోంది.

అద్భుతమైన డిస్‌ప్లే , గేమింగ్ కంట్రోల్స్
నూబియా నియో 5 GT లో 6.8-అంగుళాల అమోలెడ్ (AMOLED) డిస్‌ప్లేను అమర్చారు, ఇది 1.5K రిజల్యూషన్‌ను అందిస్తుంది. గేమింగ్ సమయంలో ఎటువంటి అంతరాయం లేకుండా ఉండేందుకు ఇందులో 144Hz రిఫ్రెష్ రేట్ , 3,049Hz టచ్ శాంప్లింగ్ రేట్‌ను ఇచ్చారు. దీనివల్ల గేమర్స్ వేగవంతమైన కదలికలను సులభంగా కంట్రోల్ చేయగలరు. అదనంగా, ఇందులో ఉన్న 550Hz నియో ట్రిగ్గర్స్ 5.0 బటన్లు ప్రొఫెషనల్ గేమింగ్ కన్సోల్ అనుభూతిని కలిగిస్తాయి.

SIP Vs PPF Vs SSY: ఇండియాలో పిల్లల సగటు ఖర్చు రూ.85లక్షలు.. ఇలా సేవ్ చేస్తే ఎలాంటి సమస్యా ఉండదు! 

పవర్‌ఫుల్ పెర్ఫార్మెన్స్ , కూలింగ్
ఈ ఫోన్ మీడియాటెక్ డైమెన్సిటీ 7400 చిప్‌సెట్‌తో పనిచేస్తుంది, ఇది 4nm ఆర్కిటెక్చర్ ఆధారంగా రూపొందించబడింది. భారీ గ్రాఫిక్స్ ఉన్న గేమ్‌లు ఆడుతున్నప్పుడు ఫోన్ వేడెక్కకుండా ఉండేందుకు నూబియా ఇందులో ఒక యాక్టివ్ కూలింగ్ ఫ్యాన్ , 29,508 mm² వైశాల్యం గల భారీ కూలింగ్ ఛాంబర్‌ను ఏర్పాటు చేసింది. ఇది ఫోన్ ఉష్ణోగ్రతను నియంత్రించి, పెర్ఫార్మెన్స్ తగ్గకుండా చూస్తుంది.

బ్యాటరీ , కెమెరా విశేషాలు
దీర్ఘకాలం పాటు గేమ్స్ ఆడేవారి కోసం ఇందులో 6,210mAh భారీ బ్యాటరీని ఇచ్చారు. దీనికి 80W ఫాస్ట్ ఛార్జింగ్ సపోర్ట్ తోడైంది. ముఖ్యంగా ‘బైపాస్ ఛార్జింగ్’ ఫీచర్ ద్వారా ఫోన్ ఛార్జింగ్ పెడుతూనే నేరుగా పవర్ వాడుకుంటూ గేమ్స్ ఆడుకోవచ్చు, దీనివల్ల బ్యాటరీ వేడెక్కదు. కెమెరాల విషయానికి వస్తే, వెనుక వైపు 50-మెగాపిక్సెల్ ప్రధాన కెమెరాతో కూడిన ట్రిపుల్ కెమెరా సెటప్ , ముందు వైపు 16-మెగాపిక్సెల్ సెల్ఫీ కెమెరా ఉన్నాయి.

ధర, కలర్స్
నూబియా నియో 5 GT సిల్వర్, బ్లాక్ రంగులలో లభిస్తుంది. దీని ప్రారంభ ధర EUR 399 (సుమారు ₹42,400) గా నిర్ణయించారు. ఈ నెలాఖరు నుండే ఆగ్నేయాసియా దేశాల్లో ఇది విక్రయానికి రానుంది. తక్కువ ధరలో మెరుగైన గేమింగ్ ఫీచర్లు కోరుకునే వారికి నూబియా నియో 5 GT ఒక గొప్ప ఎంపిక కానుంది. ఐపీ64 రేటింగ్ , ఏఐ (AI) గేమింగ్ కోచ్ వంటి ఫీచర్లు దీనికి అదనపు బలాన్ని ఇస్తున్నాయి.

 
10th Halltickets : విద్యార్థులకు బిగ్ అలర్ట్.. హాల్ టికెట్స్ వచ్చేశాయ్.. డైరెక్ట్ లింక్ ఇదే..!