Nothing Phone: నథింగ్ నుంచి సెన్సేషనల్ ఫోన్లు.. మార్కెట్లోకి 4a సిరీస్ ఎంట్రీ – ఫీచర్లు చూస్తే ఫిదా అవ్వాల్సిందే!
- Follow Us :
-
-
Add as a preferred
source on google
Nothing Phone: నథింగ్ సంస్థ నుంచి సరికొత్త స్మార్ట్ఫోన్ సిరీస్ భారత్లోకి అడుగుపెట్టింది. నథింగ్ ఫోన్ 4a (Nothing Phone 4a), నథింగ్ ఫోన్ 4a ప్రో (Nothing Phone 4a Pro) మోడల్స్ నేటి నుంచే అమ్మకానికి సిద్ధంగా ఉన్నాయి. ఈ స్మార్ట్ఫోన్ల ఫీచర్లు, ధరలు, ఆఫర్ల పూర్తి వివరాలు ఈ స్టోరీలో తెలుసుకుందాం.
READ ALSO: LPG BOOKINGS: వంటగ్యాస్ భయాలు.. రోజుకు అదనంగా 25 లక్షల సిలిండర్ల బుకింగ్స్..
విభిన్నమైన డిజైన్తో టెక్ ప్రియులను ఆకట్టుకునే ‘నథింగ్’ బ్రాండ్, తన లేటెస్ట్ మిడ్-రేంజ్ స్మార్ట్ఫోన్లను భారత మార్కెట్లోకి విడుదల చేసింది. ఫోన్ 4a, 4a ప్రో మోడల్స్ అప్గ్రేడ్ చేసిన డిస్ప్లేలు, శక్తివంతమైన కెమెరాలు, అదిరిపోయే బ్యాటరీ బ్యాకప్తో మార్కెట్లోకి వచ్చాయి.
ధరలు & వేరియంట్లు..
నథింగ్ ఫోన్ 4a:
8GB + 128GB: రూ.31,999
8GB + 256GB: రూ.34,999
12GB + 256GB: రూ.37,999
కలర్స్: తెలుపు, నీలం, గులాబీ, నలుపు
నథింగ్ ఫోన్ 4a ప్రో:
8GB + 128GB: రూ.39,999
8GB + 256GB: రూ.42,999
12GB + 256GB: రూ.45,999
కలర్స్: సిల్వర్, పింక్, బ్లాక్
లాంచ్ ఆఫర్లు..
ఈ కొత్త ఫోన్లపై భారీ డిస్కౌంట్లు అందుబాటులో ఉన్నాయి. ఫోన్ 4a పై రూ.3,000 వరకు, ఫోన్ 4a ప్రో పై రూ.4,000 వరకు బ్యాంక్ డిస్కౌంట్ లభిస్తుంది. వీటికి అదనంగా ఎక్స్ఛేంజ్ ఆఫర్లు, నో-కాస్ట్ EMI సౌకర్యాలు కూడా ఉన్నాయి. ఫ్లిప్కార్ట్, రిలయన్స్ డిజిటల్, క్రోమా వంటి ప్లాట్ఫామ్లలో ఇవి లభిస్తాయి.
ఫీచర్లు & స్పెసిఫికేషన్లు:
డిస్ప్లే: ఫోన్ 4a లో 6.78-అంగుళాల AMOLED (120Hz) డిస్ప్లే ఉండగా, ప్రో మోడల్లో 6.83-అంగుళాల 1.5K AMOLED (144Hz) డిస్ప్లే ఉంది. దీనికి గొరిల్లా గ్లాస్ 7i రక్షణ ఉంది.
ప్రాసెసర్: ఫోన్ 4a లో స్నాప్డ్రాగన్ 7s Gen 4 చిప్సెట్, ప్రో వెర్షన్లో మరింత శక్తివంతమైన స్నాప్డ్రాగన్ 7 Gen 4 చిప్సెట్ అమర్చారు.
కెమెరా: రెండింటిలోనూ 50MP ప్రధాన కెమెరాతో కూడిన ట్రిపుల్ రియర్ కెమెరా సెటప్ ఉంది. ప్రో మోడల్లో సోనీ LYT-700C సెన్సార్ను ఉపయోగించారు. సెల్ఫీల కోసం 32MP కెమెరా ఉంది.
గ్లిఫ్ ఇంటర్ఫేస్: నథింగ్ సిగ్నేచర్ స్టైల్ అయిన ‘గ్లిఫ్ బార్’ (63 మినీ LEDలు) ఈ ఫోన్ల వెనుక భాగంలో ఆకర్షణీయంగా కనిపిస్తుంది.
బ్యాటరీ: 5,400 mAh భారీ బ్యాటరీ, 50W ఫాస్ట్ ఛార్జింగ్కు సపోర్ట్ చేస్తుంది. కేవలం 64 నిమిషాల్లోనే ఫుల్ ఛార్జ్ అవుతుందని సంస్థ పేర్కొంది.
ఈ ధరలో మంచి డిజైన్, పెర్ఫార్మెన్స్ కోరుకునే వారికి నథింగ్ ఫోన్ 4a సిరీస్ ఒక బెస్ట్ ఆప్షన్ అని మార్కెట్ నిపుణులు చెబుతున్నారు.